ىلكىمدى شاراعا استانا قالاسىنىڭ دەنەشىنىقتىرۋ جانە سپورت باسقارماسىنىڭ باسشىسى سامات جىلقىباەۆ, سپورت جانە دەنەشىنىقتىرۋ ىستەرى كوميتەتىنىڭ باسقارما باسشىسى مۇحامەدجان بەكنازاروۆ, پارلامەنت ءماجىلىسىنىڭ دەپۋتاتى ماقپال تاجماعانبەتوۆا, استانا قالاسىنىڭ جانە ازىرەت سۇلتان مەشىتىنىڭ باس يمامى ەربولات نۇرىلدا ۇلى, دەنە مۇمكىندىگى شەكتەۋلى تۇلعالارعا ارنالعان سپورتتىق دايارلاۋ ورتالىعىنىڭ ورىنباسارى ءادىلحان ومىرزاقوۆ, بەلگىلى ايتىسكەر اقىن بالعىنبەك يماشەۆ جانە «كوزىمنىڭ قاراسى» مۇگەدەكتەر قوعامدىق بىرلەستىگىنىڭ توراعاسى ءجۇزباي سەرىك ۇلى قاتىسىپ, سپورتشىلارعا ساتتىلىك تىلەدى.
اشىق بىرىنشىلىكتە استانا قالاسىنىڭ دەنەشىنىقتىرۋ جانە سپورت باسقارماسىنىڭ باسشىسى سامات ءسابيت ۇلى العى ءسوز الىپ, قۇتتىقتاۋ تىلەگىن ءبىلدىردى. «بۇگىنگى جارىسىمىز الدا كەلە جاتقان ۇلتتىق مەرەكە تاۋەلسىزدىك كۇنىنە ورايلاستىرىلدى. «Showdown» ۇستەل تەننيسى ەلوردادا العاش رەت وتكىزىلىپ وتىر. ەندى استانالىق زاعيپ جاندار ەلىمىزدە ەندى عانا دامۋ قارقىنىن العان «Showdown» ويىنىن يگەرىپ, رەسپۋبليكالىق, حالىقارالىق جارىستاردا توپ جارادى دەگەن سەنىمدەمىن», دەي كەلە مۇمكىندىگى شەكتەۋلى جاندار اراسىنداعى «Showdown» ۇستەل تەننيسىنىڭ ءى قالالىق اشىق چەمپيوناتىن اشىق دەپ جاريالادى.
ال «كوزىمنىڭ قاراسى» مۇگەدەكتەر قوعامدىق بىرلەستىگىنىڭ توراعاسى ءجۇزباي سەرىك ۇلى شەت مەملەكەتتەردەن وسى ويىندى زەرتتەپ, قازاقستانعا اكەلسەم دەگەن ويىنىڭ جۇزەگە اسقانىنا قۋانىپ, الداعى ۋاقىتتا 19-شى دۇنيەجۇزىلىك زاعيپ جاندار كۇنىنە وراي رەسپۋبليكالىق تۋرنير وتكىزۋ جوسپارىمەن ءبولىستى. مامانداردىڭ ايتۋىنشا, كانادا, گەرمانيا, بولگاريا سياقتى شەت مەملەكەتتەردە جاقسى دامىعان بۇل سپورت ءتۇرى كوز جانارىنان ايىرىلعان زاعيپ جانداردىڭ دەنساۋلىعىنا وتە پايدالى. ياعني ەستۋ قابىلەتىمەن قول-اياق قوزعالىسى جۇمىستارىن جاقسارتادى.
الەمدىك دەڭگەيدەگى جارىستارعا قاتىسۋ ءۇشىن وتاندىق قۇراما كوماندا جاساقتاۋ ماقساتىندا ۇيىمداستىرىلعان چەمپيوناتتىڭ جەڭىمپازدارى ارنايى ديپلومدارمەن, مەدالدارمەن, سىيلىقتار جانە كۋبوكتارمەن ماراپاتتالدى. سونداي-اق بارشا قاتىسۋشىلارعا دەمەۋشىلەر تاراپىنان قارجىلاي سىي-قۇرمەت كورسەتىلدى.
ايتا كەتەيىك, شاراپاتى مول شارانى ۇيىمداستىرۋشىلار استانادا ءبىرىنشى رەت وتكىزىلگەن جارىستى الداعى ۋاقىتتا ەلىمىزدىڭ باسقا دا وڭىرلەرىندە ىرىكتەۋ كەزەڭىن وتكىزىپ, رەسپۋبليكالىق تۋرنير وتكىزۋدى جوسپارلاپ وتىر.
