ەۋرازيالىق ەكونوميكالىق وداقتىڭ قازىر قۇرىلۋىنا نە سەبەپ؟

استانا. 29 مامىر. ەۋرازيالىق ەكونوميكالىق وداق نەگە ءدال قازىر قۇرىلىپ جاتىر؟ اتالمىش سۇراققا «نۇر وتان» پارتياسى توراعاسىنىڭ بiرiنشi ورىنباسارى باۋىرجان بايبەك ل.ن.گۋميلەۆ اتىنداعى ەۋرازيا ۇلتتىق ۋنيۆەرسيتەتiنiڭ قابىرعاسىندا وتكەن پروفەسسورلىق-وقىتۋشىلىق قۇراممەن جانە ستۋدەنتتەرمەن كەزدەسۋi بارىسىندا جاۋاپ بەردى. وسىنى حابارلاعان BNews.kz ءتىلشىسى پارتيا توراعاسى ورىنباسارىنىڭ سوزدەرىنەن ءبىرشاما دايەكتەمە كەلتىرەدى. «ەۋرازيالىق ىقپالداستىق يدەياسىن تۇڭعىش رەت 1994 جىلى مەملەكەت باسشىسى نۇرسۇلتان نازارباەۆ ايتقان بولاتىن. ەلباسىنىڭ ستراتەگيالىق باستاماسى 20 جىل بويى كەزەڭ-كەزەڭمەن, 2000 جىلى ەۋرازيالىق ەكونوميكالىق قاۋىمداستىق, 2010 جىلى كەدەندىك وداق جانە 2012 جىلى – بىرىڭعاي ەكونوميكالىۇ كەڭىستىك قۇرۋ جولىمەن جۇزەگە اسىرىلىپ كەلەدى. بۇگىنگى تاڭدا ەۋرازيالىق ىقپالداسۋ جاڭا مەجەنىڭ – ەاەو قۇرۋدىڭ الدىندا تۇر», - دەدى ب.بايبەك. «بىرىڭعاي ەكونوميكالىق كەڭىستىك تەڭ دارەجەدەگى باسەكەلەستىك ءۇشىن العىشارت جاسادى. تۇتىنۋشىلىق سۇرانىس ارتتىپ, ءوندىرىس ءوسىمى ىنتالاندىرىلدى. ماسەلەن, كەدەن وداعىنا مۇشە ەلدەردىڭ بارلىعى بۇكىلالەمدىك بانكتىڭ بيزنەستى جۇرگىزۋ جاعدايىنا بايلانىستى رەيتىنگىندە ەلەۋلى كوتەرىلدى. 2011-2014 جىل ارالىعىندا قازاقستان 9 ساتىعا كوتەرىلدى. بۇل تۇستا قازاقستاننىڭ مۇحيتقا شىعا المايتىندىعىن ەسكەرگەن ءجون. ىشكىماتەريكتىك مەملەكەت بولساق تا, بىزدە العا جىلجۋ بار. مۇحيتقا شىعا المايتىندىقتان ءبىز باسەكەلەستىككە قابىلەتتىلىكتىڭ بىرنەشە پوزيتسياسى بويىنشا تومەن تۇسەمىز», - دەگەن قورىتىندى جاسادى پارتيا جەتەكشىلەرىنىڭ ءبىرى. مۇرات ايتقوجا. دەرەككوز: BNews.kz. فوتو: agencyrating.kz.