نازارباەۆ: ەاەو كەلىسىمى بارلىق تاراپتاردى قاناعاتتاندىرادى

استانا. 30 مامىر. ەۋرازيالىق ەكونوميكالىق وداقتىڭ كەلىسىمى وعان قاتىسۋشى بارلىق تاراپتاردىڭ كوڭىلىنەن شىعادى, ونىڭ تالاپتارى تۇگەل قاناعاتتاندىرادى. قازاقستان پرەزيدەنتى نۇرسۇلتان نازارباەۆ رەسەي, بەلارۋس جانە قازاقستان ەلدەرى باسشىلارىنىڭ شاعىن شەڭبەردەگى كەزدەسۋىن اشاردا وسىلاي دەدى. بۇل تۋرالى ريا «نوۆوستي» ءتىلشىسى حابارلادى. قازاقستان ليدەرىنىڭ ايتۋى بويىنشا, اتالمىش قۇجاتتىڭ «رەسەي, قازاقستان جانە بەلارۋس ەلدەرىنىڭ بولاشاعى ءۇشىن تاريحي ءمانى بار». «كەلىسىم بارلىق مەملەكەتتەردىڭ مۇددەسىن قورعاي الاتىنداي سالماقتى, ساۋاتتى ەتىپ جاسالدى», - دەدى نازارباەۆ. ول ءوز سوزىندە وسى باعىتتا وراسان زور جۇمىستاردىڭ اتقارىلعانىنا توقتالىپ, اقىر سوڭىندا «بارلىق تاراپتاردى قاناعاتتاندىراتىن مامىلەگە كەلگەنىن» اتاپ ءوتتى. «وندا مەملەكەتتەردىڭ تەڭ قۇقىقتىعىنىڭ, ولاردىڭ تەرريتوريالىق تۇتاستىعىنىڭ, سونداي-اق وداققا مۇشە مەملەكەتتەردىڭ ساياسي قۇرىلىمدارى ەرەكشەلىكتەرىن قۇرمەتتەۋدىڭ بارشا قاعيداتتارى قامتىلعان بارلىق بازالىق اسپەكتىلەر اتاپ كورسەتىلدى», - دەدى نازارباەۆ جوعارى ەۋرازيالىق ەكونوميكالىق كەڭەستىڭ شاعىن قۇرامداعى وتىرىسىن اشارداعى سوزىندە. وداقتىڭ شەشىمدەرى «ءاربىر تاراپ انىقتاۋشى داۋىس الاتىن» كونسەنسۋس قاعيداتى بويىنشا قابىلدانادى. «كادر ساياساتى تاراپتاردىڭ تەڭ مولشەردە ۇسىنۋ جانە كونكۋرستىق نەگىزدە قابىلداۋ پريتسيپتەرى بويىنشا قۇرىلادى», - دەپ ءتۇسىندىرىپ ءوتتى ول. ساكەن مايلىباي. دەرەككوز: ريا «نوۆوستي». فوتو: ريا «نوۆوستي». ميحايل كليمەنتەۆ.