اقپاراتتار اعىنى

* بيىلعى جىلدىڭ 5 ايىندا «جۇمىسپەن قامتۋ» باعدارلاماسى بويىنشا 40 مىڭنان استام ازامات جۇمىسقا ورنالاستى. بۇل تۋرالى كەشە مالىمدەگەن ەڭبەك جانە حالىقتى الەۋمەتتىك قورعاۋ ءمينيسترى تامارا دۇيسەنوۆا جىل سوڭىنا دەيىن ءوزىن ءوزى جۇمىسپەن قامتىعان, جۇمىسسىزدار مەن از قامتاماسىز ەتىلگەن ادامدار قاتارى 154 مىڭعا جەتەتىنىن ايتتى. * پاۆلوداردا بيىل ايماقتىق تەحنوپارك اشىلاتىن بولدى. وبلىس اكىمىنىڭ ءبىرىنشى ورىنباسارى دۇيسەنباي تۇرعانوۆتىڭ ايتۋىنشا,  قازىرگى تاڭدا جەرگىلىكتى جوعارى وقۋ ورىندارى مەن ونەرتاپقىشتار ءارتۇرلى سالالاردا 200-گە جۋىق عىلىمي-زەرتتەۋ جۇمىستارىن جۇرگىزۋدە. ال جاڭا ورتالىق  قىزمەتى جەكە-جەكە عىلىمي يدەيالار مەن ازىرلەمەلەردى شوعىرلاندىرۋعا, عىلىمي-زەرتتەۋ جۇمىستارىن جۇرگىزۋگە جانە زاما­ناۋي يننوۆاتسيالىق تەحنولوگيالاردى ەنگىزۋگە باعىتتالادى. * وڭتۇستىك قازاقستاندا ستۋدەنت-جاستار ەۋرازيالىق وداق تۋرالى ويلارىن ورتاعا سالدى. وبلىستىق مەملەكەتتىك پەداگوگيكالىق ينس­تيتۋتتا وتكەن بۇل جيىندا ايماق باس­شىسى اسقار مىرزاحمەتوۆ جاس تولقىننىڭ كوپتەگەن سۇراقتارىنا جاۋاپ بەرە كەلىپ, ولاردى بۇقا­رالىق مادەنيەتتى كوتەرۋ, جو­عا­رى ادامگەرشىلىك قاسيەتتەردى قا­لىپ­تاستىرۋ سياقتى بۇكىل قوعام بولىپ اتقاراتىن شارالارعا بەلسەنە ات­سالىسۋعا شاقىردى. * قازاقستانداعى العاشقى اەس كۋرچاتوۆ قالاسىندا سالىنادى. ۇلتتىق يادرولىق ورتالىق تاراتقان اقپاراتتا بۇل ستانسانىڭ ەلىمىز شىعىس وڭىرىندە بوي كوتەرۋىنە وندا قۋات كوزدەرىنە دەگەن سۇرانىستىڭ جىلدان جىلعا ارتىپ كەلە جاتقانى نەگىزگى سەبەپ بولدى. * قىزىلوردادا «بيزنەستىڭ جول كارتاسى-2020» باعدارلاماسى اياسىندا قۇنى  1 ملرد. 715 ملن. تەڭگەنى قۇرايتىن 13 جوبا جۇزەگە اسىرىلۋدا. قالا اكىمى نۇرلىبەك نالىباەۆ وبلىس ورتالىعىندا  جىل باسىنان بەرى كاسىپكەرلەر قاتارى 300-دەن اسا سۋبەكتىمەن تولىعىپ, ولاردىڭ 26309-دى قۇراعانىن ايتىپ وتىر. * الماتىدا 2 مىڭنان اسا ءبۇل­دىر­شىن بالاباقشامەن قامتىلادى. جالپى, بيىل مۇندا 18 مەملەكەتتىك بالاباقشانىڭ قۇرىلىسى جوسپار­لانعان. ولاردىڭ 16-سى جىل ءىشىن­دە بەرىلەدى. قالالىق ءبىلىم باسقار­ماسىنىڭ باسشىسى راحات شيماشەۆا  قالعان 640 ورىندىق 2 بالاباقشانىڭ 2015 جىلدىڭ ەنشىسىندە تۇرعانىن جەتكىزدى. * كەشە «استانا-شىمكەنت» با­عىتىنداعى جاڭا جولاۋشىلار پويى­زى جولعا شىقتى. قۇرام «تالگو» جۇردەك ۆاگوندارىنان جاساقتالعان. وندا 22 ۆاگون بار. بولات جولدىڭ كو­لىگى استانادان شىمكەنتكە دەيىن 15 سا­عات 35 مينۋتتا جەتسە, قايتار جول­دى 16 ساعات 01 مينۋتتا كوكتەي وتەدى. * قوستاناي وبلىسىنىڭ 356 وقۋشىسى جازعى دەمالىستارىن مەكتەپ ورمان شارۋاشىلىقتارىندا وتكىزەدى. وبلىستىق ءبىلىم بەرۋ باسقارماسىنىڭ باستىعى ءۇ.تورتقاراەۆانىڭ ايتۋىنا قاراعاندا, ولار وسى مەزگىلدە ەڭبەك جانە ەكولوگيالىق تاربيە الادى, ورمان الاپتارىن تازالاۋ, تۋعان ولكەنىڭ تابيعاتىن زەرتتەۋ جۇمىسىمەن اينالىسادى. «قازاقپارات», BNews.kz, اltaynews.kz, Alau.kz, Egemen.kz حابارلارى بويىنشا دايىندالدى.