قازاقستان رەسپۋبليكاسى مادەنيەت مينيسترلىگىنىڭ بۇيرىعى № 41

2014 جىلعى 19 مامىر,  استانا قالاسى «قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى» مەملەكەتتىك مەكەمەسىنىڭ ەرەجەسىن بەكىتۋ تۋرالى بۇيىرامىن: 1. قوسا بەرىلىپ وتىرعان «قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى» مەملەكەتتىك مەكەمەسىنىڭ ەرەجەسى بەكىتىلسىن. 2. قازاقستان رەسپۋبليكاسى ءتىل كوميتەتى زاڭنامادا بەلگىلەنگەن تارتىپپەن: 1) وسى بۇيرىقتىڭ قازاقستان رەسپۋبليكاسى ادىلەت مينيسترلىگىندە مەملەكەتتىك تىركەلۋىن; 2) بەلگىلەنگەن تارتىپپەن وسى بۇيرىقتىڭ بۇقارالىق اقپارات قۇرالدارىندا رەسمي جاريالانۋىن; 3) وسى بۇيرىقتىڭ قازاقستان رەسپۋبليكاسى مادەنيەت مينيسترلىگىنىڭ ينتەرنەت-رەسۋرسىندا ورنالاسۋىن قامتاماسىز ەتسىن. 3. وسى بۇيرىق ونىڭ العاش رەت رەسمي جاريالانعان كۇنىنەن باستاپ قولدانىسقا ەنگىزىلەدى. ءمينيستردىڭ مىندەتىن اتقارۋشى ا. بورىباەۆ. قازاقستان رەسپۋبليكاسى مادەنيەت ءمينيسترىنىڭ م.ا. 2014 جىلعى 19 مامىرداعى № 41 بۇيرىعىمەن بەكىتىلگەن «قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى» مەملەكەتتىك مەكەمەسى تۋرالى ەرەجە 1. جالپى ەرەجەلەر 1. قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى مەملەكەتتىك مەكەمەسىنىڭ (بۇدان ءارى - كوميتەت) وزىنە جۇكتەلگەن فۋنكتسيالاردى ىسكە اسىراتىن قازاقستان رەسپۋبليكاسى مادەنيەت مينيسترلىگىنىڭ (بۇدان ءارى - مينيسترلىك) ۆەدومستۆوسى بولىپ تابىلادى. كوميتەتتىڭ نەگىزگى مىندەتتەرى مەملەكەتتىك ساياساتتى جانە تىلدەردى دامىتۋ سالاسىنداعى مەملەكەتتىك باقىلاۋدى جۇزەگە اسىرۋ بولىپ تابىلادى. 2. كوميتەت ءوز قىزمەتىندە قازاقستان رەسپۋبليكاسىنىڭ كونستيتۋتسياسىن, قازاقستان رەسپۋبليكاسى­نىڭ زاڭدارىن, قازاقستان رەسپۋبليكاسى پرەزيدەنتىنىڭ جانە ۇكىمەتىنىڭ اكتىلەرىن, وزگە دە نورماتيۆتىك قۇقىقتىق اكتىلەردى, سونداي-اق وسى ەرەجەنى باسشىلىققا الادى. 3. كوميتەت مەملەكەتتىك مەكەمەنىڭ ۇيىمداستىرۋشىلىق-قۇقىقتىق نىسانىنداعى زاڭدى تۇلعا بولىپ تابىلادى, وقشاۋلانعان مۇلكى, مەملەكەتتىك تىلدە ءوز اتاۋى جازىلعان ءمورى مەن ءمورتاباندارى, بەلگىلەنگەن ۇلگىدەگى بلانكىلەرى, سونداي-اق زاڭناماعا سايكەس قازىناشىلىق ورگاندارىندا ەسەپ شوتتارى بار. كوميتەت ازاماتتىق-قۇقىقتىق قاتىناستارعا ءوز اتىنان تۇسەدى. كوميتەتتىڭ, ەگەر وعان زاڭناماعا سايكەس ۋاكىلەتتىگى بولسا, مەملەكەتتىڭ اتىنان ازاماتتىق-قۇقىقتىق قاتىناستاردىڭ تارابى بولۋعا قۇقىعى بار. 4. كوميتەت ءوز قۇزىرەتىندەگى ماسەلەلەر بويىنشا زاڭنامادا بەلگىلەنگەن تارتىپپەن توراعانىڭ نەمەسە ونى اۋىستىرۋشى تۇلعانىڭ بۇيرىقتارىمەن رەسىمدەلەتىن شەشىمدەر قابىلدايدى. 