جامبىلدا جەل ەلەكتر ستانساسى سالىنادى

جالپى، سوڭعى ۋاقىتتا وڭىر­دە جەلدەن جانە كۇننەن ەلەكتر ەنەرگياسىن ءوندىرۋ باعىتىندا كوپ­تەگەن جۇمىس جۇيەلى تۇردە اتقارىلىپ جاتقانى بەلگىلى. ماسەلەن، بۇگىنگە دەيىن وڭىردەگى 18 ەلەكتر ءوندىرۋ ستانساسىنان جىلدىق قۋاتى 437،8 مۆت قۇراي­تىن ەلەكتر ەنەرگياسى وندىرى­لۋدە. بۇل كورسەتكىش بويىنشا جام­بىل وبلىسى ەلىمىزدە كوش باس­ىن­دا تۇرعانىن ايتا كەتكەن ءجون. ال­داعى ۋاقىتتا دا وسى با­­عىت­­تاعى جۇمىستار جاندانا تۇسپەك.

«جامبىل وبلىسىندا جالپى قۋاتى 1 گۆت بولاتىن جەل ەلەكتر ستانساسى سالىنادى. بۇل جۇمىستىڭ جۇيەلى تۇردە ىسكە اسۋىنا «سامۇرىق-قازى­نا»، «قازمۇنايگاز» جانە فرانتسيا­نىڭ «Total Eren» كومپانيالارى مۇد­دەلى. قىسقاسى، ەلىمىزدەگى الپاۋىت ستانسانىڭ ءبىزدىڭ وڭىردە بوي كوتەرەتىنى كوڭىل قۋانتادى. فران­تسيا ەلىنە رەسمي ساپارمەن بارعان قازاقستان پرەزيدەنتى قاسىم-جومارت توقاەۆتىڭ قاتى­سۋى­مەن وتكەن ءىس-شارادا ەلىمىز­دىڭ ەنەرگەتيكا مينيسترلىگى مەن فران­تسيانىڭ ەۋروپا جانە سىرت­قى ىستەر مينيسترلىگى اراسىندا وسى باعىتتاعى ۇكىمەتارالىق كەلى­سىمگە قول قويىلدى. ەندى ناقتى جۇ­مىستار قولعا الىناتىن ۋا­قىت الىس ەمەس. ءبىز تىلگە تيەك ەتىپ وتىرعان جەل ەلەكتر ستانساسى شامامەن 2026-2027 جىلدارى پايدالانۋعا بەرىلەتىن بولادى. سوڭعى دەرەكتەرگە زەر سالساق، اتالعان نىسان ەلىمىزدەگى جالپى ەنەرگيا ءوندىرىسىنىڭ 50 پايىزىن قامتيدى ەكەن. بۇل، ارينە، ۇلكەن جەتىستىك ەكەنى تالاس تۋدىرمايدى. سوندىقتان دا وسى باعىتتاعى جۇمىستى ءارى قاراي جالعاستىرا بەرۋگە نيەتتىمىز»، دەدى ءوڭىر باسشىسى ن.نۇرجىگىتوۆ.

جامبىل وبلىسى