شارتتارعا قول قويدى

قازاقستان رەس­پۋب­لي­كاسىنىڭ پرەمەر-مي­نيسترى كارىم ءماسىموۆ باس­تاعان قازاقستاندىق دەلەگا­تسيانىڭ ۆەنگرياعا رەسمي ساپارى بارىسىندا قازاقستان رەس­پۋبليكاسىنىڭ باس پرو­كۋرورى اسحات داۋىلباەۆ ۆەن­گريانىڭ مەملەكەتتىك ادىلەت ءمينيسترى روبەرت رەپاشيمەن جانە ۆەن­گريا­نىڭ باس پروكۋرورى پەتەر پولتپەن كەزدەستى. تاراپتار ەكى ەلدىڭ قۇقىق قورعاۋ ورگاندارىنىڭ ارا­سىن­داعى ءوزارا ارەكەت كوپجاقتى جانە ەكىجاقتى تۇردە دە جەمىستى جۇزەگە اسىرىلىپ وتىرعاندىعىن قاناعاتتانۋشىلىقپەن اتاپ ءوتتى. وسى ساپار بارىسىندا قا­زاق­ستاننىڭ باس پروكۋرورى مەن ۆەنگريانىڭ مەملەكەتتىك ادىلەت ءمينيسترى ەكى ەلدىڭ قىل­مىستىلىقپەن كۇرەس, زاڭدى­لىق پەن قۇقىقتىق ءتارتىپتى قام­تاماسىز ەتۋ ىسىندەگى ىنتى­ماق­تاستىقتى نىعايتۋعا باعىتتال­عان قازاقستان رەسپۋبليكاسى مەن ۆەنگريا اراسىنداعى قىل­مىس­كەرلەردى ۇستاپ بەرۋ جانە سوت­تالعان ادامداردى بەرۋ تۋرالى شارتتارعا قول قويدى. ا.داۋىلباەۆ ەۋروپالىق ەلدەر­مەن مۇنداي شارتتاردى جاساسۋ ەۋروپالىق مەملەكەتتەر تا­راپىنان قازاقستاننىڭ قۇقىق­تىق جۇيەسىنە دەگەن سەنى­مى­نىڭ ارتۋىنىڭ, ءبىزدىڭ مەملە­كە­تىمىزدەگى ادامنىڭ قۇقىعى مەن بوستاندىعىن قورعاۋداعى كەپىلدەمەنى قامتاماسىز ەتۋدىڭ جالپىعا بىردەي حالىقارالىق ستاندارتىنا جاۋاپ بەرەتىن تە­تىكتەردىڭ قۇرىلۋىنىڭ دالە­لى ەكەندىگىن ەرەكشە اتاپ ءوتتى, دەپ حابارلادى باس پروكۋ­را­تۋرانىڭ ءباسپاسوز قىزمەتى.