الماتى وڭىرلىك قارجى ورتالىعىنا اينالادى

كەشە ورتالىق كوممۋنيكاتسيالار قىزمەتىندە ۇلتتىق بانك توراعاسى قايرات كەلىمبەتوۆ ءباسپاسوز ءماسليحاتىن وتكىزدى. وندا الماتىدا وڭىرلىك قارجى ورتالىعىن قۇرۋ جانە ونىڭ جۇمىس ىستەۋ ماسەلەلەرى تۋرالى ايتىلدى. بۇيىرتسا, 2020 جىلعا دەي­ىن الماتى قالاسىنداعى قار­جى ورتالىعىن دامىتۋ تۇ­جى­رىمداماسى بيىلعى جىل­دىڭ سوڭىنا دەيىن قابىلدانباق ەكەن. ول جونىندە بريفينگتە ۇلتتىق بانك توراعاسى ايتتى. «الماتىدا قارجى ورتالىعىن قۇرۋ باستاماسى, وسى ۋاقىتقا دەيىن ءتيىستi دەڭگەيدە دامى­تىلعان جوق بولاتىن. دەسەم دە, مەملەكەت باسشىسىنىڭ تاپ­سىرماسىمەن بۇگىن ۇكiمەت ۇلت­تىق بانكپەن بiرگە بۇل باعىتتا بiرقاتار ناقتى شەشiمدەردi كەڭ تالقىلاپ, قابىلدادى. ناتيجەسىندە, قارجى ورتا­لىعىنىڭ 2020 جىلعا دەيiنگi دامۋ تۇجىرىمداماسى تولى­عىمەن قايتا قارالادى. ەندى بۇل قۇجات اعىمداعى جىلدىڭ جەلتوقسان ايىنا دەيiن قا­بىل­داناتىن بولادى», دەدi ق.كەلiمبەتوۆ. اتالعان قۇجاتتى ازiرلەۋگە بارلىق مەملەكەتتiك ورگاندارى تارتىلىپتى. سونداي-اق, بۇل ىسكە ەۋروپا قايتا قۇرۋ جانە دامۋ بانكi, ازيا دامۋ بانكi, دۇنيەجۇزiلiك بانك پەن يسلام دامۋ بانكiنiڭ ماماندارى دا جۇمىلدىرىلىپتى. ەندىگىدە قارجى ورتالىقتارىنىڭ دامۋ سالاسىنىڭ جەتەكشi ماماندارى دا بۇل جۇمىسقا قاتىسپاق نيەتتە ەكەن. «تاياۋدا استانا ەكونوميكالىق فورۋمى اياسىندا ۇكiمەت يسلام دامۋ بانكiمەن 2 ملرد. اقش دوللارى كولەمiندە ينۆەستيتسيا تارتۋ تۋرالى كەلiسكەن بولاتىن. سول كەلiسiم اياسىندا ۇلتتىق بانك پەن يسلام دامۋ بانكi اراسىندا كەزدەسۋلەر ءوتتi. كەزدەسۋدە الماتىنى ورتالىق ازياداعى يسلام دامۋ بانكiنiڭ ايماقتىق حابىنا اينالدىرۋدى كەلiستiك», دەيدi ق.كەلiمبەتوۆ. ۇلتتىق بانك قازاقستاندا يسلام قارجىلاندىرۋ ماماندارىن دايارلاۋعا بەل بۋىپ, قارجى بولمەك ەكەن. اۋەلگىدە يسلام قارجىلاندىرۋى بويىنشا الەمدiك دەڭگەيدەگi 50-گە جۋىق ادامدى دايارلاۋدى جوسپارلاپ قويىپتى. نۇرباي ەلمۇراتوۆ, «ەگەمەن قازاقستان».