ەۋرازيالىق ەكونوميكالىق وداق شارتىن راتيفيكاتسيالاۋ ءىسى قىركۇيەكتە باستالادى

استانا. 3 ماۋسىم. ەۋرازيالىق ەكونوميكالىق وداق قۇرۋ تۋرالى كەلىسىم-شارتتى راتيفيكاتسيالاۋ قىركۇيەكتە باستالادى. سىرتقى ىستەر مينيسترلىگىنىڭ ەرەكشە تاپسىرمالار جونىندەگى ەلشىسى اسان قوجاقوۆ وسىلاي دەدى. بۇل تۋرالى «قازاقپارات» حابارلادى. اسان قوجاقوۆ: «ءبىزدى الداعى 6 ايدىڭ ىشىندە شارتتى قايتا وڭدەپ, ونىڭ الەۋەتىن اشۋ بويىنشا اۋقىمدى جۇمىستارى كۇتىپ تۇر. شارتتى پارلامەنتكە ەنگىزۋ قاجەت. ياعني, راتيفيكاتسيالاۋ ۇدەرىسى باستالادى. مەنىڭشە, بۇل ۇدەرىس قىركۇيەكتە باستالىپ, 2-3 ايعا سوزىلادى. وزدەرىڭىز بىلەتىندەي, ەۋرازيالىق ەكونوميكالىق وداق شارتى 1000 بەتتەن, 28 بولىمنەن, 118 باپتان جانە بۇل قۇجاتتىڭ اجىراماس بولىگى سانالاتىن 33 قوسىمشادان تۇرادى», – دەدى. سىرتقى ىستەر مينيسترلىگى ەرەكشە تاپسىرمالار جونىندەگى ەلشىسىنىڭ ايتۋىنشا, شارتتى راتيفيكاتسيالاۋ ىسىنە بارلىق مەملەكەتتىك ورگاندارى جۇمىلدىرىلماق. جولدىباي بازار. دەرەككوز: «قازاقپارات». فوتو: Parlam.kz.