بۋندەستاگ دەپۋتاتىمەن كەزدەستى

قازاقستان مەن گەرمانيانىڭ اراسىنداعى پارلامەنتارالىق قۇرىلىمدار اياسىنداعى ءوزارا ءىس-قيمىل, ەكىجاقتى ساياسي جانە ساۋدا-ەكونوميكالىق ىنتىماقتاستىقتى دامىتۋ ماسەلەلەرى قازاقستان رەسپۋبليكاسى پارلامەنتى سەناتى حالىقارالىق قاتىناستار, قورعانىس جانە قاۋىپسىزدىك كوميتەتىنىڭ توراعاسى يكرام ادىربەكوۆ پەن بۋندەستاگ دەپۋتاتى اكسەل فيشەردىڭ كەزدەسۋى بارىسىندا تالقىلاندى. كەزدەسۋ كەزىندە ي.ادىربەكوۆ استانا مەن بەرلين اراسىنداعى ارىپتەستىك قاتىناستاردىڭ ستراتەگيالىق سيپاتىن اتاپ ءوتىپ, ەكى ەل پارلامەنتشىلەرىنىڭ ارا­سىنداعى ءوزارا ءىس-قيمىلدىڭ ۇدەي تۇسەتىنىنە سەنىم ءبىلدىردى. اتاپ ايت­قاندا, ول ەۋروپا كەڭەسى جانە ەقىۇ پار­لامەنتتىك اسسامبلەيالارى اياسىندا قا­زاقستان مەن گەرمانيانىڭ دەلەگاتسيالارى اراسىنداعى جەمىستى ىنتىماقتاستىققا نازار اۋداردى. ا.فيشەر قازاقستان پرەزيدەنتى نۇر­سۇلتان نازارباەۆتىڭ كورەگەن ساياساتىن جانە «قازاقستان-2050» ستراتەگياسىندا ايتىلعان يدەيالارىنىڭ وزەكتىلىگىن اتاپ ءوتتى. ەكپا-داعى گەرمانيا دەلە­گا­تسياسىنىڭ جەتەكشىسى رەتىندە ول اس­سام­بلەيانىڭ باسىم باعىتتارى بويىنشا قازاقستاننىڭ جۇمىستارىن قولداۋ تۋرالى ايتتى. ودان باسقا, نەمىس دەپۋتاتى ەكسپو-2017 قارساڭىندا گفر كاسىپ­ورىندارىنىڭ قازاقستان ەكونوميك­اسىن ينۆەستيتسيالاۋعا مۇددەلىلىگىن ناق­تىلادى. تاراپتار سونداي-اق, حالىق­ارالىق جانە ايماقتىق ساياساتتىڭ وزەكتى ماسەلەلەرىن تالقىلادى. كەزدەسۋگە سەناتورلار ورىنباي راح­مانبەرديەۆ پەن گەورگي كيم قا­تىس­تى, دەپ حابارلادى سەناتتىڭ ءباسپاسوز قىزمەتى.