5. كوميتەتتىڭ قۇرىلىمى مەن شتات سانى قازاقستان رەسپۋبليكاسى مادەنيەت ءمينيسترىنىڭ كەلىسىمى بويىنشا مينيسترلىكتىڭ جاۋاپتى حاتشىسىمەن بەكىتىلەدى. 6. كوميتەتتىڭ زاڭدى مەكەن-جايى: 010000, استانا قالاسى, ەسىل اۋدانى, ورىنبور كوشەسى, № 8-ءۇي, «مينيسترلىكتەر ءۇيى» عيماراتى, 15-كىرەبەرىس. 7. كوميتەتتىڭ تولىق اتاۋى – «قازاقستان رەسپۋبليكاسى مادەنيەت مينيسترلىگىنىڭ ءتىل كوميتەتى» مەملەكەتتىك مەكەمەسى. 8. وسى ەرەجە كوميتەتتىڭ قۇرىلتاي قۇجاتى بولىپ تابىلادى. 9. كوميتەتتىڭ قىزمەتىن قارجىلاندىرۋ رەسپۋبليكالىق بيۋدجەتتەن جۇزەگە اسىرىلادى. كوميتەتكە ءوزىنىڭ فۋنكتسياسى بولىپ تابىلاتىن مىندەتتەردى ورىنداۋ تۇرعىسىندا كاسىپكەرلىك سۋبەكتىلەرىمەن شارتتىق قاتىناستارعا تۇسۋگە تىيىم سالىنادى. ەگەر كوميتەتكە قازاقستان رەسپۋبليكاسىنىڭ زاڭنامالىق اكتىلەرىمەن كىرىستەر اكەلەتىن قىزمەتتى جۇزەگە اسىرۋ قۇقى بەرىلسە, وندا مۇنداي قىزمەتتەن تۇسكەن كىرىستەر بيۋدجەتتىڭ كىرىسىنە جولدانادى. 10. كوميتەت مينيسترلىكتىڭ قاراماعىنداعى ءتىل دامىتۋ سالاسىنداعى رەسپۋبليكالىق مەملەكەتتىك قازىنالىق كاسىپورنىن باسقارۋدى ىسكە اسىراتىن ورگان بولىپ تابىلادى: 1) «شايسۇلتان شاياحمەتوۆ اتىنداعى تىلدەردى دامىتۋدىڭ رەسپۋبليكالىق ۇيلەستىرۋ-ادىستەمەلىك ورتالىعى» رەسپۋبليكالىق مەملەكەتتىك قازىنالىق كاسىپورنى. 2. كوميتەتتىڭ فۋنكتسيالارى 11. كوميتەت قولدانىستاعى زاڭناماعا جانە وعان جۇكتەلگەن مىندەتتەرگە سايكەس مىنالاردى جۇزەگە اسىرادى: 1) ءتىل ساياساتى, شەتەلدە تۇراتىن وتانداستاردى قولداۋ سالالارىنداعى مەملەكەتتىك جانە سالالىق (سەكتورالدىق) باعدارلامالاردى ىسكە اسىرۋ; 2) ءتىل ساياساتى بويىنشا مينيسترلىكتىڭ ستراتەگيالىق جوسپارلارىنا, مەملەكەتتىك جانە سالالىق (سەكتورالدىق) باعدارلامالارعا ۇسىنىستار ەنگىزۋ; 3) قازاقستان رەسپۋبليكاسىندا مەملەكەتتىك ءتىلدىڭ جان-جاقتى دامۋىن قامتاماسىز ەتۋ, ونىڭ حالىقارالىق بەدەلىن نىعايتۋ; 4) تىلدەردى دامىتۋ سالاسىنداعى ءبىرتۇتاس مەملەكەتتىك ساياساتتى ىسكە اسىرۋ قىزمەتى بويىنشا اقپاراتتىق, ادىستەمەلىك قامتاماسىز ەتۋدى ۇيىمداستىرۋ; 5) قازاقستان رەسپۋبليكاسى ۇكىمەتىنىڭ جانىنداعى رەسپۋبليكالىق تەرمينولوگيا جانە ونوماستيكا كوميسسيالارىنىڭ, مەملەكەتتىك ءتىل ساياساتىن ودان ءارى جەتىلدىرۋ جونىندەگى كوميسسيانىڭ قىزمەتىن قامتاماسىز ەتۋ, جەرگىلىكتى اتقارۋشى ورگاندار جانىنداعى ونوماستيكا كوميسسيالارىنىڭ جۇمىسىن ۇيلەستىرۋ; 6) ۆەدومستۆولىق باعىنىستاعى ۇيىمداردى قۇرۋ, قايتا ۇيىمداستىرۋ جانە تاراتۋ جونىندە مينيسترلىككە ۇسىنىستار ەنگىزۋ; 7) ۆەدومستۆولىق باعىنىستاعى ۇيىمداردىڭ قىزمەتىنە باسشىلىقتى جۇزەگە اسىرۋ; 8) قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن ۆەدومستۆولىق باعىنىستاعى ۇيىمداردىڭ قۇرىلتاي قۇجاتتارىنا تولىقتىرۋلار مەن وزگەرىستەر ەنگىزۋ; 9) رەسپۋبليكالىق بيۋدجەتتىك باعدارلامالاردى ىسكە اسىرۋ; 10) مەملەكەتتىك ساتىپ الۋ سالاسىنداعى قىزمەتتى جۇزەگە اسىرۋ; 11) ورتالىق جانە وبلىستاردىڭ, رەسپۋبليكالىق ماڭىزى بار قالانىڭ, استانانىڭ جەرگىلىكتى اتقارۋشى ورگاندارىندا قازاقستان رەسپۋبليكاسىنىڭ ءتىل تۋرالى زاڭناماسىنىڭ ساقتالۋىن باقىلاۋ; 12) قازاقستان رەسپۋبليكاسىنىڭ ءتىل تۋرالى زاڭناماسىمەن بەلگىلەنگەن تالاپتاردى بۇزۋشىلىقتاردى جويۋ تۋرالى ۇسىنىمدار بەرۋ; 13) قازاقستان رەسپۋبليكاسىنىڭ ءتىل تۋرالى زاڭناماسىنىڭ بۇزىلۋىنا كىنالى لاۋازىمدى تۇلعالارعا تارتىپتىك جازا شارالارىن قولدانۋ تۋرالى ءتيىستى ورگاندارعا ۇسىنىستار ەنگىزۋ; 14) مەملەكەتتىك جانە سالالىق (سەكتورالدىق) باعدارلامالاردى ىسكە اسىرۋ بويىنشا قوعامدىق ۇيىمدارمەن ءوزارا ءىس-قيمىلدى جۇزەگە اسىرۋ; 15) «قازاقستان رەسپۋبليكاسىنداعى مەملەكەتتىك باقىلاۋ جانە قاداعالاۋ تۋرالى» قازاقستان رەسپۋبليكاسىنىڭ زاڭىنا سايكەس ۆەدومستۆولىق ستاتيستيكالىق ەسەپتىلىكتىڭ, تەكسەرۋ پاراقتارىنىڭ نىساندارىن, تاۋەكەل دارەجەسىن باعالاۋ كريتەريلەرىن, جىل سايىنعى تەكسەرۋ جوسپارلارىن ازىرلەۋ جانە بەكىتy جونىندە ۇسىنىستار ەنگىزۋ; 16) وسى ەرەجەدە, قازاقستان رەسپۋبليكاسىنىڭ زاڭدارىندا, قازاقستان رەسپۋبليكاسىنىڭ پرەزيدەنتi مەن ۇكiمەتiنiڭ اكتiلەرiندە كوزدەلگەن وزگە دە فۋنكتسيالاردى جۇزەگە اسىرۋ. 12. كوميتەتتىڭ وزىنە جۇكتەلگەن مىندەتتەردى ىسكە اسىرۋ جانە ءوز فۋنكتسيالارىن جۇزەگە اسىرۋ ءۇشىن زاڭنامادا بەلگىلەنگەن تارتىپپەن: 1) ءوزىنىڭ قۇزىرەتى شەگىندە قۇقىقتىق اكتىلەر شىعارۋعا; 2) مەملەكەتتىك ورگانداردان, ۇيىمداردان, ولاردىڭ لاۋازىمدى تۇلعالارىنان قاجەتتى اقپارات پەن ماتەريالداردى سۇراتۋعا جانە الۋعا; 3) تىلدەردى دامىتۋ سالاسىندا نورماتيۆتىك قۇقىقتىق اكتىلەر ازىرلەۋ بويىنشا ۇسىنىستار ەنگىزۋگە; 4) كوميتەتتىڭ قۇزىرەتىنە كىرەتىن ماسەلەلەر بويىنشا سەمينارلار, كونفەرەنتسيالار, دوڭگەلەك