قىزىلوردا وبلىسى توتەنشە جاعدايلار دەپارتامەنتى ء«ورت ءسوندىرۋ جانە اۆاريالىق قۇتقارۋ جۇمىستارى قىزمەتى» ماماندارىنىڭ حابارلاۋىنشا, ايالدامادان كوپشىلىك وزىنە كەرەكتى اقپارات تا تابا الادى. سونداي-اق مۇندا قاۋىپسىزدىك ەرەجەلەرىمەن تانىسۋعا دا مۇمكىندىك تۋىپ وتىر. جاستار ءۇشىن قۇتقارۋشى مەن ءورت ءسوندىرۋشى ماماندىعىن مەڭگەرۋ, ازاماتتىق قورعاۋ قىزمەتىنە جولداما الۋدىڭ جولدارى جايلى مالىمەت تە بار.
م.سالاماتوۆ كوشەسىنىڭ ايالداما ورنالاسقان تۇسى №1 مامانداندىرىلعان ءورت ءسوندىرۋ بولىمىنە جاقىن. تاياق تاستام جەردە ءورت ءسوندىرۋ كەزىندە وپات بولعان ەرجۇرەك ءورت سوندىرۋشىلەرگە ارنالعان «وتقا ورانعان ورەندەر» اتتى ەسكەرتكىش تۇر.
ايرىقشا ايالدامانى قىزىقتاۋشىلار كوپ. ءبىراز جۇرت ونىڭ جانىندا سۋرەتكە ءتۇسىپ, مارە-سارە بولىپ جاتىر.
قىزىلوردا
