ايماقتار • 04 جەلتوقسان، 2022

ۇزدىك ءارى بەلسەندى ۇكىمەتتىك ەمەس ۇيىمدار ماراپاتتالدى

100 رەت كورسەتىلدى

قاراعاندىدا ەلىمىزدىڭ تۇكپىر-تۇكپىرىندە تەڭ قوعام ءۇشىن تىنىمسىز ەڭبەك ەتىپ جۇر­گەن ۇكىمەتتىك ەمەس ۇيىم­دارعا رەسپۋبليكالىق سىي­لىقاقى تاپسىرىلدى. اتاۋلى ءىس-شاراعا اقپارات جانە قوعام­دىق دامۋ ءمينيسترى دارحان قىدىرالى ارنايى قاتىستى.

ۇكىمەتتىك ەمەس ۇيىمدارعا سىي­لىقاقى ولاردى ىنتالاندىرۋ ءۇشىن 2017 جىلدان باستاپ بەرىلىپ كەلەدى. بۇل سىيلىق – اتالعان ۇيىمداردىڭ الەۋمەتتىك ماڭىزدى پروبلەمالاردى شەشۋگە قوسقان ۇلەسىنە تارتۋ. بيىلعى رەسپۋب­ليكالىق بايقاۋعا 15 باعىت بويىنشا ەلىمىزدىڭ 213 ۇكىمەتتىك ەمەس ۇيىمى قاتىسسا، ىرىك­تەۋ كەزەڭىنە ونىڭ 189-ى وتكەن ەكەن. سونىڭ 54-ءى جەڭىمپاز دەپ تانىلىپ، قاراعاندى قالاسىندا ماراپاتتاۋ ءراسىمى ءوتتى.

– وزدەرىڭىزگە ءمالىم، مەملەكەت باسشىسى قاسىم-جومارت توقاەۆ قازاقستان حالقىنا جولداۋىندا ەلدە­گى قوعامدىق-ساياسي رەفورما­لاردىڭ جاڭا باعىتىن جاريالادى. ونىڭ ىشىندە ازاماتتىق قوعام ينستيتۋتتارىنىڭ ءرولىن نىعايتۋعا دا باسىمدىق بەرىلگەنى بەلگىلى. ۇكى­مەتتىك ەمەس ۇيىم وكىلدەرى حا­لىق پەن بيلىك اراسىنداعى بايلا­نىس­تى نىعايتىپ، قوعامدىق ديا­لوگ­­تىڭ قالىپتاسۋىنا ىقپال ەتەدى. سوندىقتان دا ءبىزدىڭ نەگىزى ماقساتى­مىز­دىڭ ءبىرى – ولار­دىڭ الەۋمەتتىك باستا­مالارىنا قول­داۋ كورسەتۋ، كوتەرىلگەن ماسەلەنىڭ شەشىمىن تابۋىنا جاعداي جاساۋ. مەملەكەتتىڭ ازا­ماتتىق قوعام ينستيتۋتىنا قا­تىس­تى ءتيىمدى جۇمىسىنىڭ ارقاسىندا بۇگىندە ۇكىمەتتىك ەمەس ۇيىمداردىڭ قاتارى 5 ەسەگە ارتىپ، ولاردىڭ سانى 23 مىڭعا جەتتى. سوڭعى 18 جىلدا الەۋمەتتىك مەملەكەتتىك تاپسىرىس كولەمى ايماقتاردا 100 پايىزعا ۇلعايدى. بۇل الەۋمەتتىك ماسەلەلەردى شەشۋدە ۇكىمەتتىك ەمەس ۇيىمداردىڭ بەلسەندىلىگىن كورسەتەدى، – دەدى دارحان قۋاندىق ۇلى.

بۇل ماراپاتتى بۇگىنگە دەيىن رەس­پۋبليكادا 300-گە جۋىق ۇيىم يەلەن­گەن ەكەن. بيىل بايقاۋعا قاتىس­قان­داردى ساراپتاعان قازىلار القاسى دا جاڭارعان. سونىمەن الەۋمەتتىك باستامالار مەن بەلسەندىلىگى ءۇشىن ەلىمىزدىڭ ءار وڭىرىندەگى ۇكىمەتتىك ەمەس ۇيىمنىڭ 54 وكىلى جەڭىمپاز اتان­دى. جەڭىمپازداردىڭ 21،8 پايى­زى – الەۋمەتتىڭ وسال توپتاردى قول­داۋ، 12،7 پايىزى – ءبىلىم، 10 پايى­زى – اقپارات، دەنەشىنىقتىرۋ، سپورت سالاسىنداعى، 10،9 پايىزى – حالىق­تى جۇمىسپەن قامتۋ، 9 پايىزى – جاس­تار ساياساتى مەن بالالار باستامالارىن قولداۋ باعىتىنداعى، 15 پايىزى اۋىلدىق ۇكىمەتتىك ەمەس ۇيىمدار.

