التايدىڭ اڭى دا ورتاق

كاتونقاراعاي مەملە­كەت­تىك تا­بيعي پاركىنىڭ اۋماعىن مەكەن ەتكەن جانۋارلار بىردە رەسەي­دىڭ «كاتۋنسكي» بيوسفەرالىق قورىعىنا وتسە, ەندى بىردە كەرى قاي­تادى. ەكى جاقتىڭ تابيعاتى مەن كليماتى بىر­دەي. وسىنى ەس­كەر­گەن ەكى تاراپ جىل كولەمىندە اڭ­دارعا باقىلاۋ جاساۋ سەكىل­دى جۇمىس­ جۇرگىزىپ كەلەدى. رەسەي مەن قازاق­ستان اراسىندا 2024 جىلعا دەيىن قورشاعان ورتانى قورعاۋ بويىنشا ىنتىماقتاستىق تۋرالى كەلىسىم بار ەكەن.

– جىل كولەمىندە مەم­­لەكەتتىك ينسپەكتور­لار­مەن بىرلەسىپ, «التاي» ترانس­شەكارالىق رەزەر­ۆا­تىنىڭ شەكاراسى ما­ڭىنداعى جابايى اڭ-قۇس­تاردىڭ تۇرلەرىن, سانىن ەسەپ­كە الۋ جۇمىستارى جۇر­گىزىلدى, – دەيدى جانۋار­لار الەمىن قورعاۋ جانە ءوندىرۋ ءبولىمىنىڭ ساياتكەر-بيولوگى ءامىر بازيلوۆ.

قوس تاراپ كەلىسىم اياسىندا فوتوتۇزاقتار قۇرىپ, اڭ ساناۋ جۇمىستارىن جۇرگىزىپ قانا قويعان جوق, بىرنەشە رەت دوڭگەلەك ۇستەلدە باس قوسىپ, تاجىريبە دە الماس­تى. سونىمەن قاتار تۋريزم مەن كۇزەت ماسەلەلەرى دە قا­راستىرىلدى.

ساياتكەر-بيولوگ ءامىر با­زيلوۆ­تىڭ ايتۋىنشا, ەكى ەل­دىڭ اراسىن­دا كوپ ميگ­را­­تسيالايتىن جانۋار­لار – بۇ­عى, بۇلان, ەلىك. ايۋ بول­سا, قورەك ىزدەپ قانا مەكە­نىن اۋىستى­رادى. بىراق ۇي­قى­عا جاتار مەزگىلدە ءوز اپا­نىن اداسپاي تابادى. زەرت­تەۋ كەزىندە شەكارا سىزى­عىنان قاسقىر سەكىلدى جىرت­قىش اڭداردىڭ ىزدەرى دە باي­قالعان. جالپى قورىق اۋماق­­تارىندا اڭ سانى ارتىپ كەلەدى. تابيعات جاناشىر­لارى كەيىنگى كەزدە اڭدار­دىڭ مەكەنىن, سانىن جاسىرىن ساقتاۋدى ءجون كورگەن. ەسكەرتە كەتسەك, پارك, قورىق اۋماقتارىندا اڭ­شى­لىققا مۇلدەم رۇقسات جوق.

شىعىس قازاقستان وبلىسى