جيىرما جىلدان بەرى قازاقتىڭ ءداستۇرلى ءان ونەرىنە ءوزىنىڭ ۇلەسىن قوسىپ كەلە جاتقان جازگۇل دانىلباەۆا جاقىندا استانا قالاسى اكىمدىگىنىڭ مەملەكەتتىك فيلارمونياسىنىڭ قولداۋىمەن كونگرەسس-حولدا «ارمان-اي!» اتتى جەكە كونتسەرتىن وتكىزدى.
كەشتىڭ كوركىن كوبىندە ونىڭ ورىنداۋىنداعى حالىق اندەرى كىرگىزدى. اسىرەسە, «ۋگاي-ءاي» جۇرتشىلىقتى ءبىر سەرپىلتىپ تاستادى. سول سەكىلدى التىنبەك قورازباەۆتىڭ «اۋىلىمى», سادىقوجانىڭ «سارى بيدايى», قاپەزدىڭ «ءۇش مەركىسى», وزگە دە رۋحتى دۇنيەلەر ەرەكشە اسەرگە بولەدى. ءانشىنىڭ ۇستازى ەرجان قوسبارماقوۆ شاكىرتىنىڭ تالانتىنا ءتانتى ەكەنىن جان-جاقتى ايتا كەلىپ, ءوزى دە «اعايىن» اتتى تولعاۋدى ايتىپ, قولداۋ كورسەتتى. قاشان دا ءبىر-بىرىمەن قاناتتاس جۇرەتىن تانىمال انشىلەر ن. القوجاەۆا, ا.ەلشىباەۆا, م.اراپباەۆا, ب.بالاجانوۆا, ك.ءتولەنباەۆا, سالىقوۆتار وتباسى جازگۇلدىڭ جان جادىراتقان اندەرىنە ءوز ۇلەستەرىن قوسىپ, ۇكىلەپ وتىردى.
قاسىمجومارت داۋلەت.
استانا.
