استانا قالاسى پروكۋراتۋراسىنىڭ كەلىسۋىمەن وتكىزىلگەن كەشەندى جەدەل-ىزدەستىرۋ ءىس-شارالارىنان كەيىن استانا قالاسى ەسىرتكى قىلمىسىنا قارسى كۇرەس دەپارتامەنتىنىڭ قىزمەتكەرلەرى ويىن-ساۋىق ورتالىقتارىندا ەسىرتكى ساتۋمەن اينالىسقان جاس جىگىتتى ۇستادى. ودان ءارى تەرگەۋ ارەكەتتەرى ۇستالعان ازاماتتىڭ تۇرعىلىقتى جەرىندە جالعاستى.
«ۇستالعان ازاماتتىڭ پاتەرىن ءتىنتۋ بارىسىندا سينتەتيكالىق توپتاعى كاننابيس جانە ەسىرتكى زاتتارى تاركىلەندى. بۇل جاقىن ارادا ساتۋعا ارنالعان ەسىرتكىنىڭ 20 رەتتىك دوزاسى بولىپ شىقتى», دەيدى ەلوردالىق دەپارتامەنتتىڭ باسشىسى.
جەدەل-ىزدەستىرۋ شارالارى كەزىندە بارلىعى 4 گراممعا جۋىق مەفەدرون مەن 11 گرامم گاشيش تاركىلەندى.
ەسىرتكىلەردى اسا ءىرى كولەمدە ساتۋ فاكتىسى بويىنشا سوتقا دەيىنگى تەرگەۋ امالدارى جۇرگىزىلۋدە. كۇدىكتىنىڭ مۇلكى تاركىلەنىپ, 10 جىلدان 15 جىلعا دەيىن باس بوستاندىعىنان ايىرىلۋى مۇمكىن. ۇستالعان ازامات استانا قالاسى ءىىد ۋاقىتشا ۇستاۋ يزولياتورىنا قامالدى.
