ەۋرازيالىق ەكونوميكالىق وداق جابىق ۇيىم ەمەس

استانا. 2 ماۋسىم. ەۋرازيالىق ەكونوميكالىق وداق ساۋدا, ىنتىماقتاستىق ءۇشىن اشىق ۇيىم. سىرتقى ىستەر ءمينيسترى ەرلان ىدىرىسوۆ ورتالىق كوممۋنيكاتسيالار قىزمەتىندە وتكەن بريفينگتە وسىلاي دەدى. بۇل تۋرالى egemen.kz ءتىلشىسى حابارلادى. ە.ىدىرىسوۆ: «ەۋرازيالىق ەكونوميكالىق وداق جابىق ۇيىم ەمەس. بۇل ۇيىم ءوز الدىنا ۇزاق مەرزىمدى ماقسات-مىندەتتەر قويىپ وتىر», – دەدى. جالپى, ەۋرازيالىق ەكونوميكالىق وداقتىڭ قاتىسۋشىلارى ءوز الدىنا ەركىن مەملەكەتتەر. سىرتقى ىستەر ءمينيسترىنىڭ ايتۋىنشا, وداق قۇرۋ تۋرالى شارت مۇشە-مەملەكەتتەردىڭ سىرتقى ساياساتتاعى ەركىندىگىنە بوگەت بولمايدى. ەۋرازيالىق ەكونوميكالىق وداققا مۇشە ەلدەر تاۋەلسىز مەملەكەتتەر بولىپ قالا بەرەدى. ەستەرىڭىزگە سالا كەتەيىك, قازاقستان, رەسەي جانە بەلارۋس ەلدەرىنىڭ پرەزيدەنتتەرى ەۋرازيالىق ەكونوميكالىق وداق قۇرۋ تۋرالى شارتقا 29 مامىردا استانادا قول قويدى. بۇل وداق 2015 جىلدىڭ ءبىرىنشى قاڭتارىنان باستاپ جۇمىسىن ىسكە كىرىسەدى دەپ كۇتىلۋدە. جولدىباي بازار. دەرەككوز: egemen.kz. فوتو: primeminister.kz.