ەۋرازيالىق ينتەگراتسيا ءبىلىم مەن عىلىمنىڭ دامۋىنا جول اشادى

استانا. 29 مامىر. ەۋرازيالىق ينتەگراتسيا ارقىلى مادەني بايلانىستار نىعايىپ, ءبىلىم مەن عىلىمداعى وزىق جەتىستىكتەر ورتاعا سالىنادى. وڭتۇستىك قازاقستان وبلىسى تۇركىستان قالاسىنداعى حالىقارالىق قازاق-تۇرىك ۋنيۆەرسيتەتىنىڭ ۇستازدارى مەن ستۋدەنتتەرى وسىنداي پىكىردە. بۇل تۋرالى «24kz» حابارلادى. احمەت ياcساۋي اتىنداعى حالىقارالىق قازاق-تۇرىك ۋنيۆەرسيتەتى بۇگىندە ەلىمىزدىڭ ىرگەلى وقۋ ورىندارىنىڭ بىرىنە اينالعان. مۇندا قازىر 10 مىڭنان استام ستۋدەنت ءبىلىم الۋدا. ولاردىڭ ىشىندە ەلىمىزدەن بولەك, رەسەي فەدەراتسياسىنىڭ تاتارستان, باشقۇرتستان, تىۆا, حاكاسيا, ساحا سەكىلدى ەلدەرىنەن دە جاستار بار. فيزيكا-ماتەماتيكا عىلىمدارىنىڭ دوكتورى, پروفەسسور ءۋاليحان ابدىبەكوۆ: «ەۋرازيالىق ينتەگراتسيا ارقىلى مادەني بايلانىستار دا نىعايىپ, ءبىلىم مەن عىلىمداعى وزىق جەتىستىكتەر ورتاعا سالىنادى», – دەدى. ا.ياساۋي اتىنداعى حقتۋ جاستار ۇيىمىنىڭ توراعاسى باعلان ەرماحانوۆ: «كەز-كەلگەن ەلمەن تەڭ دارەجەلى بايلانىسقا تۇسە الاتىنىمىزدى كورسەتە الامىز. ينتەگراتسيانىڭ باستى ماقساتى – حالىقتاردىڭ الەۋمەتىن جاقسارتۋ, ەكونوميكاسىن كوتەرۋ. سونىڭ ارقاسىندا ءبىلىم-عىلىم سالاسى, باسقا باعىتتار دا ءوز دەڭگەيىنە كوتەرىلەدى دەگەن سەنىم بار», – دەدى. جولدىباي بازار. دەرەككوز: «24kz». فوتو: ontustyk.gov.kz.