يگور شۋۆالوۆ: «ەۋرازيالىق ەكونوميكالىق وداق اپپاراتىندا قازاقستاندىق ارىپتەستەرىمىز لايىقتى ورىنعا يە»

استانا. 29 مامىر. قوسىمشالارىمەن ەسەپتەگەندە ەۋرازيالىق ەكونوميكالىق وداقتى قۇرۋ تۋرالى كەلىسىم-شارتتىڭ كولەمى 1000 بەتكە جۋىقتايدى. اتالعان قۇجات ارىپتەس ەلدەردىڭ پارلامەنتتەرىندە راتيفيكا­تسيا­لانۋى ءتيىس. رەسەي فەدەراتسياسى ۇكىمەتى باسشىسىنىڭ ءبىرىنشى ورىنباسارى يگور شۋۆالوۆ وسىلاي دەدى. بۇل تۋرالى egemen.kz ءتىلشىسى حابارلادى. يگور شۋۆالوۆ: «ەۋرازيالىق ەكونوميكالىق كوميسسيانى ەۋرازيالىق ەكونوميكالىق وداقتىڭ ناقتى ءىس جۇرگىزەتىن ورگانى رەتىندە نىعايتۋ جونىندە بىرلەسكەن جۇمىستى جالعاستىرۋعا ءتيىسپىز. قازاقستان تاراپىنىڭ كو­ميسسيا اپپاراتىنداعى «ءوز پوزي­تسيالارىن كۇشەيتۋگە» ۇمتى­لىسىنا وتە قىزىعا قاراي­مىن. كەيدە بۇل جونىندە ءبىز باقىتجان سا­عىنتاەۆپەن ايتىسىپ تا قالامىز, بىراق قاعيداتتى تۇردە العاندا قازاقستاندىق ارىپتەستەرىمىزدىڭ وداق اپپاراتىندا لايىقتى ورىن­داردى بارىنشا كوبىرەك يەم­دەنۋگە دەگەن ۇمتىلىسى مەنى قۋانتادى», – دەدى. بۇدان بولەك, ول اعىم­داعى شەشىمدەردىڭ كوپشىلىگى قابىلداناتىن كەڭەستىڭ ءماجىلىس­تەرى جۇيەلى تۇردە وتكىزىلىپ تۇرۋى ءتيىس ەكەنىن دە اتاپ ءوتتى. جولدىباي بازار. دەرەككوز: egemen.kz فوتو: eurasioncommission.org.