دامۋعا باستار العىشارت

«نۇر وتان» پارتياسى ماڭعىستاۋ وبلىستىق فيليالىندا دەموكراتيالىق كۇشتەردىڭ «قازاقستان-2050» جالپىۇلتتىق كواليتسياسى ماڭعىستاۋ وبلىستىق ۇيىمىنىڭ «ەۋرازيالىق ەكونوميكالىق وداق – ءححى عاسىر سىن-تەگەۋرىندەرىنە جاۋاپ» تاقىرىبىنداعى وتىرىسى ءوتتى. ماڭىزدى وداقتىڭ ءتيىمدى تۇستارى تالقىلانعان جيىنعا وبلىس اۋماعىندا جۇمىس جاسايتىن ساياسي پارتيالاردىڭ, بىرقاتار ۇكىمەتتىك ەمەس ۇيىمداردىڭ, وبلىستىق كاسىپوداقتار فەدەراتسياسىنىڭ باسشىلارى مەن وبلىستىق ارداگەرلەر كەڭەسى, ءدىني بىرلەستىكتەر, باق وكىلدەرى قاتىستى. وتىرىس ماقساتى – دەمو­كراتيالىق كۇشتەردىڭ «قازاق­ستان-2050» جالپىۇلتتىق كوالي­تسياسى مۇشەلەرىنىڭ بەلارۋس, قازاقستان جانە رەسەي مەملەكەتتەرى اراسىنداعى ەۋرازيالىق ەكونو­ميكالىق وداق قۇرۋ تۋرالى شارت­قا قول قويىلۋىنا بايلانىس­تى بۇل قۇجاتتىڭ ماڭىزىن, ءوڭىردىڭ ەكونوميكالىق دامۋىنا تيگىزەتىن وڭ ىقپالىن, ەل ءومىرى ءۇشىن تيىمدىلىگىن جۇرتشىلىققا ءتۇسىندىرۋ, ەڭبەك ۇجىمدارىمەن كەزدەسۋلەر وتكىزىپ, كەڭىنەن ناسيحاتتاۋ. وتىرىستى كوالي­تسيا وبلىستىق ۇيىمىنىڭ ءتورايى­مى, «نۇر وتان» پارتياسى ماڭ­عىستاۋ وبلىستىق فيليالى توراعاسىنىڭ ءبىرىنشى ورىنبا­سارى ح.نۇرعاليەۆا جۇرگىزىپ, «ەۋ­رازيالىق ەكونوميكالىق وداق – دامۋدىڭ داڭعىل جولى» تاقى­رىبىندا بايانداما جاسادى. وتكەن جىلى ماڭعىستاۋ وب­لى­سىنىڭ رەسەي جانە بەلارۋس مەملەكەتتەرىمەن تاۋار اينالىم 113 پايىزدى قۇراعان. رەسەيمەن تاۋار اينالىم 14 پايىزعا ارتىپ, ساۋدا-ساتتىق 207 ميلليون دوللارعا جەتكەن. وڭىردە 122 بىرلەسكەن كاسىپورىن جۇمىس جاساسا, ونىڭ 97 پايىزى رەسەيلىكتەرمەن تىعىز قارىم-قاتىناستا. سوڭعى ءۇش جىلدا وبلىستا 2 مىڭنان استام رەسەيلىك, 80-گە جۋىق بەلارۋس ازاماتى ەڭبەك ەتەدى. وتىرىستا وسىنداي سوڭعى دەرەكتەرمەن قاتار, ەكونوميكالىق ينتەگراتسياعا تىڭ سەرپىن بەرەتىن جاڭا ۇيىمنىڭ قۇرىلۋى, وسى ەۋرازيالىق ەكونو­ميكالىق وداقتىڭ ماڭىزىن جۇرت­شىلىققا ءتۇسىندىرۋ تەتىكتەرى تالقىعا ءتۇستى. جيىندا ءسوز العان «اق جول» پارتياسى وبلىستىق فيليالىنىڭ وكىلى ا. ايازباەۆ, «ازاماتتىق اليانس» زاڭدى تۇلعالار قوعام­دىق بىرلەستىگىنىڭ ءتورايىمى ج.ما­حامبەتوۆا, قازاقستان كوممۋ­نيس­تىك حالىقتىق پارتياسى وبلىستىق فيليالىنىڭ ءبىرىنشى حاتشىسى ر.الدوڭعاروۆا, وبلىستىق ارداگەرلەر كەڭەسىنىڭ توراعاسى ا.عۇماروۆ, «بىرلىك» پارتياسى وبلىستىق فيليالىنىڭ وكىلى ي.بەرنيازوۆ, وبلىستىق «بەكەت اتا» مەشىتىنىڭ باس يمامى س.سەيىت­بەك ۇلى, «بلاگوۆەششەنسكي پريحود ۋرالسكوي ەپارحي» شىركەۋى­نىڭ باسشىسى ي. ۆىريكوۆ, «بوەۆوە براتستۆو» اۋعان سوعىسى اردا­گەرلەرى ۇيىمىنىڭ توراعاسى ن.قاراجانوۆ, ورالمانداردىڭ «تۋعان ەل» قوعامدىق بىرلەستىگىنىڭ توراعاسى ە.كەمالادين ۇلى, «اۋىل» سوتسيال-دەموكراتيالىق پارتياسى موف توراعاسى ق.جەتكىزگەن ەۋرازيالىق ەكونوميكالىق وداق­تىڭ ەلىمىزدىڭ تاۋەلسىزدىگىنە نۇقسان كەلتىرمەي, ەكونوميكالىق سيپاتتا قۇرىلعاندىعىن جانە سول باعىتتا جۇزەگە اساتىندىعىن ايتىپ, ونىڭ جۇمىسىنان ماڭىزدى جەتىستىكتەر كۇتەتىنىن ورتاعا سالدى. – بۇل – ەلىمىزدىڭ ءال-اۋقاتىن ارتتىرۋعا, ەكونوميكاسىن, مادەنيەتىن كوتەرۋگە نەمەسە اي­ما­عىمىزدا, قازاقستاندا جاڭادان اشىلاتىن ءوندىرىس ورىندارى سانىن كوبەيتۋگە وڭ ىقپال ەتەتىن شارت. وتىرىستا تالقىلانعان بايانداما نەگىزىندە دەموكراتيالىق كۇشتەر جالپىۇلتتىق كواليتسياسىنىڭ شەشىمى قابىلداندى. كواليتسيا مۇشەلەرىنىڭ قازىرگى تاڭداعى باستى مىندەتى – قازاقستاننىڭ تاۋەلسىزدىگىن نىقتاي تۇسۋمەن قاتار, ەكونوميكالىق الەۋەتىن ودان ءارى ارتتىراتىنىن جۇرتشىلىققا كەڭىنەن ءتۇسىندىرۋ, – دەدى «اۋىل» سوتسيال-دەموكراتيالىق پارتياسى موف توراعاسى ق.جەتكىزگەن. جيىن سوڭىندا جەتەكشى پارتيا باستاپ, بارلىق ۇيىمدار مەن مەكەمەلەر قوستاپ, وبلىستىڭ تۇكپىر-تۇكپىرىندە حالىق اراسىندا ءتۇسىندىرۋ, ناسيحاتتاۋ جۇمىستارىن جۇرگىزۋ ءۇشىن ارنايى جوسپار جاسالاتىن بولدى. رايحان راحمەتوۆا, «نۇر وتان» پارتياسى وبلىستىق فيليالىنىڭ ءباسپاسوز حاتشىسى. اقتاۋ.