قازاقستان سىرتقى ىستەر مينيسترلىگى قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىندا شەت ەلدەردەگى قر مەكەمەلەرى جانىنداعى سايلاۋ ۋچاسكەلەرىنىڭ قىزمەتىن قامتاماسىز ەتۋ جونىندەگى جۇمىستى اياقتادى. شەتەلدەگى قازاقستاندىقتار اراسىندا داۋىس بەرۋدە جوعارى بەلسەندىلىك بايقالدى.
«شەت ەلدەردەگى قازاقستان مەكەمەلەرىنىڭ جانىنان 53 مەملەكەتتە سايلاۋشىلاردىڭ جالپى سانى 12 841 ادامنان تۇراتىن 68 ۋچاسكەلىك سايلاۋ كوميسسياسى اشىلدى. شەتەلدەگى بارلىق ۋچاسكەلىك سايلاۋ كوميسسيالارى ءوز جۇمىسىن اياقتادى. 11 360 قازاقستان ازاماتى داۋىس بەردى, بۇل داۋىس بەرۋشىلەردىڭ كەلۋىنىڭ 88,47%-ىن قۇرادى», دەدى ايبەك سمادياروۆ.
قازاقستان ازاماتتارىنىڭ كوپشىلىگى رەسەيدە داۋىس بەرگەن. وندا 2600 ادام ءوز تاڭداۋىن جاسادى. سايلاۋشىلار سانى بويىنشا ەكىنشى ورىندا تۇركيا, بۇل ەلدە 1423 ادام داۋىس بەرگەن. ءۇشىنشى ورىندا وزبەكستان, مۇندا 591 ادام سايلاۋعا بارعان.
