قوعام • 30 قاراشا، 2022

جۇرەكتىڭ كوزى اشىلسا...

80 رەت كورسەتىلدى

ەڭ عاجاپ سۋرەتشى – تابيعاتتىڭ كوز توياتتايتىن سۇلۋ كارتينالارىن كۇندە كوزبەن كورگەنىمىزبەن، كەيدە كورگەندى كوڭىلگە توقىپ، جۇرەكپەن سەزىنە الماي جاتامىز. «كوزىنەن باسقا ويى جوق» دەگەن اباي ولەڭىندەي ءومىر سەزىمسىز ءوتىپ جاتقانداي كورىنەتىنى تاعى بار. جۇرەكتىڭ كوزىن جۇمۋعا، سەزىمىن سوندىرۋگە استە بولمايدى. وسى ماقساتتا ەلوردادا العاش رەت «جۇرەكپەن كورەمىن» شىعارماشىلىق كورمەسى مەن قاراڭعىلىقتا كەرەمەت كونتسەرت ۇيىمداستىرىلدى.

مادەنيەت جانە سپورت مي­نيس­تر­لىگىنىڭ قولداۋىمەن تا­ۋەل­سىزدىك جانە حالىقارالىق مۇگە­دەك­تەر كۇنىنە وراي «مي­راس-ا» قايىرىمدىلىق قورى­نىڭ ۇيىمداستىرۋىمەن وتكەن «جۇرەكپەن كورەمىن» اتتى شى­عار­­ماشىلىق كورمەگە كەلۋ­شىلەر قاتارى كوپ.

«ميراس-ا» قايىرىمدىلىق قورىنىڭ ديرەكتورى كامشات ۇسەنقىزى «sezin» قايىرىم­دى­لىق جوباسىنىڭ اياسىندا وتكەن كورمەنىڭ ماقساتىن ايتىپ بەردى. «جۇرەكپەن كورەمىن» شىعار­ما­شىلىق كورمەسىنىڭ ماق­ساتى – كەلۋشىلەردىڭ بويىن­داعى ۋا­­يىمىنان ارىلىپ، سۋرەتتەردى جۇ­رەگىمەن سەزىندىرۋ. سەبەبى ولار الدىمەن ماسكا كيۋ ارقىلى سۋ­رەت­تى كوزبەن كورمەي، تەك اۋديو­ديس­كريپتسياسىن تىڭدايدى. سودان كەيىن بارىپ ەلەستەتكەن كارتينانىڭ بەينەسىن كورە الادى»، دەدى ول.

«بۇگىن كەرەمەت كورمەنىڭ وتە­تىنىن ەستىپ، قۋانا جەتتىم. ءىس-شارا­عا قاتىسىپ، ونىڭ اسەرىن سەزىنۋگە كەلدىم. مۇنداي ماڭىزدى شارالاردى مەملەكەت تاراپىنان بولسىن، ازاماتتىق قوعام تاراپىنان بولسىن قولداۋىمىز قاجەت»، دەدى پارلامەنت ءماجىلىسىنىڭ دەپۋتاتى ماقپال تاجماعامبەتقىزى.

ءىس-شارا بارىسىندا ەلىمىزگە جانە الەمگە تانىمال سۋرەتشى، قازاق ۇلتتىق ونەر ۋنيۆەرسيتەتى «بەينەلەۋ جانە مۇسىندەۋ» كا­فەد­راسىنىڭ دوتسەنتى لەيلا بولاتقىزىنىڭ كەرەمەت سۋرەتىنە ەلەستەتۋ ارقىلى بەينەسىن كورۋ جاسالىنىپ، سۋرەتتىڭ سول جەردە اشىلۋ سالتاناتى بولدى.

اتالعان كورمە ءارى قاراي ايرىقشا كونتسەرتكە ۇلاستى. بۇل – قاراڭعىدا وتەتىن جاڭا فور­­ماتتاعى جوبا. كەشتە كوز جانارىنان ەرەكشە قابىلەتتى جاندار اراسىنداعى ۇزدىك انشىلەر مۋزىكالىق تۋىندىلارىن، ءومىر تۋرالى اۆتورلىق شىعارمالارىن سەزىممەن ورىندادى.

«نۇردانا ارعىن ۇلىمەن بىرگە 2019 جىلدان بەرى دۋەت بولىپ ءان شىرقاپ ءجۇرمىز. كونتسەرتكە قا­تىسۋ ءۇشىن تالدىقورعان قالا­سى­نان ارنايى كەلدىك. كون­تسەرتتە ءوزىمنىڭ اۆتورلىق اندەرىم مەن نۇردانامەن «اڭسايمىن جارىق كۇندى» ءانىن شىرقاپ شىقتىق»، دەدى ءانشى العىسبەك داۋەن ۇلى.

سونداي-اق ىلكىمدى ءىس-شاراعا قو­ناق رەتىندە بەلگىلى انشى­لەر، كاسىپكەرلەر، قوعام قاي­رات­­­­كەرلەرى قاتىستى. كەشتى ۇيىم­­­­­داس­­تىرۋشىلار شاراپاتتى شا­­­را­­نىڭ وتۋىنە قولداۋ بىل­دىر­­­گەن مادەنيەت جانە سپورت مي­نيسترلىگى جانە قازاق ۇلتتىق ونەر ۋنيۆەرسيتەتىنە ەرەكشە ال­­عىس­تارىن ايتتى. كەلەر جىلى اتالعان اكتسيانى رەسپۋبليكا كولە­مىندە وتكىزۋ كوزدەلىپ وتىر. كوپ ادامنىڭ جۇرەك كوزىنىڭ اشىلۋىنا سەپ بولعان ءىس-شارانىڭ راسىندا رۋحاني قۇندىلىعى جوعارى بولدى. «جۇرەكتىڭ كوزى اشىلسا، حاقتىڭ تۇسەر ساۋلەسى» دەپ اباي اڭساعان ساۋلەلى ساتتەر سول كۇنى قازاق ۇلتتىق ونەر ۋني­ۆەر­­سي­تەتىندە قاراڭعىدا جا­رىق شاشىپ تۇردى. 

سوڭعى جاڭالىقتار

دەپوزيت تە، كرەديت تە ءوستى

ەكونوميكا • بۇگىن، 08:57

ماسكۇنەمدىك ۇلتتى ازدىرادى

قوعام • بۇگىن، 08:55

سۋبسيديالاۋدىڭ جاڭا جۇيەسى

ەكونوميكا • بۇگىن، 08:53

مەديتسينا اكادەميگى

مەديتسينا • بۇگىن، 08:50

جاساندى ينتەللەكت R&D-زەرتحاناسى

تەحنولوگيا • بۇگىن، 08:45

«اكەم كەلەدى»

ونەر • بۇگىن، 08:35

جاڭارۋ جوسپارى

ايماقتار • كەشە

ءباسى اسپانداعان التىن

ەكونوميكا • كەشە

100 جانە 99

پىكىر • كەشە

پايدالى نۇسقاۋلىق

قوعام • كەشە

قىمبات قۇجات

قازاقستان • كەشە

تەگىن ءبىلىم الادى

ءبىلىم • كەشە

5G: جەلىگە قوسىلۋ جەدەلدىگى

تەحنولوگيا • كەشە

كەستەلى شاپان

جادىگەر • كەشە

قىراۋدان جازىلعان حات

ادەبيەت • كەشە

ۇقساس جاڭالىقتار