قازىر قازاقستاندا 286 تەڭىز كەمەسى تىركەلگەن. ولاردىڭ جىكتەلۋى مەن تەحنيكالىق كۋالاندىرىلۋىن حالىقارالىق تەڭىز ۇيىمىنىڭ (IMO) ەرەجەلەرىنە سايكەس يندۋستريا جانە ينفراقۇرىلىمدىق دامۋ مينيسترلىگىنىڭ كولىك كوميتەتىمەن راستالعان قازاقستاننىڭ كەمە قاتىناسىن تىركەۋ ۇيىمى مەن وسى باعىتتا ماماندانىدىرىلعان شەتەلدىك ۇيىمدار جۇزەگە اسىرادى.
بۇل ورايدا ۆەدومستۆومەن 4 شەتەلدىك ۇيىمنىڭ قىزمەتى مويىندالعان. ولاردىڭ قاتارىندا رەسەي تەڭىز كەمە قاتىناسىن تىركەۋ ۇيىمى (رتكقت), Bureau Veritas Marine & Offshore SAS, American Bureau of Shipping (ABS) جانە حالىقارالىق دەڭگەيدە تانىلىپ, الەمنىڭ كوپتەگەن ەلىندە جۇمىس تاجىريبەسى قالىپتاسقان RINA S. p.a. بار.
كولىك كوميتەتى ءتيىستى شارتتى تالاپقا ساي ورىنداماعانى ءۇشىن 2023 جىلدىڭ 1-ءشى جەلتوقسانىنان باستاپ Lloyd's Register Group (LR) شەتەلدىك جىكتەۋ ۇيىمىمەن اراداعى كەلىسىمدى توقتاتادى.
ۆەدومستۆو وكىلدەرى كەمەلەردىڭ تەحنيكالىق جاعدايىنا قاتىستى ماسەلەلەر تۇراقتى باقىلاۋدا ەكەنىن جەتكىزدى.
