مەملەكەت باسشىسى قاسىم-جومارت توقاەۆ ۇكىمەت پەن باس پروكۋراتۋراعا پايدالانىلماي جاتقان اۋىل شارۋاشىلىعى جەرلەرىن مەملەكەتكە قايتارۋدى تاپسىرعان بولاتىن.
بۇگىندە ەلىمىزدە پايدالانىلماي جاتقان 5 ملن گا جەر مەملەكەت مەنشىگىنە قايتارىلدى. ونىڭ 3 ملن گا-دان استامى – «Amanat» پارتياسى جانىنان قۇرىلعان «جەر اماناتى» قوعامدىق كوميسسياسىنىڭ ارالاسۋىمەن قايتارىلىپ وتىر. القا وتىرىسىندا پارتيانىڭ اتقارۋشى حاتشىسى جەر سالاسىنداعى زاڭدىلىقتى جەتىلدىرۋ جونىندە بىرقاتار باستاما كوتەردى.
ء«بىز جەر ماسەلەسىندە جاڭا وليگوپولياعا جول بەرمەۋىمىز قاجەت. «Amanat» پارتياسى بۇل ءىستىڭ اتقارىلۋىنا قوعامدىق باقىلاۋدى كۇشەيتەدى. مەملەكەت مەنشىگىنە قايتارىلعان جەردىڭ حالىققا ءادىل بولىنۋىنە قاتاڭ باقىلاۋ جۇرگىزۋ كەرەك. ەڭ الدىمەن اۋىلدىڭ اينالاسىنداعى جەرلەردى حالىققا قايتارىپ بەرۋ قاجەت. اۋىل توڭىرەگى ءاۋ باستان مال جايىلاتىن جەر سانالادى. سوندىقتان اۋىل ازاماتتارى بۇل جەردى ورتاق پايدالانۋعا ءتيىس», دەدى اسحات ورالوۆ.
سونداي-اق اتقارۋشى حاتشى اۋىل اينالاسىنداعى 5-10 شاقىرىم راديۋستاعى جەردى سول اۋىلدا تۇرمايتىن ازاماتتاردىڭ مەنشىگىنە بەرۋگە زاڭ جۇزىندە تىيىم سالۋ قاجەت ەكەنىن اتاپ ءوتتى. «جەر اماناتى» كوميسسياسى مەملەكەت مەنشىگىنە قايتارىلعان جەر ۋچاسكەلەرىنىڭ تىزبەسىن كورسەتەتىن ينتەراكتيۆتى كارتا ازىرلەپ جاتقانىن جەتكىزدى.
القا وتىرىسىندا باس پروكۋرور بەرىك اسىلوۆ بيىل قوعامدىق جايىلىمداردىڭ تاپشىلىعى 29 ملن گا-دان 8 ملن گا-عا دەيىن قىسقارتىلعانىن اتاپ ءوتتى. سولتۇستىك قازاقستان, اقمولا جانە الماتى وبلىستارىندا 11 مىڭ ۇلەسكەرگە 500 مىڭ گا-دان استام جەر قايتارىلدى. تەكسەرىس كەزىندە وليگوپوليالاردىڭ قولدانۋىنداعى ەڭ جاقسى جانە قۇنارلى اۋىلشارۋاشىلىق جەرلەرىن, جايىلىمدار مەن كوممەرتسيالىق ۋچاسكەلەردى انىقتالدى.
سونداي-اق باس پروكۋرور ۋاكىلەتتى ورگانداردىڭ جايىلىم جەرلەرىن وڭ باسقارۋدىڭ, ءىرى جەر تەلىمدەردىڭ ءبىر قولعا شوعىرلانۋىنا جول بەرمەۋ جانە ۇلەستىك جەرلەرگە باقىلاۋدى كۇشەيتۋدىڭ ماڭىزدىلىعىنا نازار اۋداردى.
