ساياسي قۋعىن-سۇرگىن قۇرباندارىن ەسكە الۋ كۇنىنە ارنالعان «تاريحتان – تاعىلىم, وتكەنگە – تاعزىم» اتتى حالىقارالىق عىلىمي-پراكتيكالىق كونفەرەنتسياعا قاتىسۋشىلاردىڭ قازاقستان رەسپۋبليكاسىنىڭ پرەزيدەنتى ن.ءا. نازارباەۆقا
ۇندەۋى
قۇرمەتتى نۇرسۇلتان ءابىش ۇلى! قازاقستان حالقى اسسامبلەياسىنىڭ 20 جىلدىعى قارساڭىندا ساياسي قۋعىن-سۇرگىن جانە اشارشىلىق قۇرباندارىن ەسكە الۋ كۇنىن اتاپ وتە وتىرىپ, قازاقستان حالقى اسسامبلەياسى باستاماشى بولعان «تاريحتان – تاعىلىم, وتكەنگە – تاعزىم» حالىقارالىق فورۋمىنا قاتىسۋشىلار, ءسىزدىڭ بەيبىتشىلىك, قوعامدىق كەلىسىم جانە ەل بىرلىگىن كوزدەيتىن ساياساتىڭىزدىڭ ماڭىزدى باسىمدىقتارىنىڭ ءبىرى – بۇگىنگى جانە كەلەشەك ۇرپاققا ۇلگى بولاتىن تاريحي سانانى ساقتاۋ ەكەنىن مالىمدەيمىز. ءسىزدىڭ ساياسي ەرىك-جىگەرىڭىزدىڭ ارقاسىندا قازاقستان حالىقارالىق قوعامداستىقتىڭ اراسىندا تولەرانتتىلىق جانە حالىقتار اراسىندا سەنىمدىلىك قوعامدىق مادەنيەتتىڭ نورماسى بولىپ تابىلاتىن جانە ادامگەرشىلىكتى ناسيحاتتايتىن ساياساتى بار مەملەكەتكە اينالدى. ءبىزدىڭ جالپىعا ورتاق تاريحىمىزعا وبەكتيۆتى جانە شىنايى كوزقاراسىمىزدى قالىپتاستىراتىن جانە جىبەرىلگەن قاتەلىكتەردى قايتالاماۋ ءۇشىن ساباق بولاتىن توتاليتارلىق تەررور, حالىقتاردىڭ كۇشتەپ جەر اۋدارىلۋلارى, ساياسي قاماۋلار جانە رەپرەسسيالار تاريحىن زەرتتەۋ بويىنشا زور ەڭبەكتى اتاپ وتىرمىز. اشتىق زارداپتارىن كورگەنىنە قاراماستان, قازاق حالقىنىڭ تولەرانتتىلىعى, كەڭپەيىلدىگى, دانالىعى جانە قوناقجايلىعىنىڭ ارقاسىندا ءجۇز مىڭداعان ادام ءتىرى قالىپ, تۇتاستاي حالىقتار امان قالدى. ءسىزدىڭ قولداۋىڭىزبەن قازاقستاندا 2010 جىلدان بەرى «تاريحتان – تاعىلىم, وتكەنگە – تاعزىم» حالىقارالىق اكتسياسىن وتكىزۋ داستۇرگە اينالدى. بۇگىنگى كۇنى بۇكىل حالىق وسى اكتسياعا قاتىسادى, ونىڭ اياسىندا 2123 ءىس-شارا ءوتكىزىلىپ, ولاردىڭ قىزمەتىنە 350 مىڭ ادام بەلسەنە ارالاسادى. بيىل كەزەكتى ەستافەتانى الاش ۇلت-ازاتتىق قوزعالىسىنىڭ وتانى, ۇلى ابايدىڭ تۋعان جەرى – شىعىس قازاقستان وبلىسى سەمەي قالاسى الدى. جالپىۇلتتىق سانا-سەزىمدى دامىتۋ, بەيبىتشىلىك, رۋحانيات جانە كەلىسىم مادەنيەتىن نىعايتۋ بويىنشا تاعى ءبىر ۇلكەن قادام جاسالدى. ءبىز, «تاريحتان – تاعىلىم, وتكەنگە – تاعزىم» حالىقارالىق فورۋمىنا قاتىسۋشىلار, الەمدە كەڭىنەن مويىندالعان ءسىزدىڭ قوعامدىق كەلىسىم جانە ەل بىرلىگىن ساقتاۋدىڭ ساليقالى ساياساتىڭىزدى تولىق قولدايتىنىمىزدى مالىمدەيمىز. ءبىز تاريحي سانامىزدى ساقتاي وتىرىپ, ىنتىماقتاستىق پەن سەنىمدىلىكتىڭ ۇلتتىق قۇندىلىقتارىن قالىپتاستىرۋ ارقىلى, ءوزىمىزدىڭ ورتاق ماقساتىمىزعا – قازاقستاننىڭ تۇراقتى دامۋىنا جانە گۇلدەنۋىنە قول جەتكىزەتىنىمىزگە نىق سەنىمدىمىز! 2014 جىلعى 30 مامىردا, سەمەي قالاسىندا وتكەن «تاريحتان – تاعىلىم, وتكەنگە – تاعزىم» حالىقارالىق فورۋمىندا قابىلداندى
