تاركىلەنگەن قارۋلاردىڭ ىشىندە اك-47 اۆتوماتى, ماكاروۆ تاپانشاسى, توز ەكى تەگىس ۇڭعىلى مىلتىق, يج, توز, موسسبەرگ ماركالى 7 ءبىر تەگىس ۇڭعىلى مىلتىق, گاز-تراۆماتيكالىق, گاز جانە تراۆماتيكالىق تاپانشالار, سونداي-اق پم-گە ارنالعان ءۇش وقجاتار جانە 345 پاترون بار. پوليتسيا قىزمەتكەرلەرى جامبىل وبلىسى ۇقكد جەدەل توبىمەن بىرلەسىپ تاراز قالاسىنىڭ شەتىندە بەتون پليتانىڭ استىنان زاۋىتتىق نومىرلەرى مەحانيكالىق وشىرiلگەن اك-47 اۆتوماتى, 9 مم كاليبرلى پاترونى بار بايكال تراۆماتيكالىق تاپانشاسى, 7,62 مم كاليبرلى 20 پاترون تابىلىپ, تاركىلەندى.
سونىمەن قاتار 13 جەلتوقساندا بايزاق اۋدانىنداعى تالاس وزەنى كوپىرىنىڭ استىنان سكوتچپەن ورالعان گازەت بۋماسى تابىلدى. ونىڭ ىشىندە ەكى وقجاتار جانە بەس پاترونى بار 9 مم كاليبرلى ماكاروۆ تاپانشاسى تابىلدى.
سول كۇنى مويىنقۇم اۋدانى قىلىشباي اۋىلىنىڭ شەتىندە ورنالاسقان شارۋا قوجالىعىندا 38 جاستاعى مالشىدان 12 مم كاليبرلى يج-18 ءبىر تەگىس ۇڭعىلى اڭشىلىق مىلتىق تابىلىپ, تاركىلەندى.
بارلىق قارۋلارعا سوت-بالليستيكالىق ساراپتاما تاعايىندالدى. جامبىل وبلىسىنىڭ پوليتسيا دەپارتامەنتى قارۋدىڭ, وق-دارىلەردىڭ, ارنايى قۇرالداردىڭ ورنالاسقان جەرى تۋرالى حابارلاعان نەمەسە ونى پوليتسياعا ءوز ەركىمەن تاپسىرعان ادام, ەگەر باسقا قۇقىق بۇزۋشىلىقتارعا قاتىسى بولماسا, قىلمىستىق جانە اكىمشىلىك جاۋاپكەرشىلىككە تارتىلمايتىنىن ەسكە سالادى. انونيمدىلىككە كەپىلدىك بەرىلەدى.
