ءوڭىر باسشىسىنىڭ ايتۋىنشا, بۇگىن تاڭەرتەڭ سۋ قۇبىرىنىڭ زاقىمدالعان بولىگىن اۋىستىرۋ باستالدى. وعان 46 ادام (ەكىباستۇز «گورۆودوكانال» مكك جانە پاۆلودار وبلىسى تج دەپارتامەنتىنىڭ قىزمەتكەرلەرى), 19 بىرلىك مامانداندىرىلعان تەحنيكا جۇمىلدىرىلدى.
«وزدەرىڭىزگە بەلگىلى, بۇگىن تاڭەرتەڭ جەرگىلىكتى جەو-عا تەحنيكالىق سۋ قۇبىرىنىڭ زاقىمدالعان ۋچاسكەسىندە جۇمىس قايتا باستالدى. 31 جەلتوقسانعا قاراعان ءتۇنى قۇبىرعا ۋاقىتشا قىسقىشتار ورناتىلدى. ستانتسيا سۋسىز قالعان جوق. الايدا ول قاشانعا دەيىن شىدار ەدى؟ سول كۇنى مەن قالپىنا كەلتىرىلگەن ۋچاسكەنى اۋىستىرۋعا دايىندىقتى باستاۋدى بۇيىردىم. تاڭەرتەڭگى جۇمىستار كەشكى 21:20-دا اياقتالدى. جەو-دا سۋمەن جابدىقتاۋ تولىق كولەمدە قالپىنا كەلتىرىلدى», دەدى اسايىن بايحانوۆ.
2023 جىلعى 3 قاڭتاردا تاڭعى ساعات 6-دان باستاپ ەكىباستۇز قۇتقارۋشىلار گارنيزونى كۇشتەرى زاقىمدانعان اۋماقتان سۋدى سوردى. ساعات 11.00-دە «گورۆوداكانال گكپ» جانە «ينجەنەرلىك جەلىلەر» جشس قىزمەتكەرلەرى زاقىمدالعان ۋچاسكەنى اۋىستىرۋ جانە ديامەترى 500 مم تەحنولوگيالىق سۋ قۇبىرىن اجىراتۋ بويىنشا جوندەۋ جۇمىستارىن باستادى. ءوڭىر باسشىسى سۋ قۇبىرىنىڭ ءبىر بولىگىن اۋىستىرۋ جۇمىستارىن ساپالى جۇرگىزىپ, ساعات 22:00-گە دەيىن اياقتاۋدى تالاپ ەتتى.
