پۋتين وداق مۇشەلەرىنىڭ ەگەمەن قالپىندا قالاتىندارىن جەتكىزدى

استانا. 29 مامىر. بۇگىن قازاقستان, رەسەي جانە بەلارۋس پرەزيدەنتتەرى نۇرسۇلتان نازارباەۆ, ۆلاديمير پۋتين جانە الەكساندر لۋكاشەنكو ەۋرازيالىق ەكونوميكالىق وداق (ەاەو) قۇرۋ جونىندەگى كەلىسىمگە قول قويدى. ول 2015 جىلدىڭ 1 قاڭتارىنان جۇمىس ىستەي باستايدى. بۇل تۋرالى يتار-تاسس ءتىلشىسى حابارلادى. بۇدان بىلاي رەسەي, بەلارۋس جانە قازاقستان وداق نارىعىنداعى شىنايى نيەتتى باسەكەنى ىنتالاندىرىپ وتىرۋعا نيەتتى بولىپ وتىر. وسىمەن ءبىر مەزگىلدە تۇتىنۋشىلار مەن وداققا قاتىسۋشى ەلدەردىڭ مۇددەلەرى بارىنشا ءتيىمدى قورعالاتىن بولادى. مۇنى ءوز سوزىندە ۆلاديمير پۋتين ايتتى. رەسەي پرەزيدەنتىنىڭ سوزىنە قاراعاندا, كەلىسىمدى دايىنداپ, وعان قول قويۋ كەزىندە قاتىسۋشى ەلدەر باسشىلارىنىڭ ورتاق ۇمتىلىسى, تاراپتاردىڭ دايىندىعى مەن ىمىراعا كەلە بىلۋشىلىگى ارقاسىندا كوپتەگەن كەدەرگىلەردى جەڭۋدىڭ ورايى كەلدى. ال بۇل جونىندەگى جۇمىستار 2014 جىلدىڭ 1 ماۋسىمىندا باستالعان بولاتىن. «ەۋرازيالىق ەكونوميكالىق وداق امبەباپ ءمولدىر قاعيداتتار, جالپىعا ورتاق تۇسىنىكتەر, سونىڭ ىشىندە بۇكىلالەمدىك ساۋدا ۇيىمى تالاپتارى نەگىزىندە جۇمىس جاسايتىن بولادى, - دەپ مالىمدەدى پۋتين. – بۇل - رەسەي, بەلارۋس جانە قازاقستان ۇكىمەتتەرىنىڭ تىعىز قارىم-قاتىناس جاعدايىندا جۇمىس جاساۋلارىنىڭ ناتيجەسى». رەسەي ليدەرىنىڭ سوزىنە قاراعاندا, ەاەو كەلىسىمىنە قول قويۋ وعان قاتىسۋشى ەلدەردى ينتەگراتسيانىڭ ءپرينتسيپتى جاڭا دەڭگەيىنە كوتەرەدى. «ءبىز مەملەكەتتىك ەگەمەندىكتى تولىق قالپىندا ساقتاي وتىرىپ, سونىمەن بىرگە مەيلىنشە ۇيلەسىمدى ەكونوميكالىق ىنتىماقتاستىق پەن كووپەراتسيا جاسايمىز», - دەپ اتاپ ءوتتى ول. ساكەن مايلىباي. دەرەككوز: يتار-تاسس. فوتو: يتار-تاسس/ميحايل مەتتسەل.