سانكت-پەتەربۋرگتەن ولجامەن ورالدى

ونەردە شەكارا جوق. سول سياق­­تى رۋحاني بايلانىستار مەن مادە­ني جاقىندىقتى دا ءبولىپ تاستاۋ ەش مۇمكىن ەمەس. ونەردىڭ ۇلت پەن ۇلىس, ەل مەن جەر تاڭداپ, توسىرقا­ماي­تىنى – بىرنەشە ۇلت وكىلدەرىن ءبىر ساحنا تورىنە, ءبىر بايقاۋ اياسىنا توعىستىرىپ جاتادى. سانكت-پەتەر­بۋرگ قالاسىندا «سولتۇستىك پال­ميرا» اتتى اۋقىمدى تۋرنير ءوتتى. الەمنىڭ 80-گە تارتا مەملەكەتىنەن تاڭداۋلى سپورتتىق بي ونەرىنىڭ شەبەرلەرى قاتىسىپ, ءوزارا ونەر تالاستىرعان حالىقارالىق تۋرنيردە اقتاۋلىق «Vega-Dance» سپورتتىق بي ۇجىمىنىڭ مۇشەلەرى توپ جاردى. «Vega-Dance» بي ۇجىمىنىڭ بيشىلەر جۇبى – ماكسيم شكۋرلاپوۆ پەن ارنا ءجۇسىپوۆا ەرەسەكتەر توبىندا قارسىلاستارىنا مىقتى باسەكەلەس رەتىندە تانىلعان. ەۋروپالىق جانە لاتىنامەريكالىق باعدارلاما بويىنشا ورىنداعان بيلەرى كورەرمەندەر مەن قازىلاردىڭ, باسەكەلەستەردىڭ ىستىق قوشەمەتى مەن جوعارى باعالاۋىنا تالاسسىز يە بولىپتى.  وسىلايشا 80-گە جۋىق مەملەكەت وكىلدەرىنىڭ الدىندا تاۋەلسىز قازاقستاندى تانىتا تۇسكەن ءبيشى جۇپ حالىقارالىق تۋرنيردە ەكىنشى ورىندى يەلەنىپ,  مويىندارىنا كۇمىس القا تاعىپ, قولدارىنا كۇمىس كۋبوكتى ۇستاپ ورالدى. ماڭعىستاۋ وبلىسى سپورتتىق بي فەدەراتسياسىنىڭ پرەزيدەنتى سۆەتلانا شكۋرلاپوۆانىڭ ايتۋىنشا,  اتالمىش بي ۇجىمى وسىدان ەكى اپتا بۇرىن الماتى قالاسىندا وتكەن حالىقارالىق  «Kazاkhstan Oرەn» فەستيۆالىندە  قولا مەدالدى يەلەنگەن ەكەن. تاياۋدا «Vega-Dance» بي ۇجىمىنىڭ بيشىلەرى انۆار نامەروۆ پەن انەليا شايماردانوۆا الماتى قالاسىندا وتەتىن «Kazakhstan International Championship» بايقا­ۋىنا قاتىسپاق. قازاقستان مەن رەسەي اراسىندا ونەردەن دوستىق جولىن جالعاپ جۇرگەن جاستار تۋعان جەرگە ابىرويمەن ورالدى. الدا – ۇلكەن ماقسات, ۇلكەن جول... گۇلايىم شىنتەمىرقىزى, «ەگەمەن قازاقستان». اقتاۋ.