جالپى، ەلدىڭ بار وڭىرىندە 52 ازاماتتىق ورتالىق جۇمىس ىستەيدى. ول ورتالىقتار ءۇشىنشى سەكتور الەۋە­تىن ارتتىرىپ، ۇكىمەتتىك ەمەس ۇيىم­دارعا ءبىر تەرەزە قاعيداتى بويىنشا ادىس­تەمەلىك قولداۋ كورسەتىپ كەلەدى. وسى ءىس-شارا اياسىندا ۇكىمەت­تىك ەمەس ۇيىم­­داردىڭ جوبالىق پورت­فەلى 15 مىڭ­­عا دەيىن وسكەن. سونى­مەن بىرگە دار­­حان قىدىرالى مينيسترلىك تارا­پى­نان ازاماتتىق سەكتورمەن جۇمىس ىستەۋ، ۇەۇ-مەن جوبالىق ىن­تى­ماق­تاس­تىق­تى ترانسفورماتسيالاۋ بويىنشا بىر­قاتار باستاما قولعا الىنعانىن ايتتى.

– ۇكىمەتتىك ەمەس ۇيىمداردى قار­جى­­لاي قولداۋ تەتىكتەرىن جەتىل­دىرۋ بويىنشا زاڭ قابىلداندى. زاڭ ايا­سىندا قوعاممەن جۇمىس ىستەيتىن جاڭا مەملەكەتتىك قولداۋ تەتىگى – سترا­تەگيالىق ارىپتەستىك ەنگىزىلدى. اۋىل­دىق جەرلەردەگى ازاماتتىق باس­تامالاردى قولداۋ تەتىگى ازىر­لەندى. گرانتتىق قارجىلاندىرۋ جۇيە­سىن اۋىلدىق قوعامدىق ۇيىم­دار­دىڭ سۇرانىسىنا بەيىمدەپ، جەڭىل­دە­تىلگەن رەجىم ۇسىنىلدى. «قوعام­دىق باقىلاۋ تۋرالى» زاڭ جوبا­سى ازىرلەندى، – دەدى دارحان قۋاندىق ۇلى.

ءمينيستردىڭ سوزىنشە، سالاداعى باستى ستراتەگيالىق قۇجات – ەلدەگى ۇكىمەتتىك ەمەس سەكتوردى دامىتۋدىڭ جاڭا ۆەكتورىن قامتيتىن ازاماتتىق قوعامدى دامىتۋدىڭ 2020-2030 جىل­دارعا ارنالعان تۇجىرىمداماسى ىسكە اسىپ جاتىر. ۆولونتەرلىك قىز­مەتتى دامىتۋ ارقىلى ازاماتتىق بەل­سەندىلىكتى ارتتىرۋ شاراسى قابىل­دانىپ كەلەدى.

جۇمىس ساپارى بارىسىندا مينيستر قاراعاندى قالاسىنداعى Ten Qogam الەۋمەتتىك بەيىمدەۋ ورتا­لى­عىنىڭ اشىلۋىندا بولدى. كەشە عانا ەسىگىن ايقارا اشقان Ten Qogam الەۋمەتتىك بەيىمدەۋ ورتا­لىعى قاراعاندى قالاسىنىڭ جۇ­مىس­پەن قامتۋ جانە الەۋمەتتىك باع­دار­لامالار ءبولىمىنىڭ الەۋمەتتىك تاپسىرىسى بويىنشا Qamqor plus مۇگەدەكتەر قوعامدىق بىرلەستىگىنىڭ باستاماسىمەن اشىلدى. ون ەكى مامان مۇمكىندىگى شەكتەۋلى جاندارعا بار­لىق قاجەتتى اقپاراتتىق-كونسۋل­تاتسيالىق جانە رەسۋرستىق قولداۋ كورسەتۋگە دايىن.

– بۇل جوبانىڭ باستى ماقساتى – ولاردى الەۋمەتتىك قامسىزداندىرۋ، جۇمىسپەن قامتۋ ماسەلەلەرى بويىنشا اقپاراتتاندىرۋ جانە كەڭەس بەرۋ. ءبىز الەۋمەتتىك بەيىمدەلۋگە، مەم­لە­كەتتىك قىزمەتتەردى الۋ ءۇشىن قۇجات­ت­اردى رەسىمدەۋگە، وڭالتۋدىڭ تەح­ني­كالىق قۇرالدارىن تاڭداۋعا كومەك­تەسەمىز. ءبىز الەۋمەتتىك قىزمەتتەر پورتالى جۇمىسىنىڭ قىر-سىرىن تۇسىندىرە الامىز. ءبىزدىڭ ورتالىقتا زاڭگەر مەن پسيحولوگتىڭ كەڭەستەرى دە قولجەتىمدى، – دەدى ورتالىق باسشىسى اسلان قابەگەنوۆ. ورتالىقتا وزىنە-ءوزى قىزمەت كورسەتۋ ايماعى بار. قىزمەتكەرلەر ونلاين جانە وفلاين فورماتتا دا كومەككە دايىن.

