تابيعات قورعاۋ اكتسياسى وتۋدە

5 ماۋسىمدا وتەتىن دۇنيەجۇزىلىك قورشاعان ورتانى قورعاۋ كۇنى قوعام نازارىن ەكولوگيالىق پروبلەمالارعا اۋدارۋعا, تابيعي رەسۋرستاردى ءتيىمدى پايدالانۋعا ۇندەيدى. بۇل كۇن ەكولوگيالىق كۇنتىزبەدە الەمنىڭ 100-دەن اسا ەلىندە مەرەكەلەنەتىن ەڭ ماڭىزدى وقيعالاردىڭ ءبىرى بولىپ تابىلادى. قورشاعان ورتانى قورعاۋ ءجا­نە سۋ رەسۋرستارى مينيسترلىگى با­لىق شارۋاشىلىعى كوميتەتىنىڭ بۇي­رىعىنا سايكەس 2014 جىلدىڭ 1 مامىرى مەن 5 ماۋسىم ارالى­عىندا قورشاعان ورتانى قورعاۋ حا­لىقارالىق كۇنىن مەرەكەلەۋ قار­ساڭىندا رەسپۋبليكالىق دەڭگەيدە «تازا سۋ ايدىندارى» تابيعات قور­عاۋ اكتسياسى وتكىزىلۋدە. اكتسيا شەڭبەرىندە تابيعي رەسۋرستار مەن قۇندىلىقتاردى مولايتۋ جانە ساقتاۋ ماقساتىندا قا­زاقستان رەسپۋبليكاسى قورشاعان ورتانى قورعاۋ جانە سۋ رەسۋرستارى مينيسترلىگى بالىق شارۋاشىلىعى كوميتەتىنىڭ وبلىسارالىق باس­سەيندىك بالىق شارۋاشىلىعى ينس­پەكتسيالارى ۇيىمداستىرۋىمەن رەسپۋبليكامىزدىڭ ءار ايما­عىن­داعى سۋ ايدىندارى جانە جاعا­لاۋ ايماقتارى تۇرمىستىق قال­دىقتاردان, ءپولياميدتى مونو­جىپتەردەن جاسالعان بالىق اۋلاۋ اۋلارىنان تازارتىلدى. اتالمىش اكتسياعا جانۋارلار دۇنيەسىن پايدالانۋشىلار, «نۇر وتان» پارتياسىنىڭ وكىل­دەرى, تابيعات قورعاۋ پوليتسياسى, جەرگىلىكتى اتقارۋشى ورگاندار, ورتا-ارنايى جانە جوعارى وقۋ ورىندارى ستۋدەنتتەرى قاتىستى. بالىق شارۋاشىلىعى ينسپەكتسياسى قىزمەتكەرلەرىنىڭ باستاماسىمەن جاستار مەن جاس­وسپىرىم­دەردىڭ ەكولوگيالىق ءبىلىم-تا­نىمىن جەتىلدىرۋ ءۇشىن ورتا-ارنايى جانە جوعارى وقۋ ورىندا­رىندا ناسيحاتتاۋ جۇمىستارى جۇرگىزىلدى. اكتسياعا جالپى 2300-دەن اس­تام ادام قاتىسىپ, 40 000 مەتر­دەي ءپولياميدتى مونوجىپتەردەن جاسال­عان اۋلار, جالپى كولەمى 281 تونناداي تۇرمىستىق قوقىس جينالىپ, قاتتى تۇرمىستىق قالدىقتار پوليگونىنا شىعارىلدى. «تازا سۋ ايدىندارى» تابي­عات قورعاۋ اكتسياسىنىڭ قورى­تىن­دىسىنا سايكەس, بالىق شارۋا­شىلىعى كوميتەتى بەكىت­كەن تالاپتارعا ساي ارنايى قۇرىل­عان كوميسسيا شەشىمىمەن ارال-سىرداريا وبلىسارالىق باس­سەيندىك بالىق شارۋاشىلىعى ينسپەكتسياسى ەڭ جاقسى ناتيجەلەر كورسەتكەنىن اتاپ وتكەن ءجون, سونىمەن بىرگە, ەڭ بەلسەندى دەپ تانىلعان قاتىسۋشىلار ىنتالاندىرىلىپ, ماقتاۋ قاعازدارىمەن ماراپاتتالاتىن بولادى. سونداي-اق, وتكىزىلىپ جاتقان اكتسيانىڭ دەمالىس مەرزىمىنىڭ باس­تالۋىنا تۇسپا-تۇس كەلەتىنىن دە اتاپ ءوتۋ قاجەت. «ەگەمەن-اقپارات».