وڭتۇستىكقازاقستاندىقتار ەۋرازيالىق ەكونوميكالىق وداقتان جاقسىلىقتار كۇتەدى

استانا. 29 مامىر. وڭتۇستىك قازاقستان وبلىسىندا ەۋرازيالىق ەكونوميكالىق وداقتى قۇرۋ جونىندەگى شارتقا قول قويىلعاننان كەيىن كوپتەگەن جوبالار پايدا بولادى. بۇل تۋرالى «قازاقپارات» حابارلادى. قازىر قوعامىمىزدا ەۋرازيالىق ەكونوميكالىق وداق قۇرۋ تۋرالى شارت بەكىتىلگەننەن كەيىن تاۋار وندىرۋشىگە قويىلاتىن تالاپتار رەگلامەنتتەلەدى, ارىپتەس مەملەكەتتەر اراسىندا تاۋار اينالىمى, ءوندىرىس كولەمى ارتادى دەگەن مازمۇنداعى پىكىرلەر ايتىلۋدا. ماسەلەن, وڭتۇستىك قازاقستان وبلىستىق كاسىپكەرلەر پالاتاسىنىڭ ديرەكتورى جەڭىسبەك دۋلاتوۆ: «ەۋرازيالىق ەكونوميكالىق وداق اۋقىمىندا بىرقاتار جوبالار جۇزەگە اسىرىلادى. ماسەلەن, ءبىزدىڭ وبلىس ءۇشىن ماسكەۋدە وڭتۇستىكقازاقستاندىق كاسىپكەرلەردىڭ قاتىسۋىمەن لوگيستيكالىق ورتالىق قۇرىلىسى باستالماق. قازىر رەسەيگە جەمىس-جيدەك, كوكونىس جانە ەت ونىمدەرىن جەتكىزۋ ماسەلەسى پىسىقتالۋدا», – دەدى. جەڭىسبەك دۋلاتوۆتىڭ ايتۋىنشا, اتالعان وداقتىق قۇرىلۋى ءۇش ەلدىڭ تۇتىنۋ نارىعىن قالىپتاستىرادى. 170 ملن. ادامدىق نارىق – بۇل ءبىزدىڭ ۇلتتىق نارىقتان 10 ەسە كوپ دەگەن ءسوز. تاعى ءبىر كورەتىن پايدامىز – وندىرىلەتىن ونىمدەردىڭ ساپاسى, جاڭا تەحنولوگيالار ترانسفەرتى, ءوندىرىستى جاڭارتۋ جاقسارادى», – دەدى. وڭتۇستىكقازاقستاندىق كاسىپكەرلەردىڭ پىكىرىنشە, ەلىمىز باسەكەگە قابىلەتتى. قازاقستان كاسىپكەرلەرى جاقسى قورعالعان, وزدەرىنىڭ ماسەلەلەرىن ۇكىمەتكە دەيىن جەتكىزە الادى. جولدىباي بازار. دەرەككوز: «قازاقپارات». فوتو: palata.kz.