وڭىرگە ساپارى اياسىندا مينيستر مۇگەدەكتەردىڭ حالىقارالىق كۇنىنە وراي ۇيىمداستىرىلعان ءىس-شاراعا قاتىستى. 3 جەلتوقسان – بۇۇ ۇيعارىمى بويىنشا مۇگەدەك ادامداردىڭ حالىقارالىق كۇنى بولىپ جاريالانعان. بۇل كۇننىڭ ماقساتى – ينكليۋزيۆتى قوعامدى دامىتۋ، مۇمكىندىگى شەكتەۋلى جانداردى قوعامعا تەڭ قۇقىلى ازامات رەتىندە ارالاستىرۋ. ەلىمىزدە مۇگەدەك جانداردىڭ قۇقىعىن قورعاۋ جانە ءومىر ءسۇرۋ ساپاسىن جاقسارتۋ جونىندەگى 2025 جىلعا دەيىنگى ۇلتتىق جوسپار بار. مۇگەدەكتىكتىڭ الدىن الۋ، ءبىلىم الۋعا قولجەتىمدىلىك، كەدەرگىسىز ورتا، جۇمىسپەن قامتۋ، ءتيىمدى وڭالتۋ، الەۋمەتتىك قىزمەتتەر جانە قوعامدىق سانانى جاڭعىرتۋ بۇگىندە قوعامنىڭ باستى نازارىندا.

دەرەكتەرگە سۇيەنسەك، ايماقتا 55 مىڭنان استام مۇگەدەكتىگى بار تۇرعىن تۇرادى. ول – وبلىس تۇرعىندارىنىڭ 5 پايىزعا جۋىعى. وبلىس بيۋدجەتى­نەن وڭالتۋ قۇرالدارىمەن جانە قىزمەتتەرمەن قامتاماسىز ەتۋ ءۇشىن 1 ملرد تەڭگە قارجى بولىنگەن. 2021 جىلدان باس­تاپ، مۇنداي قۇرال-جابدىقتاردى «الەۋمەتتىك قىزمەتتەر پورتالى» ارقىلى تاپسىرىس بەرىپ، الۋعا مۇم­كىندىك جاسالعان.

– ءومىردىڭ قيىندىقتارىنا مو­يىماي، ماسەلەلەردىڭ شەشىم تابۋىنا ۇلەس قوسىپ جۇرگەن جاندار بۇگىن ورتامىزدا. سىزدەردىڭ بوي­لارىڭىزداعى قايسارلىق، ومىرلىك ۇستانىم ءبىز ءۇشىن زور ونەگە. سىزدەر وبلىستىڭ ەڭ بەلسەندى ازاماتىسىزدار. وبلىستاعى مۇمكىندىگى شەكتەۋلى ازاماتتارعا ءتۇرلى مەملەكەتتىك قول­داۋ كورسەتىلەدى، – دەدى ايماق باسشىسى جەڭىس قاسىمبەك.

2022 جىلى 25 مىڭ ازامات وڭال­تۋ­عا قاجەتتى قۇرالمەن قامتى­لىپ، كومەك كورسەتىلگەن. بۇگىندە ايماق­تا ارنايى الەۋمەتتىك قىزمەت كورسە­تەتىن 70 ۇيىم بار. ءبىرىنشى جارتى­جىل­دىقتىڭ قورىتىندىسى بويىنشا مۇنداي قىزمەت ءتۇرىنىڭ يگىلىگىن 9 مىڭنان استام ادام كورىپتى. ايماقتا مۇگەدەكتەرمەن جۇمىس جونىندە اكىم كەڭەسشىلەرى بار. مۇمكىندىگى شەكتەۋلى 4 تۇلعا جەرگىلىكتى بيلىك ۇيىمدارىنا ۇسىنىلعان. وبلىستىڭ 11 وڭىرىندە «ينۆاتاكسي» – تەگىن كولىك تاسىمالى وڭ جولعا قويىلىپتى.

ال سالتاناتتى ءىس-شارادا ايماق­تا ازاماتتىق ۇستانىمدارىمەن الەۋ­مەت­تىك ماسەلەلەر ءتۇيىنىنىڭ شەشى­لۋىنە مۇرىندىق بولعان بىرقاتار ۇكىمە­تتىك ەمەس ۇيىم وكىلىنە ماراپاتتار تاپسىرىلدى.

 

قاراعاندى

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار