قوعام • 30 قاراشا، 2022

«Qyzmet live» – حالىقپەن كەدەرگىسىز بايلانىس

64 رەت كورسەتىلدى

بيىل جەتىسۋدا 1 076 307 مەملەكەتتىك قىزمەت كورسەتىلگەن بولسا، ونىڭ 916 866-سى جەرگىلىكتى اتقارۋشى ورگاندارعا تيەسىلى. ال ورتالىق مەملەكەتتىك ورگانداردىڭ اۋماقتىق بولىمشەلەرى 159 441 رەت حالىققا جاردەمدەسكەن. بۇل رەتتە مەملەكەتتىك قىزمەت ىستەرى اگەنتتىگىنىڭ وبلىستىق دەپارتامەنتىنىڭ بەلسەنە جۇمىس ىستەپ جاتقانى بايقالادى.

ەل پرەزيدەنتى قاسىم-جومارت توقاەۆ ۇسىنعان «حالىق ۇنىنە قۇلاق اساتىن مەملەكەت» تۇجىرىمداماسى – مەملەكەتتىك ورگاندار قىزمەتىن جەتىلدىرۋگە ارنالعان نەگىزگى قاعيدات. نەگە دەسەڭىز، بۇگىندە كوپتەگەن ماسە­لەگە قوزعاۋ سالىپ، ەل تاراپىنان قولداۋ تاۋىپ وتىر. مەملەكەت باس­شى­سى­نىڭ تۇجىرىمداماسىن ىسكە اسىرۋ، مەملەكەتتىك قىزمەتتەردى ساپالى ۇسىنۋ، ازاماتتاردىڭ وتى­نىش­تەرىن، شاعىمدارىن جەدەل ءارى ءتيىمدى قاراس­تى­رۋ مەملەكەتتىك ور­گان­داردىڭ باستى مىندەتى.

بۇگىندە جەرگىلىكتى اتقارۋشى ور­­­گان­­دار كورسەتەتىن مەملەكەتتىك قىز­مەت 295 تىزىمنەن تۇرادى. ونىڭ 289-ى حالىققا ەلەكتروندىق نۇسقادا ۇسىنىلادى. جالپى قىزمەت سانىنىڭ 95 پايىزى ەلەكتروندى نۇسقادا ۇسىنىلسا، 1،27 پايىزى مەملەكەتتىك كورپوراتسيا ارقىلى كورسەتىلگەن. ال ورتالىق مەملەكەتتىك ورگانداردىڭ اۋماقتىق بولىمشەلەرى مەملەكەتتىك قىزمەتتەردىڭ 79 پايىزىن ەلەكتروندى تۇردە، 19 پايىزىن مەملەكەتتىك كورپوراتسيا ارقىلى كورسەتكەنىن ايتا كەتۋ كەرەك. مەملەكەتتىك قىز­مەت ىستەرى اگەنتتىگىنىڭ جەتىسۋ وب­لىسى بويىنشا دەپارتامەنتىنىڭ باسشىسى قوبىلان ماناپ «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ ءۇشىن بەلسەنە جۇمىس ىستەپ جاتقاندارىن جەتكىزدى.

«جىل باسىنان مەملەكەتتىك قىز­­مەتتەردى ەلەكتروندى تۇردە الۋ ءتار­تىبىن ۇيرەتۋ بويىنشا 455 ءىس-شارا ءوتتى. ەلەكتروندىق مەم­لە­كەتتىك قىز­مەت الۋدى حالىق اراسىندا ناسيحاتتاۋ ءۇشىن تەلەارنادا 5 باعدارلاما كورسەتىلىپ، مەرزىمدى باسپاسوزدە 42 ماقالا جارىق كوردى. ودان بولەك، دەپارتامەنت باستاماسىمەن حالىقپەن كەدەرگىسىز بايلانىس ورناتۋدى ماقسات ەتەتىن «Qyzmet live» جوباسى جۇزەگە اسى­رى­لۋدا»، دەيدى ق.ماناپ.

بۇگىندە اتالعان سالادا اشىقتىق جانە ەسەپتىلىك قاعيداتتارىن ىسكە اسى­رۋ ءۇشىن وبلىس اكىمدىگى مەن «جەتىسۋ» ترك قولداۋىمەن «ەلگە قىزمەت» باعدارلاماسى جۇمىس ىس­تەيدى. سونداي-اق ەلەكتروندىق قىز­مەت­­تەردىڭ قول­جەتىمدىلىگىن قام­تا­­ماسىز ەتۋ ماقسا­تىندا وبلىس­تا 1 051 وزىنە-ءوزى قىزمەت كور­سەتۋ بۇ­رى­شى اشىلعان. سول ار­قىلى 19 450 مەملەكەتتىك قىزمەت كور­سە­تىل­گەن.

«تۇرعىندارعا قولايلى جاعداي جاساۋ ءۇشىن 2018 جىلدان باستاپ 13 سەرۆيستىك اكىمدىك اشىلعان بولاتىن. ونىڭ ىشىندە 3-ەۋى قاراتال اۋدانىنىڭ باستوبە اۋىلىندا، قالعانى سارقان اۋدانىنىڭ چەركاسك اۋى­لىندا، الا­كول اۋدانىنىڭ قابان­­باي اۋى­لىن­دا قۇ­رىلدى. بۇگىن­دە «سەر­ۆيستىك اكىم­دىكتەر» ار­قى­لى 23 400 مەم­­لە­كەتتىك قىزمەت كور­سەتىلدى»، دەيدى ق.ماناپ.

دەپارتامەنت وكىلىنىڭ ايتۋىنشا، بۇدان بولەك، وڭىردە مەملەكەتتىك قىزمەت كورسەتۋ ۇدەرىسىندەگى ولقى­لىق­­تار­عا، بيزنەس-پروتسەستەردىڭ تيىسىنشە رەتتەلمەۋىنە، اكىمشىلىك كە­د­ەرگىلەرگە جانە ارتىق تالاپ­تار­عا نازار اۋدارىلىپ، مونيتورينگ جۇرگىزىلىپ جاتىر.

 

جەتىسۋ وبلىسى

سوڭعى جاڭالىقتار

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ناۋەن حازىرەتتىڭ ءمورى

جادىگەر • كەشە

قورجىندا قوس جۇلدە

سپورت • كەشە

ۇقساس جاڭالىقتار