قورداعى قازىنالار

قازاقتىڭ قازىناسىن كورگەندە تالاي جۇرتتىڭ اۋىزىنىڭ سۋى قۇريدى. مەندەلەەۆ تابليتساسىنداعى ەلەمەنتتەردىڭ ءبارى تابىلاتىن جەراستى بايلىعى ۇشان-تەڭىز. بىراق ءبىز ونى ايتىپ وتىرعان جوقپىز. ول بايلىقتان دا زور قازىنا بار, اعايىن. جاقىندا سول قۇندىلىقتى اركىمنىڭ ءوزى بارىپ تاماشالاۋىنا مۇمكىندىك تۋعىزىلىپ وتىر.  استانا قوناقتارى مەن ەلوردالىق تۇرعىندارعا «استانا وپەرا» مەملە­كەتتىك وپەرا جانە بالەت تەاترى ماۋسىم ايىندا ەرەكشە ءبىر باعالى سىي ازىرلەپ وتىر. تەاتر مۇراجايى قورىنان «ساحنا شەجىرەسى» اتتى كورمەگە كەرەمەت بۇيىمدار قويىلماق. سونشاما ەلەڭ ەتكىزەتىندەي بۇل قانداي شارا؟ مىسالى, اتى اڭىزعا اينالعان ءداس­تۇرلى ءانشى عاريفوللا قۇرمانعا­ليەۆ­تىڭ ەسىمىن ەستىگەنىمىز بولماسا, ءوزىن كورگەن ەمەسپىز. سول سياقتى, كۇنى كەشە دۇنيەدەن وزعان روزا باع­لانوۆا, ەرمەك سەركەباەۆ, ءازىربايجان مامبەتوۆ, ەركەعالي راحماديەۆ, روزا جا­مانوۆا مىڭجاسار ماڭعىتاەۆ, داۋرەن ءابىروۆ سياقتى ارقايسىسى ءبىر-ءبىر تاۋ تۇلعا­لار تۋرالى كەيىنگى جاس ۇرپاق وتە كوپ نارسە بىلگىسى كەلەدى. بۇل ءتىزىم ارى قاراي سارا كوشەرباەۆا, باقىت ءاشىموۆا, ۆاسي­لي ياكوۆەنكو, سۇلتان بايسۇلتانوۆ, ءبيبى­گۇل تولەگەنوۆا, ناريمان قاراجىگىتوۆ, ءالى­بەك دىنىشەۆ, قورلان قاليلامبەكوۆا, راحيما جۇباتۇروۆا, نۇرجامال ۇسەنباەۆا, گۇلجان تۇتقىباەۆا, مايرا مۇحامەدقىزى, ءجاميلا باسپاقوۆا بولىپ جالعاسىپ كەتە بارادى. الگى كورمەگە اتى اتالىپ وتىر­عان ارتىستەردىڭ كيگەن تاريحي تەاترلىق كوستيۋم­د­ەرى مەن ءتۇرلى فوتولارى, مۇراجاي دۇنيەلەرى قويىلماق. الەمدىك دەڭگەيدەگى تەاترلار تاجىريبەسىندە ءجيى كەزدەسەتىن مۇنداي جوبا بۇدان بىلاي وتاندىق تەاتردىڭ دا ءداستۇرلى ونەگەسىنە اينالىپ, وتكەنگە, تاريحقا دەگەن ۇلكەن قۇرمەت پەن ىزەتتى قالىپتاستىرماق. «استانا وپەرا» مۇراجايىنىڭ مەڭ­گەرۋ­شىسى اپريزا قۇسايىنوۆانىڭ ايتۋىنشا, بۇل ءۇشىن كوپ تەر توگۋگە تۋرا كەلگەن ءارى مۇنشاما مول قازىنانى جيناۋدىڭ ءوزى وڭايعا تۇسپەگەن. «كوستيۋمدەر, تۇرمىستىق بۇيىمدار, جۇمىس قۇرالدارى ارتىستەردىڭ ءومىرى مەن ونەرىنەن سىر شەرتىپ قانا قوي­مايدى, سونىمەن قاتار ولار تۋرالى جان-جاقتى ماعلۇمات الۋعا بولاتىن ەستەلىككە, شەجىرە-جادىگەرگە تولى. بۇل زاتتاردىڭ ارقايسىسىنان وتكەن كۇندەر بەلگىسىن سەزىنۋ قيىن ەمەس. بۇگىندە قازاقستاننىڭ تۇكپىر-تۇكپىرىنەن وپەرا مەن بالەتكە بايلانىستى بارلىق تاريحي ەكسپوناتتار جينالۋدا. وعان قانشاما ادامدار قامتىلۋدا. «تەاتر قورى ءۇشىن كوستيۋمدەردى, مۇراجاي قۇ­جاتتارىن, فوتوماتەريالداردى جي­­ناستىرۋدى بيىلعى جىلدىڭ اق­پانىندا قولعا الدىق. اباي اتىنداعى وپەرا جانە بالەت تەاترى مۇنداعى ارىپتەستەرىنە قازاقستاننىڭ وپەرا جانە بالەتىنىڭ بەلگىلى تۇلعالارى بەينەلەنگەن 11 كارتينانى جانە اسا كورنەكتى ارتىستەرىمىزدىڭ ساحنادا كيگەن كوستيۋمدەرىن قۇرمەتپەن سىيعا تارتتى. ءبىز تەك جەكەلەگەن سوليستەردىڭ دۇنيەسىن عانا ەمەس, جالپى وسى سالانىڭ قالىپتاسۋىنا اتسالىسقان قايراتكەرلەر جايىندا قىزىقتى ماعلۇماتتاردىڭ ءبىرىن قالدىرماي جيناۋدى ماقسات ەتىپ وتىرمىز. بۇگىندە قورىمىزدا 21 تەاترلىق كوستيۋم مەن مىڭنان استام فوتومۇراجاي قۇندىلىقتارى ساقتاۋلى. الدا كۇتىپ تۇرعان جۇمىستار ءالى دە شاشەتەكتەن», – دەيدى مۇراجاي مەڭگەرۋشىسى. كورمەگە كەلۋشىلەر ءۇشىن «استانا وپەرا» ساحناسىندا قازاقستاننىڭ حالىق ارتىستەرى مەن باسقا دا تانىمال وپەرا جانە بالەت جۇلدىزدارى ونەرىنەن تاماشا تارتۋلار ازىرلەنۋى وسكەلەڭ ۇرپاققا تاعىلىمدى مۇرا بولىپ قالارى ءسوزسىز. جەتىقارا قوڭىر. استانا. سۋرەتتى تۇسىرگەن ەرلان وماروۆ.