ۇستەلدەر, بايقاۋلار جانە وزگە دە ءىس-شارالار وتكىزۋگە; 5) جەتەكشىلىك ەتەتىن قىزمەت باعىتتارى بويىنشا كونسۋلتاتيۆتىك-كەڭەسشى ورگاندار (جۇمىس توپتارىن, كوميسسيالار, كەڭەستەر) قۇرۋعا; 6) ۆەدومستۆولىق باعىنىستى ۇيىمدارعا قاتىستى مەملەكەتتىك باسقارۋ ورگانى بولۋعا; 7) جەكە جانە زاڭدى تۇلعالار ءتىل تۋرالى زاڭنامانىڭ تالاپتارىن ورىنداماعان جاعدايدا قازاقستان رەسپۋبليكاسىنىڭ زاڭناماسىندا بەلگىلەنگەن تارتىپپەن جانە نەگىزدەردە سوتقا شاعىمدانۋعا; 8) قازاقستان رەسپۋبليكاسىنىڭ زاڭنامالىق اكتىلەرىندە كوزدەلگەن باسقا دا قۇقىقتاردى جۇزەگە اسىرۋعا قۇقىعى بار. 3. كوميتەتتىڭ قىزمەتىن ۇيىمداستىرۋ 13. كوميتەتتى قازاقستان رەسپۋبليكاسىنىڭ زاڭناماسىمەن بەلگىلەنگەن تارتىپپەن قازاقستان رەسپۋبليكاسى مادەنيەت ءمينيسترى قىزمەتكە تاعايىندايتىن جانە قىزمەتتەن بوساتاتىن توراعا باسقارادى. 14. توراعانىڭ مينيسترلىكتىڭ جاۋاپتى حاتشىسىنىڭ كەلىسىمى بويىنشا قازاقستان رەسپۋبليكاسى مادەنيەت ءمينيسترى قىزمەتكە تاعايىندايتىن جانە قىزمەتتەن بوساتاتىن ەكى ورىنباسارى بولادى. 15. كوميتەت توراعاسى كوميتەتكە جالپى باسشىلىق ەتۋدى جۇزەگە اسىرادى جانە كوميتەتكە جۇكتەلگەن مىندەتتەردىڭ ورىندالۋى مەن ونىڭ ءوز فۋنكتسيالارىن جۇزەگە اسىرۋى ءۇشىن دەربەس جاۋاپكەرشىلىكتە بولادى. 16. كوميتەت توراعاسى: 1) ءوزىنىڭ ورىنباسارلارى مەن كوميتەتتىڭ قۇرىلىمدىق بولىمشەلەرى باسشىلارىنىڭ وكىلەتتىكتەرىن جانە مىندەتتەرىن ايقىندايدى; 2) ەڭبەك قاتىناستارى ماسەلەلەرى جوعارى تۇرعان مەملەكەتتىك ورگاندار مەن لاۋازىمدىق تۇلعالاردىڭ قۇزىرەتىنە جاتقىزىلعان قىزمەتكەرلەردەن باسقا, كوميتەت قىزمەتكەرلەرىن قىزمەتكە تاعايىندايدى جانە قىزمەتتەن بوساتادى; 3) ەڭبەك قاتىناستارى ماسەلەلەرى جوعارى تۇرعان مەملەكەتتىك ورگاندار مەن لاۋازىمدىق تۇلعالاردىڭ قۇزىرەتىنە جاتقىزىلعان قىزمەتكەرلەردەن باسقا, كوميتەت قىزمەتكەرلەرىنىڭ ىسساپارعا جىبەرۋ, ەڭبەك دەمالىسىن بەرۋ, ماتەريالدىق كومەك كورسەتۋ, دايارلاۋ (قايتا دايارلاۋ), بىلىكتىلىگىن ارتتىرۋ, ىنتالاندىرۋ, ۇستەماقى تولەۋ جانە سىياقى بەرۋ, سونداي-اق تارتىپتىك جاۋاپكەرشىلىكە تارتۋ ماسەلەلەرىن شەشەدى. 