ەۋرازيالىق ينتەگراتسيا شەڭبەرىندە ونەركاسىپتىك كووپەراتسيالار دا داميدى

استانا. 29 مامىر. ءبىز ەكونو­ميكالىق وداق اياسىندا ونەر­كا­سىپتىك كووپەراتسيالاردى دا دامىتا بەرەتىن بولامىز. الداعى ۋاقىتتا ەلىمىزدىڭ ءىرى بىرلەس­كەن وندىرىستەر قۇرۋىنا جانە ءون­دىرىستىك-كووپەراتسيالىق ءتىز­بەكتى دامىتۋىنا جاعداي جاسالادى. ۇكىمەت باسشىسىنىڭ ءبىرىنشى ورىنباسارى باقىتجان ساعىنتاەۆ وسىلاي دەدى. بۇل تۋرالى egemen.kz ءتىلشىسى حابارلادى. باقىتجان ساعىنتاەۆتىڭ ايتۋىنشا, بولاشاقتا ەۋرازيالىق ەكونوميكالىق وداق ءبىزدىڭ ءىرى كاسىپورىندارىمىزعا حالىق­ارالىق نارىقتا الەمدىك ءوندى­رىس­شىلەرمەن باسەكەگە تۇسۋگە مۇمكىن­دىكتەر بەرەدى. سونداي-اق, ول: «قازاقستاننىڭ 2016 جىلعا قاراي حالىقارالىق قاعيداتتارعا نەگىزدەلگەن اۋىل شارۋاشىلىعىنا مەملەكەتتىك قولداۋ كورسەتۋ ەسەبىنىڭ جاڭا ءادىس­تەمەسىن ازىرلەۋ تۋرالى ۋاعدا­لاستىققا قول جەتكىزگەنىن دە اتاپ وتپەكپىن. قازاقستان نەگىزگى وتكىزۋ نارىعىنان شالعاي جاتقان جانە تەڭىز پورتتارىنا تىكەلەي شىعا المايتىن ەل بولىپ تابى­لادى. وسىعان وراي قازاقستاندىق ەكسپورت­تاۋ­شىلاردىڭ ارىپتەس ەلدەردىڭ كولىك ينفرا­قۇرىلىم­دارىنا قولجەتىمدىلىگىنە جول اشۋ ءبىز ءۇشىن وتە ماڭىزدى», – دەدى. بۇدان بولەك, ۇكىمەت باسشىسىنىڭ ءبىرىنشى ورىنباسارى ەۋرازيالىق ەكونوميكالىق وداق كولىكتىك شىعىنداردى قىسقارتۋعا, سوعان سايكەس قازاق­ستاندىق ونىمدەردىڭ ءۇشىنشى ەلدەر نارىعىنداعى باسەكەگە قابى­لەت­تىلىگىن ارتتىرۋعا جاعداي جاسايتىنىن جەتكىزدى. جولدىباي بازار. دەرەككوز: egemen.kz. فوتو: nurotan.kz.