استانا. 29 مامىر. وڭىرلىك ىقپالداستىق باسەكەگە قابىلەتتىلىكتى ارتتىرىپ, نارىقتى كەڭەيتۋگە مۇمكىندىك بەرەدى. «ەكونوميكالىق زەرتتەۋلەر ينستيتۋتى» اق پرەزيدەنتى ماقسات مۇقانوۆ وسىنداي پىكىر ءبىلدىردى.
وسىنى حابارلاعان BNews.kz ءتىلشىسى ساراپشىنىڭ كوپتەگەن ورنىقتى ويلارىن تارقاتىپ ايتىپ بەرەدى.
«قازاقستاننىڭ وڭىرلىك ىقپالداستىققا ۇمتىلۋى الەمدىك ترەند بولىپ تابىلادى. بۇل قازاقستان ءۇشىن اسا ماڭىزدى, سەبەبى ءبىزدىڭ اۋماعىمىز ۇلكەن ەمەس, تەڭىزگە تىكەلەي شىعار جولدارىمىز جوق جانە ەكونوميكالىق ءوسىمنىڭ نەگىزگى الەمدىك ورتالىقتارىنان الشاق. وڭىرلىك ىقپالداستىق باسەكەگە قابىلەتتىلىكتى ارتتىرۋعا, نارىقتى كەڭەيتۋگە مۇمكىندىك بەرەدى», - دەگەن پىكىردى جەتكىزگەن ساراپشى.
ينستيتۋت باسشىسى ماقسات مۇقانوۆ اتاپ وتكەندەي, بۇگىنگى كۇننىڭ وزىندە بىرىڭعاي ەكونوميكالىق كەڭىستىك ساۋدا قىزمەتىنىڭ حالىقارالىق قيعاداتتارى نەگىزىندە قالىپتاستىرىلۋدا.
«بۇل دسۇ قاعيداتتارى. بۇگىننىڭ وزىندە دسۇ قاعيداتتارى باسشىلىققا الىنىپ وتىر, ويتكەنى بۇل قاعيداتتاردا مەملەكەتتىڭ بۇل ۇردىستەرگە ارالاسۋىن بارىنشا ازايتۋ بار. سوندىقتان ساۋدا قىزمەتىنىڭ حالىقارالىق قاعيداتتارىمەن رۇقسات ەتىلگەن باعىتتاردا عانا قولداۋ كورسەتىلەتىن بولادى. قازىر مەملەكەت تاراپىنان ءبىزدىڭ كاسىپكەرلىككە, قازاقستاندىق كاسىپورىندارعا, اسىرەسە, وڭدەۋ, اۋىلشارۋاشىلىق ونىمدەرىن وڭدەۋ سالالارىندا وتە ۇلكەن قولداۋ كورسەتىلۋدە. جانە بۇل باعىتتا قولداۋ بىلدىرۋگە تىيىم سالىنباعان شارالار (مىسال ءۇشىن ىشكى ءوندىرىس) وتاندىق وندىرۋشىلەردى دەمەۋگە ىقپال ەتەتىن بولادى. بىراق ونىمەن ءبىر مەزگىلدە قازاقستان ءوز موينىنا الاتىن قولدانىستاعى حالىقارالىق نورمالار مەن مىندەتتەمەلەر شەڭبەرىندە ايتساق, بۇل تۇرعىدا حالىقارالىق نورمالار وتاندىق وندىرۋشىلەرگە بوگەت جاسايتىنداي ۇلكەن كەدەرگىلەردى كورىپ وتىرعانىم جوق», - دەدى ساراپشى.
مۇرات ايتقوجا.
دەرەككوز: BNews.kz.
فوتو: agencyrating.kz.
