وكىنىشكە قاراي, اقتوبە ايماعىندا ەسىرتكىگە دەگەن سۇرانىس تا, ۇسىنىس تا ازايماي تۇر. تالاي جاستىڭ تاعدىرىن تىعىرىققا تىرەپ, ەرەسەكتەردىڭ دە ەسىن العان ەسىرتكى ءوندىرىسى مەن اينالىمى ادامداردىڭ دەنساۋلىعىنا دا ۇلكەن اسەر ەتىپ وتىر.
ناقتى مالىمەتتەرگە سۇيەنسەك, قازىرگى تاڭدا وبلىستىڭ ناركولوگيالىق ەسەبىندە 1 786 ادام ناشاقور رەتىندە تىركەۋگە الىنعان ەكەن. وتكەن جىلى بۇل تىزىمدەگىلەر سانى 1 856 بولعان. ونىڭ ىشىندە 117-ءسى ايەل بولسا, قارا ءتىزىمنىڭ قاق ورتاسىندا كامەلەتكە تولماعان 2 بالا دا بار.
وڭىرلىك قۇقىق قورعاۋ ورگاندارى جىل باسىنان بەرى ەسىرتكىگە بايلانىستى 306 قىلمىستىق قۇقىق بۇزۋشىلىق تىركەلگەنىن مالىمدەپ وتىر. بۇل سان وتكەن جىلمەن سالىستىرعاندا وسى ساناتتاعى قىلمىستاردىڭ 34,8 پايىزعا وسكەنىن اڭعارتادى. تىركەلگەن قىلمىستىق ءىستىڭ ىشىندە 148-ءى سوتقا جولدانعان.
اقتوبەلىك پروكۋرورلار 12 جاعدايدا ەسىرتكىنى ناسيحاتتاۋ تۇرعىن ۇيلەردىڭ قابىرعالارىندا تەلەگرامم ارنالاردىڭ اتاۋلارىن بەينەلەۋ ارقىلى جۇزەگە اسىرىلعانىن حابارلادى.
وسىعان وراي ەسىرتكى ساۋداسىمەن اينالىساتىن ادامداردى انىقتاۋ جۇمىستارىنا ەرەكشە دەن قويىلىپ وتىر. اسىرەسە ينتەرنەتتەگى جارنامالىق «گراففيتي سايتتارى مەن مەسسەندجەرلەردىڭ لوگيندەرى, جازۋلارىنىڭ» تارالۋ فاكتىلەرىنىڭ الدىن الۋ جانە جولىن كەسۋ بويىنشا جۇمىس كۇشەيتىلدى. قالا بويىنشا قابىرعالاردا وسىنداي 20-دان استام جازبا جويىلعان.
مىسالى, جاقىندا اقتوبە قالاسىنداعى استانا اۋدانىندا ەسىرتكى زاتتارىن وتكىزۋ ماقساتىندا زاڭسىز دايىنداۋمەن اينالىسقان قىلمىستىق توپ انىقتالىپ, ولاردىڭ زاڭسىز ءىس-ارەكەتتەرىن اشكەرەلەگەن ەدى. بۇل توپتىڭ قۇرامىندا 6 ادام بولعان. وسى اۋداننىڭ پوليتسيا قىزمەتكەرلەرى قىلمىستىق كودەكستىڭ 297-بابىنىڭ 4-بولىگى – ەسىرتكى, پسيحوتروپتىق زاتتاردى, سول تەكتەستەردى بiلiم بەرۋ ۇيىمدارىندا نە كامەلەتكە تولماعان ادامعا وتكىزۋ جانە 262-بابى – ۇيىمداسقان توپ, قىلمىستىق ۇيىم قۇرۋ جانە ولارعا باسشىلىق ەتۋ, سول سياقتى ولارعا قاتىسۋ بويىنشا سوتقا دەيىنگى تەرگەپ-تەكسەرۋ جۇرگىزدى. سوت ۇكىمىمەن توپتىڭ بارلىق مۇشەسىنە 16 جىلدان 17 جىلعا دەيىنگى مەرزىمگە باس بوستاندىعىنان ايىرۋ جازاسى تاعايىندالدى.
