ەۋرازيالىق ەكونوميكالىق وداق كولەمىندەگى ورتاق نارىق ەل الەۋەتىن كوتەرۋگە ءتيىمدى

استانا. 29 مامىر. ۇكىمەت باسشىسىنىڭ ءبىرىنشى ورىنباسارى باقىتجان ساعىنتاەۆ 2019 جىلعا قاراي ينتەگراتسيا­لاۋ جولىمەن ورتاق ەلەكتر ەنەرگياسى نارىعىن قۇرۋ جوسپارلانىپ وتىرعانىن جەتكىزدى. بۇل تۋرالى egemen.kz ءتىلشىسى حابارلادى. باقىتجان ساعىنتاەۆ: «ورتاق ەلەكتر ەنەرگياسى نارىعىن قازاقستان, رەسەي جانە بەلارۋس ەلەكتر ەنەر­گيا­لارىنىڭ ۇلتتىق نارىقتارىن ينتەگراتسيا­لاۋ جولىمەن 2019 جىلعا قاراي قۇرۋ جوسپاردا بار. ورتاق ەلەكتر ەنەرگياسى نارىعىن ساتىلاپ قۇرۋ شەڭبەرىندە ورتاق ەلەكتر ەنەرگياسىن قۇرۋ تۇجىرىمداماسى مەن باعدارلاماسى ازىرلەنىپ, ولاردى مەملەكەت باسشىلارى دەڭگەيىندە جوعارى ەكونو­مي­كالىق كەڭەس بەكىتەتىن بولادى», – دەدى. ونىڭ ايتۋىنشا, بۇل تۇجىرىمدامالار مەن باعدار­لامالار بەكىتىلگەننەن كەيىن مۇشە-مەم­لەكەتتەر ورتاق ەلەكتر ەنەرگياسى نارىعىن قۇرۋ تۋرالى (2019 جىلدىڭ 1 شىلدە­سى­نە دەيىن) حالىقارالىق كەلىسىم-شارتقا قول قويادى. جولدىباي بازار. دەرەككوز: egemen.kz. فوتو: ortcom.kz.