«بيىل ەلىمىزدە اسا ماڭىزدى وزگەرىستەر بولدى. اۋقىمدى كونستيتۋتسيالىق رەفورما جۇزەگە اسىرىلدى. پرەزيدەنت سايلاۋى ءوتتى. ەلدى جان-جاقتى جاڭعىرتۋعا باعىتتالعان باستامالارىمىزعا قازاقستان حالقى قولداۋ ءبىلدىردى. ەندى سايلاۋ قارساڭىندا جاريا ەتىلگەن ستراتەگيانى ورىنداۋ ءۇشىن بار كۇش-جىگەرىمىزدى جۇمىلدىرۋىمىز كەرەك. بۇل – ەڭ باستى مىندەت. مەنىڭ سايلاۋ الدىنداعى باعدارلامامدا ەلىمىزدىڭ جاڭا باعدارى ايقىندالدى. ءبىز ازاماتتاردىڭ تابىسىن ارتتىرىپ, ءومىر ساپاسىن جاقسارتۋعا باسا نازار اۋداراتىن بولامىز. ماقساتىمىز – ايقىن, مىندەتتەر – بەلگىلى. ەندى بىلەك سىبانا جۇمىس ىستەۋ كەرەك», دەدى پرەزيدەنت.
مەملەكەت باسشىسى وسى ورايدا بىرنەشە باعىتتارعا ەرەكشە ءمان بەرۋ قاجەت ەكەنىن ايتتى.
