الماتىنى قارجى ورتالىعى رەتىندە دامىتۋدىڭ جاڭا تۇجىرىمداماسى قابىلدانادى

استانا. 2 ماۋسىم. 29 مامىردا ەۋرازيالىق ەكونوميكالىق وداق قۇرۋ تۋرالى شارتقا قول قويىلعان كەزدە مەملەكەت باسشىسى الماتىنى وسى باستان ەۋرازيالىق ەكونوميكالىق وداقتىڭ قارجىلىق ورتالىعى رەتىندە قۇرا باستاۋدى ۇسىنعان بولاتىن. وسىعان بايلانىستى ۇلتتىق بانك توراعاسى قايرات كەلىمبەتوۆ جەلتوقسانعا قاراي ارنايى تۇجىرىمداما قابىلداناتىنىن مالىمدەدى. بۇل تۋرالى gazeta.kz حابارلادى. قايرات كەلىمبەتوۆ: «الماتىنى 2020 جىلعا دەيىن قارجىلىق ورتالىق رەتىندە دامىتۋدىڭ تۇجىرىمداماسى قايتا قارالىپ, بۇل قۇجات 2014 جىلدىڭ 1-ءشى جەلتوقسانىنا دەيىن قابىلدانۋعا ءتيىس. قۇجاتتى دايىنداۋ ءۇشىن بۇكىل مەملەكەتتىك ورگاندار تارتىلىپ, ەۋروپالىق قايتا قۇرۋ مەن دامۋ بانكى, ازيالىق دامۋ بانكى, دۇنيەجۇزىلىك بانكى جانە يسلام دامۋ بانكىنىڭ كونسۋلتانتتارى قاتىستىرىلادى», – دەدى. ۇلتتىق بانك توراعاسىنىڭ ايتۋىنشا, بۇل ستراتەگيالىق قۇجاتتا الماتى قالاسىنىڭ ينفراقۇرىلىمىن دامىتۋ, بيزنەس ورتانى, ىسكەرلىك احۋالدى جاقسارتۋ ماسەلەلەرى ەسكەرىلەدى. سونداي-اق, جاڭا تۇجىرىمدامادا ايماقتىق قارجىلىق ورتالىق اكادەمياسى جۇمىسىن قايتا قولعا الۋ, سايكەستى ماماندار دايارلايتىن جاڭا وقۋ ورتالىعىن قۇرۋ ماسەلەسى دە قامتىلادى. جولدىباي بازار. دەرەككوز: gazeta.kz. فوتو: gazeta.kz.