كەزدەسۋ بارىسىندا ەرلان قوشانوۆ «Amanat» قاتارىنا 800 مىڭنان استام قازاقستاندىقتى بىرىكتىرە وتىرىپ, جاڭا جاعدايدا ءوزىنىڭ كوشباسشىلىعىن ساقتاپ قالعانىن اتاپ ءوتتى.
«بۇل شەشىمدى ارقايسىڭىز ويلانىپ, تولعانىپ, جۇرەكتەن وتكىزىپ بارىپ قابىلدادى دەپ ويلايمىن. ويتكەنى بۇل – ۇلكەن سەنىم ءارى زور جاۋاپكەرشىلىك. ءبىزدىڭ مۇددەمىز ءبىر, ماقساتىمىز ءبىر. ول – ەلدەگى تۇراقتىلىقتى ساقتاۋ, تاۋەلسىزدىگىمىزدى نىعايتۋ, ۇلتتى بىرىكتىرۋ. قوعامدى مەملەكەت باسشىسىنىڭ توڭىرەگىنە توپتاستىرۋ. بۇل جولدا ءبارىمىز ءبىر كىسىدەي جۇمىلۋىمىز كەرەك», – دەدى ەرلان قوشانوۆ.
سونداي-اق «Amanat» توراعاسى بيىل پارتيا اۋقىمدى جاڭعىرتۋدان وتكەنىن اتاپ ءوتتى. اتاپ ايتقاندا, پارتيانىڭ جاڭا ساياسي تۇعىرناماسى بەكىتىلدى, وندا مەملەكەتتىڭ باستى بايلىعى ادام ەكەندىگى ناقتى كورسەتىلگەن. بەلسەندى ازاماتتىق ۇستانىمدى قالىپتاستىرۋعا, الەۋمەتتىك ادىلەتتىلىكتى قامتاماسىز ەتۋگە, بارلىق ازامات ءۇشىن تەڭ مۇمكىندىك جاساۋعا, جاسامپاز ەڭبەك يدەياسىن ىلگەرىلەتۋگە باعىتتالعان جانە ت.ب. بىرقاتار پارتيالىق جوبا مەن باستاما ىسكە اسىرىلۋدا.
بۇگىن پارتيا قاتارىنا وسى جىلدىڭ مامىر ايىندا تەرەزەدەن قۇلايىن دەپ تۇرعان 3 جاسار بالانى امان الىپ قالعان ءسابيت شونتاقباەۆ پەن شىلدە ايىندا جانىپ جاتقان عيماراتتىڭ توبەسىنەن مەملەكەتتىك ەلتاڭبا مەن تۋدى الىپ شىققان مۇحامەد قانسەيىت قوسىلدى.
سونىمەن قاتار «Amanat»-قا قابىلدانعانداردىڭ قاتارىندا ۆولونتەر اريانا بەلوبجيتسكايا, «Sensitive» ەستىمەيتىن بيشىلەر تەاترىنىڭ ءارتىسى اينۇر ساينوۆا, ءانشى قانات ۇمبەتوۆ, مەتاللۋرگ نيكيتا ەكەل, كازگيۋ ۋنيۆەرسيتەتى باسقارما توراعاسىنىڭ ورىنباسارى اينۇر كارىبوزوۆا, پروديۋسەر ايساۋلە ءابىلدا, ءانشى قاراقات ءابىلدينا جانە مۋزىكالىق پروديۋسەر قىدىرالى بولمانوۆ, جۋرناليستەر دارحان ءابدىۋاحيت, مەيرامگۇل ءمادالى بار.
سونداي-اق پارتياعا حيرۋرگ ولجاس جانالى, مۇعالىم جادىرا شابدەن, اكتريسا داريعا بادىقوۆا, قوعام قايراتكەرى بيبىگۇل نۇراشەۆا, شارۋا قوجالىعىنىڭ باسشىسى قايرات قوجاحمەتوۆ, اكتەرلەر بولات ءابدىلمانوۆ پەن دۋلىعا اقمولدا, ەۋروپالىق قۇقىق جانە ادام قۇقىقتارى ساراپتامالىق ينستيتۋتىنىڭ ديرەكتورى مارات ءباشىموۆ, «جەر اماناتى» كوميسسياسى توراعاسىنىڭ ورىنباسارى, زاڭگەر باقىتجان بازاربەك جانە باسقالار كىردى.
مۋزىكالىق پروديۋسەر قىدىرالى بولمانوۆ اتاپ وتكەندەي, ادىلەتتى قازاقستاندى قۇرۋ جولىندا ەلىمىزدىڭ بارلىق ازاماتى بىرىگۋگە ءتيىس.
ء«بىزدىڭ ماقساتىمىز ءبىر – ول كوك بايراعىمىزدى بيىكتە جەلبىرەتىپ, تاۋەلسىزدىگىمىزدى تۇعىرلى ەتۋ. ءبىزدىڭ وتانىمىز ءبىر, تۋىمىز ءبىر, يدەولوگيامىز بەن مادەنيەتىمىز ورتاق. سوندىقتان ەلىمىزدىڭ ەڭسەسى بۇدان دا بيىك بولۋى ءۇشىن جيناعان تاجىريبەمىزدىڭ ءبارىن ۇسىنا وتىرىپ, جانىمىزدى سالىپ جۇمىس ىستەۋىمىز قاجەت», – دەدى ول.
«انا مەن بالا» قايىرىمدىلىق مەكەمەسىنىڭ ديرەكتورى ءاليا ساتباەۆا دا ءوز ويىن ورتاعا سالدى.
«مەن الماتى وبلىسىنداعى ەلتاي دەگەن شاعىن اۋىلىنان كەلىپ وتىرمىن. جولداسىم ەكەۋمىز ۆولونتەرلىكپەن بەلسەندى اينالىسامىز. ءبىزدى ءبىرىنشى بولىپ «Amanat» پارتياسى قولدادى. بۇل – ءبىز ءۇشىن ۇلكەن جەتىستىك. پارتيانىڭ ارقاسىندا اپتا سايىن جۇزدەگەن مۇقتاج ادامعا كومەك بەرىپ جاتىرمىز», – دەدى ول.
ايتا كەتەيىك, «Amanat»-تىڭ بارلىق وڭىرلىك فيليالىندا پارتيا بيلەتىن 1500-دەن استام ادام الدى. جالپى جىل باسىنان بەرى 29 مىڭنان استام قازاقستاندىق پارتيا قاتارىن تولىقتىردى.
