دامۋدىڭ داڭعىل جولى

سوڭعى ۋاقىتتا جەر-دۇنيەدە ورىن الىپ جاتقان وقيعالارعا زەر سالا قاراساق, الەمدىك قاۋىمداستىقتىڭ حالىقارالىق قاتىناستارداعى شيەلەنىستىڭ كۇشەيۋىنە الاڭداپ وتىرعانىن اڭدايمىز. دەسە دە, جوعارى دەڭگەيدە وتەتىن كەزدەسۋلەر مەن وندا قابىلداناتىن ماڭىزدى شەشىمدەر كەز كەلگەن داعدارىستان شىعۋدىڭ جولى مىندەتتى تۇردە تابىلاتىنىن كورسەتەدى. 1992 جىلى ەلباسى نۇرسۇلتان نا­زارباەۆ كەلەشەكتە ازيا-تىنىق مۇ­حيتى ايماعىنىڭ ماڭىزى ارتاتىنىن ايت­قان بولاتىن. ول سول كەزدىڭ وزىندە ازيا­داعى ءوزارا ءىس-قيمىل جانە سەنىم شا­رالارى ۇيىمىن قۇرۋ تۋرالى باستاما كوتەرگەن ەدى. ۇلت كوشباسشىسىنىڭ تەرەڭ ستراتەگيالىق جانە كورەگەن بولجا­مى اتالعان ۇدەرىستەردىڭ بۇگىندە ناق­تى ناتيجەلەرمەن بەكي تۇسكەنىنەن كورىنەدى. بۇگىنگى تاڭدا دامۋدىڭ دۇرىس ءارى داڭعىل جولى – ينتەگراتسيا. ينتە­گرا­تسيالىق بايلانىستار جاھاندىق دەڭ­گەيدە عانا ەمەس, وڭىرلىك ورتالىقتار اياسىندا دا شوعىرلانا الادى. قازاقستان – ينتەگراتسيالىق ۇدەرىستەردىڭ باستاماشىسىنا اينالعان مەملەكەت. ەلىمىزدىڭ بۇل تاراپتاعى جوبالارىنا باسقا ەلدەر دە قولداۋ ءبىلدىرىپ كەلەدى. بۇل رەتتە پرەزيدەنتىمىزدىڭ G-Global تۋرالى ۇسىنىسىنىڭ ايرىقشا ماڭىزدىلىعىن ايتۋعا بولادى. ءار ءوڭىر ەلىمىزدىڭ دامۋى مەن قاۋىپسىزدىگىن قامتاماسىز ەتۋگە ءوز ۇلەسىن قوسا الادى. ىشكى تۇراقتىلىققا جەتۋ تاجىريبەسى بىزگە قوردالانعان ماسەلەلەر تۋرالى ايتۋدى عانا ەمەس, ونىڭ ءتۇيىنى مەن شەشىمىن كورسەتۋگە دە قۇقىق بەرەدى. بۇكىل الەم داعدارىسقا شىرمالىپ جاتقان كەزدە, ەلىمىز الدىنا ۇلكەن ماقساتتار مەن مىندەتتەر قويىپ, وعان جەتۋگە, بيىك ۇدەدەن تابىلۋعا قادام باسىپ وتىر. ونى ءار كەزدە قۇپتاۋ كەرەك. بۇگىندە قازاقستان جاھاندىق ماسەلەلەردىڭ ءتۇيىنىن تارقاتۋعا, ەكونوميكانى جاڭعىرتۋ ارقىلى ونەركاسىپتىڭ بارلىق سالاسىن جانداندىرۋعا, يننوۆاتسيالىق تەحنولوگيانى ەنگىزۋگە كۇش سالىپ جاتىر. وسىناۋ از ۋاقىت ىشىندە قازاق­ستان حالىقارالىق قاۋىم­داستىقتا ءوزىنىڭ ورنىن ايشىقتاعان مەملەكەتكە اينالدى. قازىرگى كەزدە قازاقستاننىڭ ۇستا­نىمىمەن, پىكىرىمەن بارلىق جۇرت ساناسادى. بۇل ءبىزدىڭ جيناعان ءتاجى­­ريبەمىزدىڭ باعالاناتىنىن جانە ءاردايىم ماڭىزدى ەكەنىن اڭعارت­سا كەرەك. ەلباسى تاڭداعان ءارى قالىپ­تاس­­تىرعان دامۋ ستراتەگياسى حالىقتى دۇرىس باعىتقا باستاپ بارا جاتقانىن كورسەتەدى. ليديا ستولياروۆا, د.سەرىكباەۆ اتىنداعى شىعىس قازاقستان مەملەكەتتىك تەحنيكالىق ۋنيۆەرسيتەتىنىڭ پروفەسسورى. وسكەمەن.