بايقاۋعا بارلىعى 345 ءوتىنىم ءتۇستى. 55 جەڭىمپازدى ارنايى كوميسسيا انىقتادى, ونىڭ قۇرامىنا ءوڭىردىڭ بيزنەس-قوعامداستىعىنىڭ وكىلدەرى مەن قوعام قايراتكەرلەرى كىردى.
كوميسسيا مۇشەلەرى جاس كاسىپكەرلەرگە اقشالاي سەرتيفيكاتتاردى تاپسىرا وتىرىپ, مەملەكەتتىك قولداۋدىڭ مۇنداي شارالارى كەلەشەگى بار جوبالاردى قارجىلاندىرۋعا عانا ەمەس, قوعامعا ەلەۋلى پايدا اكەلۋگە دە تاماشا مۇمكىندىك بەرەتىنىن اتاپ ءوتتى.
ماسەلەن, 7 ملن تەڭگەگە گرانت ماديار ابدىقوجاعا بەرىلدى. جاس جىگىت وڭىردە بوياۋلار, لاكتار مەن ەمالدار ءوندىرىسىن ىسكە قوسۋدى جوسپارلاپ وتىر.
تاعى ەكەۋىنە – ايدىن توقتاروۆ پەن ۆياچەسلاۆ بەلياكينگە – 3,5 ملن تەڭگەنىڭ سەرتيفيكاتتارى تابىستالدى. ايدىن قۇراما جەم شىعاراتىن شاعىن زاۋىتىن, ال ۆياچەسلاۆ - ماسساج ورتالىعىن اشقىسى كەلەدى. گرانتتىق قاراجاتتى جاس كاسىپكەرلەر بورديۋر, پورەبريك جانە كىرپىش ءوندىرىسىن كەڭەيتۋگە, ەتنواۋىل ۇيىمداستىرۋعا, شلاكوبلوكتار مەن نان-توقاش ونىمدەرىن وندىرۋگە, جەكە ەمحانا مەن وڭالتۋ ورتالىعىن اشۋعا, قۇستاردى وسىرۋگە جانە ت.ب. سالۋعا نيەتتى.
وسى بيزنەس يدەيالاردى ىسكە اسىرۋعا ولارعا ءبىر ميلليوننان باستاپ ءۇش ميلليون تەڭگەگە دەيىن ءبولىندى.
