شاراينا
اقش ارنايى قىزمەتىنىڭ بۇرىنعى قىزمەتكەرى ەدۆارد سنوۋدەن برازيليا بيلىگىنەن ۋاقىتشا باسپانا بەرۋدى رەسمي تۇردە سۇرادى. «فرانس-پرەسس» اگەنتتىگىنىڭ اقپاراتتارىنا قاراعاندا, وسىنداي ءوتىنىشتى ول بىرقاتار ەلدەرگە دە جولداعان سياقتى.
برازيليانىڭ سىرتقى ىستەر مينيسترلىگى سنوۋدەننەن وسى ماسەلەگە قاتىستى ءوتىنىش تۇسپەگەنىن ايتادى. ەدۆارد سنوۋدەن «Globo TV» تەلەارناسىنا بەرگەن سۇحباتىندا ءوزىنىڭ رەسەيگە قالاي كەلگەنىن اتاپ وتەدى. ونىڭ ايتۋىنشا, گونكونگتان ترانزيتتىك باعىت بويىنشا ەكۆادورعا ماسكەۋ ارقىلى ۇشقان. ول رەسەيدە قالۋدى جوسپارلاماعان. ەڭ باستى سەبەپ, اقش ۇكىمەتىنىڭ تولقۇجاتىن جارامسىز دەپ شەشىم شىعارۋى بولعان. اتاپ وتەيىك, وتكەن جىلدىڭ تامىزىندا رەسەي سنوۋدەنگە ءبىر جىل مەرزىمگە ۋاقىتشا باسپانا بەرگەن بولاتىن.
قورعانىس ءمينيسترىن اۋىستىردى
وڭتۇستىك كورەيانىڭ پرەزيدەنتى ەلدىڭ قورعانىس ءمينيسترى كيم گۆان ءچجيندى مينيستر قىزمەتىنەن بوساتتى, ونى ءوزىنىڭ ۇلتتىق قاۋىپسىزدىك ماسەلەلەرى جونىندەگى كومەكشىسى ەتىپ تاعايىندادى.
«رەنحاپ» اگەنتتىگىنىڭ حابارلاۋىنشا, كورەيانىڭ قورعانىس ءمينيسترى لاۋازىمىنا حان مين كۋ وتىرۋى مۇمكىن. «سەۆول» پارومى اپاتقا ۇشىراعاننان كەيىن وسى ەلدە بىرقاتار اسكەري باسشىلار قىزمەتىنەن الىنعان بولاتىن. مىسالى, پرەزيدەنت جانىنداعى ۇلتتىق قاۋىپسىزدىك باسقارماسىنىڭ باستىعى كيم چجون سۋ وتستاۆكاعا كەتكەن ەدى. كەيبىر بولجامدارعا قاراعاندا, «سەۆول» پارومىنىڭ اپاتى, وندا قازا تاپقان ادامدار سالدارى ءالى ءبىراز باسشىعا قاۋىپ توندىرەتىن سەكىلدى.
ابحازيا پرەزيدەنتى وتستاۆكاعا كەتتى
تانىلماعان ابحازيا رەسپۋبليكاسىنىڭ پرەزيدەنتى الەكساندر انكۆاب وتستاۆكاعا كەتەتىنىن مالىمدەدى. بۇل جونىندە «اپسنىپرەسس» اگەنتتىگى اقپارات تاراتتى.
«ابحازيا رەسپۋبليكاسى كونستيتۋتسياسىنىڭ 65-بابىنا سايكەس, ەلدە تۇراقتىلىقتى ساقتاۋ ماقساتىندا وتستاۆكاعا كەتۋ تۋرالى شەشىم قابىلدادىم, – دەلىنگەن ونىڭ مالىمدەمەسىندە. – ەل تۇرعىندارىن ازاماتتىق بىرلىكتى ساقتاۋعا شاقىرامىن». مامىر ايىنىڭ سوڭىندا ابحازيادا وپپوزيتسيا ەرەۋىلگە شىعىپ, ولار پرەزيدەنت اكىمشىلىگىن, سونداي-اق, ۇكىمەت پەن مەملەكەتتىك تەلەارنالاردى باسىپ العان بولاتىن. الەكساندر انكۆابتىڭ سوزىنە قاراعاندا, بيلىك وپپوزيتسيامەن كەلىسسوز جۇرگىزۋگە نيەتتەنگەن. بىراق, ورتاق كەلىسىمگە قول جەتكىزە الماعان. قان توگىلمەۋى ءۇشىن وسىنداي قادام جاسالىپ وتىرعان سەكىلدى. سونىمەن قاتار, ول مالىمدەمەسىندە ەل پارلامەنتىنىڭ شەشىمىمەن سايلانعان پرەزيدەنتتىڭ مىندەتىن ۋاقىتشا اتقارۋشى ۆالەري بۋگانبۋدىڭ قىزمەتى كونستيتۋتسياعا سايكەس كەلمەيتىنىن دە اتاپ وتكەن.
