الان – الەم چەمپيونى!

جەرورتا تەڭىزى جاعالاۋىندا جالاۋى جەلبىرەگەن جارىسقا الان قۇرمانعاليەۆ پەن حانا گودانىڭ وتە جاقسى دايارلىقپەن كەلگەنى بىردەن بايقالدى. ەكەۋى دە ءبىراز جىلدان بەرى ءوز ەلدەرىنىڭ ۇلتتىق قۇراما كومانداسى ساپىندا ونەر كورسەتىپ ءجۇر. ماسەلەن، الان بيىل لاوستا وتكەن ازيا بىرىنشىلىگىندە قولا مەدال ەنشىلەدى. بۇل – قازاقستاننىڭ وسىنداي دەڭگەيدەگى جارىستاعى العاشقى جۇلدەسى. 14 جاستاعى حانا دا افريكا قۇرلىعىنداعى ەڭ ۇزدىك جاس ويىنشىلار ساناتىنا ەركىن ەنىپ وتىر. بۇل سپورتشىلاردىڭ باسقا دا اسا ءىرى حالىقارالىق تۋرنيردە ەلەۋلى تابىستارعا قول جەتكىزىپ جۇرگەنىن جانكۇيەرلەر جاقسى بىلەدى. تۋنيستە قۇرمانعاليەۆ پەن گودا جۇبى بارلىق قارسىلاسىن سىپىرا ۇتىپ، فينالدا پيرەنەي تۇبەگىنەن كەلگەن تياگو ابيودانا مەن ماريا بەرزوستان باسىم ءتۇستى.

– بۇل – قازاقستان ۇستەل تەننيسى ءۇشىن تاريحي ءسات! بۇعان دەيىن وسى سپورت ءتۇرىن سەرىك ەتكەن ەشبىر جەرلەسىمىز ءدال وسىنداي زور تابىسقا قول جەتكىزگەن جوق ەدى. الان ءوزىنىڭ ەڭبەكقورلىعى مەن تاباندىلىعىنىڭ ارقاسىندا بۇگىنگىدەي دارەجەگە جەتتى. ول جىل باسىنان بەرى ناتيجەلى ونەر كورسەتىپ، ءتۇرلى حالىقارالىق جارىستا بارلىعى 19 مەدال جەڭىپ الدى. مىنە، ەندى الەم چەمپيونى اتانىپ وتىر. وسىلايشا، قازاقستان بۇل ونەردە جاڭا دەڭگەيگە كوتەرىلدى. ءسوز ورايى كەلگەندە، وسىنداي مىقتى سپورتشىنى تاربيەلەگەن جەكە جاتتىقتىرۋشىسى ەلميرا اليەۆاعا زور ريزاشىلىعىمدى بىلدىرەمىن. ال الاننىڭ ءوزىن وسى جارقىن جەڭىسىمەن قۇتتتىقتايمىن، – دەيدى رەسپۋبليكالىق ۇستەل تەننيسى فەدەراتسياسىنىڭ پرەزيدەنتى دانيار ابىلعازين.