فيلم تەحنولوگيانىڭ دامۋ داۋىرىندە تۇسىنىكسىز جانە ماڭىزدى ەمەس بولىپ قالۋدان قورقاتىن اقىن تۋرالى باياندايدى. ستسەناري نەمىس جازۋشىسى گەرمان گەسسەنىڭ «اۆتورلىق كەش» اڭگىمەسىنە نەگىزدەلگەن. تاسپانىڭ ءتۇسىرىلىمى الماتى, الماتى وبلىسى جانە اتىراۋدا ءوتتى. باستى كەيىپكەردى بەلگىلى ءانشى جانە مۋزىكانت ەردوس قاناەۆ سومدادى.
ەستەرىڭىزگە سالا كەتەيىك, ءفيلمنىڭ الەمدىك پرەمەراسى 2021 جىلى جاپونياداعى 34-ءشى توكيو حالىقارالىق كينوفەستيۆالىنىڭ باستى بايقاۋىندا ءوتتى, وندا فيلم «ۇزدىك رەجيسسۋرا» ءۇشىن ماراپاتتالدى. وسى جىلدىڭ باسىندا فيلم گەرمانياداعى 72-ءشى بەرلين حالىقارالىق كينوفەستيۆالىندە بايقاۋدان تىس كورسەتىلدى. سونداي-اق «اقىن» برازيلياداعى Olhar de Cinema حالىقارالىق كينوفەستيۆالىندە «ۇزدىك فيلم» سىيلىعىن جەڭىپ الدى.
قازاقستاندا كارتينا وسى جىلدىڭ ءساۋىر ايىندا شەكتەۋلى پروكاتقا شىعارىلدى. سونداي-اق 14 جەلتوقساننان باستاپ «اقىن» فرانتسيا كينوتەاترلارىندا پروكاتقا شىعاتىنى بەلگىلى بولدى.
