كوروناۆيرۋس • 08 جەلتوقسان، 2022

قايتا كۇشەيگەن كوروناۆيرۋس

34 رەت كورسەتىلدى

ەلدىڭ ەسىن العان كوروناۆيرۋس ينفەكياسى قازىر حالىق اراسىندا كوپ ايتىلماسا دا، مۋتاتسيالانعان ۆيرۋستىڭ جاڭا تۇرلەرىنە ناقتى توسقاۋىل تابىلماي تۇر. ال ەپيدەميولوگ دارىگەرلەر ۆيرۋستىڭ تاراۋىنا جول بەرمەۋدىڭ جالعىز امالى قوعامدىق يممۋنيتەت قالىپتاستىرۋ ەكەنىن بۇعان دەيىن دە تالاي مارتە ايتقان.

قازىر استانا قالاسىندا كوروناۆيرۋس ينفەكتسياسى بويىنشا ەپيدەميالوگيالىق جاعدايدى تۇراقتى دەپ اي­تۋ­عا كەلمەيدى. سەبەبى 24 قا­زان­نان بۇگىنگە دەيىن ۆيرۋس جۇقتىرعانداردىڭ سانى تاۋلىگىنە 61-دەن 69-عا دەيىن جەتتى. ۆيرۋستىڭ تارالۋ جيىلىگى جەلتوقسان ايىندا 4،6 پايىزعا ارتىپ، سىرقاتتانعانداردىڭ سانى 70-تەن 322 جاعدايعا دەيىن وسكەن. سوڭعى اپتادا، ياعني 29 قاراشادان 7 جەلتوق­سانعا دەيىن كوروناۆيرۋس ين­فەكتسياسىنىڭ 432 جاعدايى تىركەلگەن. بۇل كوروناۆيرۋس جۇقتىرعانداردىڭ سانى الدىڭعى اپتامەن سالىستىر­عاندا 1،8 ەسە وسكە­نىن كورسەتەدى. ال وتكەن تاۋلىكتە كوروناۆيرۋس ينفەكتسياسىن جۇقتىرعانى العاشقى زەرتحانادا راستالعان 67 جاعداي تىركەلىپتى. سوعان قاراماستان، استانا قالاسى ەپي­دەميولوگيالىق جاعداي بويىنشا جاسىل ايماقتا قالا بەرمەك. سوندىقتان ەلور­دا­نىڭ سانيتارلىق-ەپي­دە­ميو­لو­گيالىق باقىلاۋ دەپار­تامەنتى باسشىسىنىڭ ورىنبا­سارى جاننا پراليەۆا كورو­ناۆيرۋستىڭ الدىن الۋ ءۇشىن تۇرعىنداردى سانيتارلىق تالاپتاردى ساقتاپ، ۆاكتسينا الۋعا شاقىرۋدا.

«وميكرون» شتامى­نان ۆيرۋستىڭ «تسەر­بەر» دەگەن ءتۇرى شىقتى. كوروناۆي­رۋس ينفەكتسياسىنىڭ «تسەربەر» شتامىنان ۆيرۋس جۇقتىر­عانداردىڭ سانى ارتۋى مۇم­كىن. مامانداردىڭ ايتۋىن­شا، «تسەربەر» تەز تارايدى. ۆيرۋستىڭ مۋتاتسياعا ۇشى­را­عان جاڭا ءتۇرىنىڭ سيمپ­تو­­مى ءجىتى رەسپي­راتورلىق ۆيرۋس­تىق ينفەكتسياعا، ياعني تۇماۋعا ۇقساس. دەنە قىزۋى كوتەرىلىپ، بۋىن اۋىرۋى مۇم­كىن. سونداي-اق السىزدىك بايقا­لادى. سوعان قاراماستان، ماماندار تسەربەردەن ادام ومىرىنە ايتارلىقتاي قاۋىپ جوق ەكەنىن ايتادى. كەيىنگى 48 اپتاداعى ەپيدەميولوگيالىق جاعداي بويىنشا قالادا ءجىتى رەسپيراتورلىق ۆيرۋستىق ينفەكتسيانىڭ 6 648 جاعدايى تىركەلگەن. كوروناۆيرۋس ينفەكتسياسى مەن تۇماۋدىڭ ورشۋىنە بايلانىستى تۇرعىندارعا ۆاكتسينا الىپ، تۇرعىلىقتى مەكەنجاي بويىنشا ەمحانالارعا جۇگىنۋگە كەڭەس بەرەمىن. سەبەبى ۆيرۋستىڭ الدىن الۋدىڭ ەڭ ءتيىمدى ءادىسى – ۆاكتسينالاۋ. كوروناۆيرۋس ينفەكتسياسىنىڭ توقتاپ، مۋتاتسيالانباۋىنا قوعامدىق يممۋنيتەت قارسى تۇرا الادى»، دەيدى ج.پراليەۆا.

