بۇل ەلىمىزدىڭ جوعارى وقۋ ورنىنان كەيىنگى ءبىلىم بەرۋ ۇيىمدارىندا بلوكچەين-ينجەنەريا جانە كومپلاەنس بويىنشا ءبىلىم بەرۋ باعدارلامالارىن ازىرلەۋ جانە ەنگىزۋ ءۇشىن قازاقستاندىق تاراپقا ءبىلىم بەرۋ ماتەريالدارىن ۇسىنۋ تۋرالى مەموراندۋمعا سايكەس جۇزەگە اسىرىلماق. مۇنداي مەموراندۋمعا تسيفرلىق دامۋ, يننوۆاتسيالار جانە اەروعارىش ونەركاسىبى ءمينيسترى باعدات مۋسين, عىلىم جانە جوعارى ءبىلىم ءمينيسترى ساياسات نۇربەك جانە ۇلتتىق بانكتىڭ تولەم جانە قارجىلىق تەحنولوگيالاردى دامىتۋ ورتالىعىنىڭ باسشىسى بينۋر جالەنوۆ جانە Binance Kazakhstan وكىلى جاسلان ماديەۆ قول قويعان بولاتىن.
وسىلايشا, قازاقستان جوعارى جانە جوعارى وقۋ ورنىنان كەيىنگى ءبىلىم بەرۋ ۇيىمدارىندا مەملەكەتتىك اۋقىمدا ءبىلىم بەرۋ باعدارلاماسىن ەنگىزەتىن الەمدەگى ءبىرىنشى ەل بولماق. ەلىمىزدىڭ 22 ءبىلىم بەرۋ ۇيىمى پيلوتتىق تارتىپتە 40 مىڭنان استام ستۋدەنت دايىندايدى. بلوكچەين-تەحنولوگيالار سالاسىندا ءبىلىم الىپ, داعدىلانعان جاس كاسىپقويلار بلوكچەين يندۋسترياسىنىڭ جاھاندىق قاۋىمداستىعى ءۇشىن ءىرى رەسۋرسقا اينالادى. بۇل بلوكچەين يندۋسترياسىنداعى تەڭدەسى جوق ەڭ ءىرى جاھاندىق ءبىلىم بەرۋ باستاماسىنا بالانىپ وتىر.
– ەكونوميكا ءۇشىن باسەكەگە قابىلەتتى مامانداردى دايارلاۋعا مۇددەلىمىز. سوندىقتان ءبىز IT-سالانىڭ وكىلدەرىمەن بىرلەسىپ, بۇل باعىتتا ءبىلىم بەرۋ جوبالارىن ودان ءارى دامىتۋ ءۇشىن بەرىك ىرگەتاس قۇرىپ جاتىرمىز. جەمىستى ىنتىماقتاستىقتىڭ ناتيجەسىندە, وتاندىق جوعارى ءبىلىم بەرۋ جۇيەسى ەل ەكونوميكاسىنا عانا ەمەس, جاھاندىق ەڭبەك نارىعى ءۇشىن دە بلوكچەين يندۋسترياسى سالاسىنداعى مامانداردى جەتكىزۋشى بولماق, – دەيدى عىلىم جانە جوعارى ءبىلىم ءمينيسترى ساياسات نۇربەك.
ب.ءمۋسيننىڭ پىكىرىنە قاراعاندا, Binance Academy-مەن مەموراندۋمعا قول قويۋ ءراسىمى – Binance باس ديرەكتورى چانپەن چجاونىڭ مامىرداعى ساپارى اياسىندا باستالعان سەرىكتەستىكتىڭ قيسىندى جالعاسى. وسى كەلىسىم شەڭبەرىندە كادرلاردى دايارلاۋ الەمدىك كريپتويندۋستريادا قازاقستاندىق تەحنولوگيالار ۇلەسىن ۇلعايتۋعا جانە قازاقستاندا ايماقتىق حابتى دامىتۋعا جول اشادى.
