سونداي-اق پرەزيدەنتتىڭ جارلىعىمەن قايىربەك ايتباي ۇلى وسكەنباەۆ قازاقستان رەسپۋبليكاسىنىڭ يندۋستريا جانە ينفراقۇرىلىمدىق دامۋ ءمينيسترى لاۋازىمىنان بوساتىلدى.
مارات قاراباەۆ 1987 جىلى وزبەكستان رەسپۋبليكاسىنىڭ تاشكەنت وبلىسىندا تۋعان. تاشكەنت اۆتوموبيل جولى ينستيتۋتىن, ۋورۆيك ۋنيۆەرسيتەتىن ( ۇلىبريتانيا), م.ح. دۋلاتي اتىنداعى تاراز مەملەكەتتىك ۋنيۆەرسيتەتىن بىتىرگەن.
ەڭبەك جولىن 2011 جىلى اۋىل شارۋاشىلىعى مينيسترلىگىنىڭ سۋ شارۋاشىلىعى كوميتەتىنىڭ سۋ شارۋاشىلىعى عيماراتتارىنىڭ جەلىلەرىن پايدالانۋ جانە دامىتۋ باسقارماسى ساراپشىسىنىڭ م.ا. رەتىندە باستادى.
2011 جىلدان 2013 جىل ارالىعىندا — يندۋستريا جانە جاڭا تەحنولوگيالار مينيسترلىگى جاڭا تەحنولوگيالار جانە ەنەرگيا ۇنەمدەۋ دەپارتامەنتى سەرۆيستىك يندۋستريانى تەحنولوگيالىق دامىتۋ باسقارماسىنىڭ ساراپشىسى, باس ساراپشىسى.
2014-2015 جىلدارى — وڭتۇستىك قازاقستان وبلىسى كاسىپكەرلىك جانە يندۋستريالدى-يننوۆاتسيالىق دامۋ باسقارماسى باسشىسىنىڭ ورىنباسارى م.ا.
2015-2017 جىلدارى — وڭتۇستىك قازاقستان وبلىسىنىڭ كاسىپكەرلىك جانە يندۋستريالدى-يننوۆاتسيالىق دامۋ جانە تۋريزم باسقارماسىنىڭ باسشىسىنىڭ ورىنباسارى, باسشىسى.
2018-2019 جىلدارى — تسيفرلىق دامۋ, قورعانىس جانە اەروعارىش ونەركاسىبى مينيسترلىگىنىڭ قورعانىس-ونەركاسىپ كەشەنىن دامىتۋ دەپارتامەنتىندە باسشىلىق قىزمەتتەر اتقاردى.
2019 جىلعى تامىزدان 2020 جىلعى شىلدە ارالىعىندا يندۋستريا جانە جاڭا تەحنولوگيالار مينيسترلىگىنىڭ قورعانىس-ونەركاسىپ كەشەنىن دامىتۋ دەپارتامەنتىنىڭ ديرەكتورى قىزمەتىن اتقاردى.
2020 جىلعى شىلدەدەن 2021 جىلعى قاڭتارعا دەيىن – يدم يندۋستريالىق دامۋ جانە ونەركاسىپتىك قاۋىپسىزدىك كوميتەتىنىڭ توراعاسى.
2021 جىلعى قاڭتاردان باستاپ يدم يندۋستريالىق دامۋ كوميتەتىنىڭ توراعاسى بولىپ جۇمىس ىستەدى.
2021 جىلدىڭ شىلدە ايىنان باستاپ يندۋستريا جانە ينفراقۇرىلىمدىق دامۋ ۆيتسە-ءمينيسترى بولىپ قىزمەت اتقاردى.