قاۋىپسىزدىك كەڭەسىن رەسەي باسقارادى
1 ماۋسىمنان باستاپ رەسەي بىرىككەن ۇلتتار ۇيىمىنا توراعالىق ەتۋدى قولعا الدى. رەسەيدىڭ بۇۇ-داعى تۇراقتى وكىلى ۆيتالي چۋركيننىڭ ايتۋىنشا, رەسەيدىڭ توراعالىعى «اسا قاۋىرت» بولماق.
تۇراقتى وكىلدىڭ ايتۋىنشا, كۇن ءتارتىبى بويىنشا, تاياۋ شىعىس پروبلەمالارىنا باسا كوڭىل اۋدارىلادى. سونداي-اق, يەمەن, ليۆيا جانە سيريا ماسەلەلەرى قاراستىرىلادى. بۇل نەگىزىنەن وسى ەلدەرگە گۋمانيتارلىق كومەكتەر كورسەتۋگە بايلانىستى. ديپلوماتتىڭ سوزىنە قاراعاندا, وسى ماۋسىم ايىندا سۋدان, وڭتۇستىك سۋدان, تاعى باسقا دا ەلدەردەگى پروبلەمالاردى شەشۋ ماسەلەلەرى بار. بۇۇ قاۋىپسىزدىك كەڭەسى ون بەس ەلدەن تۇرادى, وعان بەس مەملەكەت تۇراقتى مۇشە بولسا, سولاردىڭ ءبىرى – رەسەي.
توراعالىققا قارسىلار دا بار
ۇلىبريتانيانىڭ پرەمەر-ءمينيسترى دەۆيد كەمەرون, ەگەر ەۋروپالىق كوميسسياعا ليۋكسەمبۋرگتىڭ پرەمەر-ءمينيسترى جان-كلود يۋنكەر سايلاناتىن بولسا, ۇلىبريتانيانىڭ بۇل وداققا مۇشە بولاتىنىنا كەپىلدىك بەرە المايتىنىن ايتقان.
بريتاندىق پرەمەر-مينيستر بۇل جەردە بىرىككەن كورولدىكتىڭ ەۋروپالىق وداقپەن اراقاتىناسىن ايتىپ وتىر. وداقتىڭ ەۋروپالىق كوميسسياسى وعان مۇشە ەلدەردىڭ حالقى تاڭداعان ادامداردى سايلايدى. ال كەمەرون ۇلىبريتانيانىڭ ەۋرووداققا مۇشە بولۋى 2015 جىلعى سايلاۋدا جانە 2017 جىلعى وتەتىن رەفەرەندۋمدا بەلگىلى بولاتىنىن العا تارتادى.
امەريكالىق اسكەري ءىستى بولدى
قىرعىزستاندا وسى ەلدە ورنىققان امەريكالىق اسكەري بازاسىنىڭ قىزمەتكەرى ءىستى بولدى. ول ءتورت جىلعا باس بوستاندىعىنان ايىرىلدى.
اسكەري مەنەدجەر نە ءۇشىن ءىستى بولعان دەگەنگە كەلسەك, ول 22 جاستاعى ايەل زاتىنا «جاقىنداسۋىن» وتىنسە كەرەك. ونىمەن قويماي, ماساڭ كۇيدەگى ول ايەلدى زورلاماق بولعان كورىنەدى. امەريكالىققا قاتىستى قوزعالعان قىلمىستىق ءىس وسىلاي دەيدى.
قىسقا قايىرىپ ايتقاندا: ء*ۇندىستاندا تاعى ءبىر شتات پايدا بولدى. ونىڭ اتاۋى – تەلەنگون. بۇل وسى ەلدەگى جيىرما توعىزىنشى شتات بولىپ تابىلادى. *الەمگە ايگىلى فۋتبولشى پەلەنىڭ ۇلى – ە.چ.نەسيمەنتۋ بۇرىن «سانتوس» فۋتبول كلۋبىندا قاقپاشى بولعان ەكەن. ول ەسىرتكى بيزنەسىمەن اينالىسىپتى. جازاسى – 33 جىل تۇرمە. * ۇلىبريتانيادا ۋينستون چەرچيللدىڭ ۇلكەن قىزى مەري سوامس قايتىس بولدى. ول 92 جىل عۇمىر كەشكەن ەكەن. ماحاچكالاداعى ءبىر بالالار كلۋبىنان شىققان جاسوسپىرىمدەر ءوزىن ناشار سەزىنگەن. تەكسەرە كەلگەندە, 15 ءجاسوسپىرىمنىڭ تاماقتان ۋلانعانى انىقتالدى.
ينتەرنەت ماتەريالدارى نەگىزىندە ازىرلەندى.
