ايماقتار • 30 قاراشا، 2022

ەكىباستۇزدا جىلۋ جەلىلەرىندەگى زاقىمدانۋ فاكتىسى بويىنشا تەرگەۋ باستالدى

50 رەت كورسەتىلدى

ەكىباستۇزداعى جىلۋ جەلىلەرىندەگى زاقىمدانۋ فاكتىسى بويىنشا سوتقا دەيىنگى تەرگەۋ باستالدى. ءىستى جۇرگىزۋ پوليتسيا دەپارتامەنتى، ەكونوميكالىق تەرگەۋ دەپارتامەنتى جانە سىبايلاس جەمقورلىققا قارسى ءىس-قيمىل دەپارتامەنتى قىزمەتكەرلەرىنىڭ پاۆلودار وبلىسى بويىنشا ۆەدومستۆوارالىق جەدەل-تەرگەۋ توبىنا تاپسىرىلدى، دەپ حابارلايدى Egemen.kz.

30 قاراشادا پاۆلودار وبلىسىنىڭ پروكۋراتۋراسى جىلۋ جەلىلەرىندەگى ءىرى زاقىمدانۋلار، جەلىلىك سۋدىڭ قىسىمىن تومەندەتۋ جانە «ەكىباستۇزتەپلوەنەرگو» جشس سۋ جىلىتۋ قازاندىقتارىن توقتاتۋ فاكتىسى بويىنشا قازاقستان رەسپۋبليكاسى قىلمىستىق كودەكسىنىڭ 254-بابى بويىنشا «مىندەتتەرگە جوسىقسىز قاراۋ» بويىنشا سوتقا دەيىنگى تەرگەۋدى تىركەدى، ول ءۇشىن بەس جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن»، دەپ حابارلادى پاۆلودار وبلىسىنىڭ پروكۋراتۋراسى.

اپات سالدارىنان قالادا ونداعان كوپقاباتتى جانە جەكە تۇرعىن ۇيلەر، بىرقاتار الەۋمەتتىك نىسان جىلۋدان اجىراتىلدى. 123 تۇرعىن ەۆاكۋاتسيالاندى، ونىڭ ىشىندە بالالار دا بار. ءبىلىم بەرۋ نىساندارى قاشىقتان وقىتۋ فورماتىنا كوشتى، بالاباقشالاردىڭ جۇمىسى توقتاتىلدى.

تەرگەۋ بارىسى وبلىس پروكۋرورىنىڭ جەكە باقىلاۋىنا الىندى.

سوڭعى جاڭالىقتار

ۇقساس جاڭالىقتار