بالالار ۇيىندە بولدى

قازاقستان رەسپۋبليكاسى پرەزيدەنتىنىڭ جانىن­داعى ادام قۇقىقتارى جونىندەگى كوميسسيانىڭ مۇشەلەرى كوميسسيا توراعاسى قۋانىش سۇلتا­نوۆتىڭ باسشىلىعىمەن «استانا قالاسى اكىمدىگىنىڭ مامانداندىرىلعان بالالار ءۇيى» مەملەكەتتىك كوممۋنالدىق مەكەمەسىنە بارىپ قايتتى. تۋعان كەزىنەن باستاپ 4 جاسقا دەيىن­گى بالالار تولىق مەملەكەت تاراپىنان قامتاماسىز ەتىلەتىن بالالار ۇيىنە بارۋدىڭ ماقساتى وسى مەكەمەدەگى بالالاردىڭ ءومىر ءسۇرۋ جاعدايىمەن, ولاردىڭ قازاق­ستان رەسپۋبليكاسىنىڭ كونستي­تۋتسياسىمەن جانە قولدانىستاعى زاڭنامالىق اكتىلەرىمەن, قازاق­ستاننىڭ بالا قۇقىقتارىن قورعاۋ سالاسىنداعى حالىقارالىق ءمىن­دەت­تەمەلەرىمەن, اتاپ ايتقاندا, بىرىككەن ۇلتتار ۇيىمىنىڭ با­لا قۇ­قىقتارى تۋرالى كونۆەن­تسيا­سى­مەن كەپىلدىك بەرىلگەن قۇقىق­تارى­نىڭ ساقتالۋىمەن تانىسۋ بولدى. بالالار ءۇيىنىڭ تاربيە­شىل­ەرى­مەن, پەداگوگتارىمەن, پسيحولوگ ما­مان­دارىمەن جانە مەديتسينا قىز­مەتكەرلەرىمەن, باسقا دا قىزمەتكەرلەرىمەن اڭگىمەلەسۋ بارىسىندا كوميسسيا مۇشەلەرى بالالاردىڭ ۇيلەسىمدى دامۋ, دەنساۋلىعىن ساقتاۋ جانە بىلىك­تى مەديتسينالىق كومەك الۋ كونس­تي­تۋتسيالىق قۇقىقتارىنىڭ قامتا­ماسىز ەتىلۋى, قازاقستان مەن باسقا شەتەل ازاماتتارىنىڭ بالالاردى اسىراپ الۋ ماسەلەلەرىنە ەرەكشە كوڭىل ءبولدى. بالالار ۇيىنە بارعاندا جي­نالعان ماتەريالدار كوميسسيانىڭ ارنايى بايانداماسىنا ەنگىزىلەتىن بولادى. بۇل ءىس-شارا پرەزيدەنت اكىم­شىلىگىنىڭ جانە پرەزيدەنت جانىن­داعى ادام قۇقىقتارى ءجونىن­دەگى كوميسسيانىڭ 2014 جىلعا ار­نال­عان جۇمىس جوسپارلارىنا سايكەس جانە بالالاردى قورعاۋ­دىڭ حالىقارالىق كۇنىنە وراي جۇرگىزىلدى. «ەگەمەن-اقپارات».