– قازاقستاننىڭ تسيفرلىق تەحنولوگيادا جەتەكشى ويىنشىعا اينالعانىن قالايمىز. ول ءۇشىن ءبىلىم دەڭگەيىن كوتەرىپ, بۇكىل ەل بويىنشا بلوكچەيندى ەنگىزۋ كەرەك. Binance بىلىمگە ەرەكشە ءمان بەرەدى جانە Binance Academy بلوكچەين يندۋسترياسىنداعى ەڭ ءىرى وقۋ ورتالىقتارىنىڭ ءبىرى بولىپ سانالادى. قازاقستانداعى مەملەكەتتىك ۇيىمدارمەن سەرىكتەستىگىمىز بارلىعىنا قولجەتىمدى ءارى ستاندارتتالعان بلوكچەين جانە كريپتوگرافيالىق ءبىلىم بەرۋ جولىنداعى ماڭىزدى قادام بولدى, – دەيدى Binance Asia ديرەكتورى گلەب كوستارەۆ.
ەسكە سالا كەتەيىك, Binance – الەمدەگى بلوكچەين-تەحنولوگيا سالاسىنداعى كوشباسشىلاردىڭ ءبىرى.
– قازاقستان تسيفرلىق تەحنولوگيالاردى دامىتۋ جانە ەنگىزۋ جولىندا بەلسەندىلىك تانىتىپ, ءوز كادرلارىن دايارلاۋعا ۇمتىلىپ جاتىر. جاڭا كەلىسىم قازاقستانعا Binance ءبىلىم بازاسىندا ءبىلىم بەرۋ باعدارلامالارىن ورتالىق ازيا وڭىرىندە ەنگىزۋگە باسىم قۇقىق بەرەدى. بۇل Astana Hub قاتىسۋشىلارى ءۇشىن ۇلكەن ارتىقشىلىق بولماق. وقىتۋ Astana Hub-تا ورنالاسقان بلوكچەين ورتالىعىنىڭ بازاسىندا وتەتىندىكتەن, ستۋدەنتتەرگە العان ءبىلىمدى تاجىريبە تۇرعىسىنان بەكىتۋگە جاقسى مۇمكىندىك تۋىپ تۇر, – دەيدى Astana Hub باس ديرەكتورى ماعجان ماديەۆ.
Binance جانە Binance Academy ءبىلىم بەرۋ بولىمشەسى بىرلەسىپ, بلوكچەين-ينجەنەريا جانە كومپلاەنسقا قاتىستى ءبىلىم بەرۋ ماتەريالدارىن بلوكچەين ورتالىعىنا بەرەدى. سونداي-اق وقىتۋشىلاردى وقىتۋ مەن ترەنينگتى ۇيىمداستىرۋدا جاردەمدەسۋدى جوسپارلاپ وتىر. باعدارلامانى ەنگىزۋ ءتورت كەزەڭنەن تۇرادى. ءبىرىنشى كەزەڭدە Binance Academy ءبىلىم بەرۋ ماتەريالدارى نەگىزىندە جوعارى وقۋ ورىندارىنىڭ وقىتۋشىلارى ءۇشىن اكادەميالىق باعدارلامالار بويىنشا وقىتۋ باعدارلامالارى ازىرلەنەدى. ەكىنشى كەزەڭدە وقىتۋشىلاردى وقىتۋ جانە ترەنينگ وتكىزۋ (بىرلەسكەن ۆەبينارلار مەن دارىستەر), ءۇشىنشى كەزەڭدە وقۋدان وتكەن وقىتۋشىلارمەن جانە جوعارى وقۋ ورىندارى باسشىلىعىمەن بىرلەسىپ, اكادەميالىق باعدارلامانى ازىرلەۋ كوزدەلگەن. باعدارلاما 4-5 پاننەن (كۋرستان) تۇرادى. ءتورتىنشى كەزەڭدە ستۋدەنتتەر ءۇشىن جوعارى وقۋ ورىندارى بازاسىندا مامانداندىرۋدى ىسكە قوسۋ قولعا الىنباق. بۇل رەتتە وقىتۋشىلاردى وقىتۋ جانە ترەنينگ وتكىزۋ 2023 جىلى اقپان ايىندا باستالىپ, مامىرعا دەيىن جالعاسادى. ستۋدەنتتەردى وقىتۋ 2023 جىلدىڭ قىركۇيەگىندە باستالماق.
