ەۋرازيالىق ينتەگراتسيانىڭ يگىلىگى ايماقتارعا دا تارايدى

استانا. 29 مامىر.ەۋرازيالىق ينتەگراتسيا يگىلىگىن ايماقتار كورەتىن بولادى. بۇل تۋرالى BNews.kz ءتىلشىسى حابارلادى. اقتوبە وبلىسىنىڭ وزىندە بۇگىنگى تاڭدا كەدەن وداعى اياسىندا ءوزارا ساۋدا اينالىمى ەداۋىر ارتىپ وتىر. ەندى ەۋرازيالىق ەكونوميكالىق وداق اۋقىمىندا بۇل قارقىن ودان ءارى كوتەرىلە تۇسۋگە ءتيىس. وبلىستىق كاسىپكەرلىك جانە يندۋستريالدىق-يننوۆاتسيالىق دامۋ باسقارماسى بەرگەن دەرەكتەرگە قاراعاندا, وتكەن جىلى تاۋار اينالىمى 1495,0 ملن. اقش دوللارىن قۇراعان. بۇل - 2012 جىلىمەن سالىستىرعاندا, 109,9 پايىزعا ارتىق. وسى كەزدە ونىڭ ساۋدا اينالىمى رەسەيمەن 1451,0 ملن. دوللارعا, بەلارۋسپەن 44,0 ملن. دوللارعا جەتكەن. مامانداردىڭ ايتۋىنشا, ەكسپورتقا شىعارىلاتىن تاۋارلاردىڭ دا ءتۇرى كوبەيگەن. مىسالى, ەت,ءسۇت پەن كونديتەرلىك ونىمدەردەن وزگە مەديتسينالىق تەحنيكا مەن قۇرىلىس ماتەريالدارى جەتكىزىلەدى. ەۋرازيالىق ەكونوميكالىق وداق اياسىندا ساۋدا-ساتتىق جاساۋعا كەدەرگىلەر مۇلدەم بولمايدى. بۇگىنگى تاڭدا اقتوبەنىڭ «تەمىر سەرۆيس» سەرىكتەستىگى رەسەيدىڭ «چيليسايسكيە فوسفوريتى» ساۋدا ۇيىمەن كەلىسىمگە قول قويدى. ولار رەسەي فەدەراتسياسىنىڭ اۋماعىندا رەسمي دەلدال بولىپ, كورشى ەلدىڭ وننان استام وبلىسىندا تاۋارلار ساتادى. ال اقتوبە بەيمەتالل قۇبىرلارى زاۋىتى «تاتنەفت-ستەكلوۆولوكنو» ااق اراسىندا شىنى تالشىقتارى ءونىمىن جەتكىزۋ بويىنشا ۇزاق مەرزىمدى كەلىسىم جاسالدى. وسىلايشا ەۋرازيالىق ەكونوميكالىق وداقتىڭ اياسىندا دا سەرىكتەستىكتەردى دامىتۋعا مۇمكىندىكتەر تۋادى. مۇرات ايتقوجا. دەرەككوز: BNews.kz. فوتو: agencyrating.kz.