استانا قالاسى قوعامدىق دەنساۋلىق ساقتاۋ باسقارماسى باسشىسىنىڭ ورىنباسارى بەرىك قايكەنوۆ تە ۆاكتسينا العان تۇرعىندار سىرقاتتانعان كۇننىڭ وزىندە ۆيرۋستىڭ بەلگىلەرى جەڭىل وتەتىنىن ايتادى.

– قازىر استانا قالاسىندا 6 ينفەكتسيالىق ستاتسيونار جابدىقتالعان. وندا 184 توسەكتىك ورىن بار. قازىر ينفەكتسيالىق ستاتسيونارلاردا 105 ادام ەم الىپ جاتىر. ولاردىڭ ىشىندە 85 ادامنىڭ كوروناۆيرۋس ينفەكتسياسىن جۇقتىرعانى بەلگىلى بولسا، 20-سى پنەۆمونيامەن تۇسكەن. رەانيماتسيادا 7 ناۋقاس ەم الۋدا. ۆاكتسينالاۋ مەن رەۆاكتسينالاۋدى ۋاقتىلى العان ادام ءوزىن ۆيرۋستان 90 پايىزعا دەيىن قورعايدى. ناق قازىر ەلوردادا 12 مىڭ ۆاكتسينا بار (QazVac، Sinopharm، Pfizer). وزدەرىڭىز بىلەتىندەي، وسىعان دەيىن پاندەميا سالدارى سىرقاتتى ەمدەۋدەن بۇرىن الدىن الۋ شارالارى تيىمدىرەك ەكەنىن كورسەتتى. ال ۆيرۋستى الدىن الۋدىڭ بىردەن-ءبىر جولى – ۆاكتسينالاۋ، – دەيدى ول.

ماماندار ۆيرۋس جۇقتىر­عان­داردىڭ دەرەگىن تالداپ، سىرقاتتانعانداردىڭ باسىم كوپشىلىگى ۆاكتسينا سالدىر­ماعانىن انىقتاعان. سوندىقتان ەپيدەميولوگ دارى­گەرلەر قالا تۇرعىندارىن ۆاكتسينا الىپ، سانيتارلىق ەرەجەنى ساقتاۋعا شاقىرۋدا.

سوڭعى جاڭالىقتار

جسدپ ۇمىتكەرلەرىن انىقتادى

ساياسات • بۇگىن، 00:08

ۇلت ءۇمىتىن اقتاعان

رۋحانيات • كەشە

يكەمدى باعام رەجىمى

قارجى • كەشە

ابە

ادەبيەت • كەشە

Enbek.kz ءبارىن جەڭبەك

قوعام • كەشە

«حات قورجىن»

ەگەمەن قازاقستان • كەشە

ابىگەرگە تۇسىرگەن تولاسسىز جاۋىن

توتەنشە جاعداي • كەشە

باۋكەڭنىڭ كوپ قىرى

ادەبيەت • كەشە

ۇقساس جاڭالىقتار