4) جەتەكشىلىك ەتەتىن ۆيتسە-مينيستر مەن ءمينيستردىڭ كەلىسىمدەرى بويىنشا ۆەدومستوۆاعا باعىنىستى ۇيىمداردىڭ باسشىلارى جانە ولاردىڭ ورىنباسارلارىن قىزمەتكە تاعايىندايدى جانە قىزمەتتەن بوساتادى; 5) ءوز قۇزىرەتى شەگىندە كوميتەتتىڭ, ۆەدومستۆولىق باعىنىستاعى ۇيىمداردىڭ قىزمەتكەرلەرى ءۇشىن ورىندالۋى مىندەتتى بۇيرىقتار شىعارادى, نۇسقاۋلار جاسايدى; 6) مەملەكەتتىك ورگانداردا جانە وزگە دە ۇيىمداردا قولدانىستاعى زاڭناماعا سايكەس كوميتەتتى بىلدىرەدى; 7) كوميتەتتىڭ قۇرىلىمدىق بولىمشەلەرىنىڭ ەرەجەلەرىن بەكىتەدى; 8) كوميتەت جۇمىسىنىڭ رەگلامەنتىن بەكىتۋ تۋرالى ۇسىنىس ەنگىزەدى; 9) كوميتەتتە سىبايلاس جەمقورلىققا قارسى ارەكەتكە باعىتتالعان شارالار قابىلدايدى جانە سىبايلاس جەمقورلىققا قارسى شارالار قابىلداعانى ءۇشىن دەربەس جاۋاپكەرشىلىكتە بولادى; 10) رەسپۋبليكالىق بيۋدجەتتىك باعدارلامالاردى ىسكە اسىرۋ جانە مەملەكەتتىك ساتىپ الۋ باعىتىنداعى قىزمەتتەردى جۇزەگە اسىرۋدا دەربەس جاۋاپكەرشىلىكتە بولادى; 11) ءوز قۇزىرەتىنە جاتاتىن وزگە دە ماسەلەلەر بويىنشا شەشىمدەر قابىلدايدى. 17. توراعا بولماعان جاعدايدا كوميتەت قىزمەتىنىڭ جالپى باسشىلىعى مەن كوميتەتكە جۇكتەلگەن مىندەتتەر جانە فۋنكتسيالاردى ورىنداۋعا دەربەس جاۋاپكەرشىلىكتە بولۋ توراعا ورىنباسارلارىنىڭ بىرىنە جۇكتەلەدى. 18. كوميتەتتىڭ كونسۋلتاتسيالىق كەڭەسشى ورگان بولىپ تابىلاتىن القاسى بولۋى مۇمكىن. القانىڭ ساندىق جانە جەكە قۇرامىن جەتەكشىلىك ەتەتىن ۆيتسە – ءمينيستردىڭ كەلىسىمىمەن توراعا بەكىتەدى. 19. كوميتەت قىزمەتىن ۇيىمداستىرۋدىڭ وزگە ماسەلەلەرى, ونىڭ قىزمەتىن قامتاماسىز ەتەتىن لاۋازىمدى تۇلعالاردىڭ قۇقىقتارى مەن مىندەتتەرى, قۇرىلىمدىق بولىمشەلەردىڭ قۇزىرەتتىلىگى مەن ۋاكىلەتتىلىگى مينيسترلىكتىڭ, كوميتەتتىڭ جۇمىس رەگلامەنتتەرىمەن, كوميتەتتىڭ قۇرىلىمدىق بولىمشەلەرىنىڭ ەرەجەلەرىمەن بەلگىلەنەدى. 4. كوميتەتتىڭ مۇلكى 20. كوميتەتتىڭ جەدەل باسقارۋ قۇقىعىنداعى وقشاۋلانعان مۇلكى بار. كوميتەت مۇلكى وعان مەملەكەت بەرگەن م ۇلىكتىڭ ەسەبىنەن, سونداي-اق قۇنى كوميتەتتىڭ تەڭگەرىمىندە كورسەتىلەتىن وزگە دە م ۇلىكتەردەن قالىپتاسادى. 21. كوميتەتكە بەكىتىلىپ بەرىلگەن م ۇلىك رەسپۋبليكالىق مەنشىككە جاتادى. 22. كوميتەتتىڭ وزىنە بەكىتىلگەن م ۇلىكتى, قازاقستان رەسپۋبليكاسى زاڭدارىندا وزگەشە بەلگىلەنبەسە, ءوز بەتىمەن يەلىكتەن شىعارۋعا نەمەسە وعان باسقا دا جولمەن بيلىك ەتۋگە قۇقىعى جوق. 5. كوميتەتتى قايتا ۇيىمداستىرۋ جانە تاراتۋ 23. كوميتەتتى قايتا ۇيىمداستىرۋ جانە تاراتۋ قازاقستان رەسپۋبليكاسىنىڭ زاڭناماسىنا سايكەس جۇزەگە اسىرىلادى. بۇيرىق قازاقستان رەسپۋبليكاسىنىڭ ادىلەت مينيسترلىگىندە 2014 جىلعى 28 ساۋىردەگى نورماتيۆتىك قۇقىقتىق كەلىسىمدەردى مەملەكەتتىك تىركەۋدىڭ تىزىلىمىنە №9474 بولىپ ەنگىزىلدى.